Euskaldunok pairatzen dugun kolonizazio, zapalkuntza eta etnozidioa ukatzeko edo gutxiesteko beste herri batzuek pairatzen duten bortizkeriaren intentsitatea erabiltzea sozial-inperialismo anti-euskaldunaren baliabidea da.
Batetik, nazio zapalkuntza, kolonizazio eta etnozidio kasu bakoitzak bere prozesu historiko propioa du, une historiko desberdinetan kolonizatzaileen bortizkeria fisikoaren intentsitatea aldakorra izanez.
Etnozidioa gutxiesteko beste herri batzuek pairatzen duten bortizkeriaren intentsitatea erabiltzea sozial-inperialismo anti-euskaldunaren baliabidea da
Ameriketako indiarrak edo irlandarrak gaur egun ez dira masiboki sarraskituak izaten ari, baina historiako une batzuetan genozidio gordinena pairatu izan dute. Gaur egun masiboki sarraskituak ez izateak ukatzen ote du haiek pairatzen duten zapalkuntza eta etnozidioa?
Gauza bera gertatzen da euskaldunokin.
XVIII. mendearen bukaeran euskaldunok genozidio fisikoa pairatu genuen Lapurdin. Hamar mila euskaldun desplazatu eta bi mila eraildako.
XIX. mendean foru-gudak galdu ostean exodoa pairatu genuen.
Eta 1936-37ko gudan, beste sarraski batzuen artean, Gernikakoa pairatu genuen.
XVIII.-XIX. mendeetan Bizkaia, Gipuzkoa, Lapurdi, Baxe Nafarroa, Zuberoako,… populazioaren %90etik gora euskalduna zen (gehienak elebakarrak).
Gaur euskaldunok asko jota populazioaren %25 gara (eta behin-behineko elebakarrak % 0,2).
1870-1970 ehun urteko epean euskaldunagoa Euskal Herrian erabateko gehiengo izatetik erabateko gutxiengo izatera igaro zen.
Benetako nazio ordezkapen eta garbiketa etnikoaz hitz egin daiteke
Benetako nazio ordezkapen eta garbiketa etnikoaz hitz egin daiteke. Eta minorizazio horrek jarraitzen du gaur egun ere.
Gure ahuldade eta hiper-minorizazioak azaltzen du hain zuzen okupatzaileek une honetan gure aurkako bortizkeria fisiko gordinik ia erabili behar ez izatea (ehundik gora gatibu atxikitzen jarraitzen dutela ahaztu gabe).
Zer behar dute gaur yankiek apatxeak sarraskitzeko, hiper-minorizaturik eta erreserba txiki batzuetan hiper-kontrolaturik badituzte? Zer behar dute frantses eta espainolek gaur euskaldunok sarraskitzeko, hiper-minorizaturik eta hiper-diluiturik “arnasgune” txikienak ere galtzen ari garenean? Zer behar, euskaldunon erresistentzia gordinki erreprimitzeko, euskaldunak dituztenean gure erresistentzia borondatea “burges”, “txobinista” eta “arrazistatzat” kriminalizatzen?
Euskaldunak dituzte guri esaten: “Zer zapalkuntza pairatzen duzu zuk, euskaldun pribilegiatu, txobinista eta zapaltzailea, zure hizkuntza eskubideak urratuta sentitzen dituzula? Ja, ja,… mesedez. Egiazki zapalduak palestinarrak daude”.
Aplikatuko dugu klase-auzira desitxuraketa berdina? Erraza da. Zer mintzo zara zu “Euskal Herriko langileriak” pairatzen duen esplotazioaz? Esplotatuta Kongoko meatzariak daude, kobaltoa erauzten 12 orduko lanaldi eta 2 euroko soldatarekin. Zu mintzo zara “Euskal Herriko langileriaren” esplotazioaz, unibertsitate bateko karreran tasa bat ordaindu behar delako? Kongoko langileek erauzitako kobaltoarekin egindako telefonoa darabilzun bitartean?
Aplikatuko dizugu zuri zeure manipulazio berdina, zure ustiapenaren intentsitatea Kongoko langileriarena baino apalagoa delako? “Europan ez dago ustiaketa kapitalistarik eta plusbaliorik. Esplotazioa periferian bakarrik dago… eta zu ez zara langile bat, are gutxiago zapaldu bat. Zu Kongoko langileen ustiakuntzaren konplize bat zara.”
Erraza da desitxuratzea eta manipulatzea. Ezta?
Ba hori.
Kolonizazioa badago Palestinan eta badago Euskal Herrian. Kapitalismoa eta ustiaketa ekonomikoa badago Afrikan eta badago Europan.
Politika iraultzailea ez da herri desberdinek pairaturiko zapalkuntzaren intentsitatearen arabera zapalkuntza batzuk ukatzea eta mespretxatzea. Hori kontra-iraultzailea da.
Bertokoak okupaturik gaude, alde guztietakoak, kanpokoen beharrik ere gabe. Bertokotzakoak kanpokoen aginduetara herritarren aurka, herritarrak akatzen (batzuk ezjakinean eta jakinaren gainean ere). Herritarrak, ezjakinean eta jakin nahi ezean.
“Bertokoen” eskutik desagerpenera, hori salatzen duena irainduz.
Oso ona analisi hori. Oraintxe bertan Palestinan bezalako bortizkeria gailur bat jasaten ez egoteak ez du esan nahi guk gure askatasunen utzikeria egin behar dugunik. Egia da batzuek esaten dizutela Palestinakoa edo Kongokoa garrantzitsuagoa dela eta gu ondo bizi garela, eta galdetzen dizute zertaz kexatzen zaren, eta esaten dizute dagoeneko libre zarela. Baina egia da, halaber, Palestinarekiko edo Kongorekiko eta munduko beste leku batzuekiko elkartasuna ukatzen dizuna, uste baitu hori gure eskubide eta askatasunen utzikeria dela.Eta ez, uste dut batzuei eta besteei esan behar zaiela, giza eskubideen eta eskubide zibilen aldeko borroka oro, askatasunaren aldeko borroka oro, eta herri eta kulturen zapalkuntza, errepresio eta deuseztapenaren aurkako borroka oro modu aktiboan salatzea merezi duela. Gu askatzeko, mundua aldatu egin behar da, gaur egun konfiguratuta dagoen bezala; bestela, ez dugu inoiz askatasuna lortuko. Eta gainera, posible da Palestinarekiko solidarioa izatea, oraintxe bertan gertatzen ari den sarraskiagatik urgentzia handienekoa dena, mobilizazioekin, boikotarekin eta basakeria horren hedapenarekin, eta beste fronte batzuetan jarraitzea, hala nola, gure nazional propioan, gure hizkuntzaren alde eta abar luze batean.
“Gu askatzeko mundua aldatu behar da “… edo alderantziz ote ?
Oiloa eta arraultzaren metafora etorri zait burura.
Ez arrautzarik, ez oilorik, ez haurdunaldi subrogaturik. Lehenengo edo gero, denak batera ez bada. Denok garelako mundu mailan ezarri dizkiguten joko-arau batzuen biktima. Errora ez bagoaz eta arau horiek aldatzen baditugu, nahiz eta gurea salbatzen tematu, alferrik izango da, zeren arau horiek garaipen pirikoak besterik ez baititugu, garaipen erreal eta behin betikoak inoiz ez direnak. Eta Palestinan gertatzen dena, lehenago ere gertatu dena, eta guri ere tokatu zaiguna, behar bezala eta irmo seinalatu ezean, jolasa jarraitzen ez diena paretik kentzeko metodoa izaten jarraituko du. Gero, Enekok artikuluan ondo dioen bezala, behin ahulduta, jada ez dago sarraskirik, Palestinan bezala, ez zaie behar, herria bera ere inopian dago. Arrautzena eta oiloena, hegaztien gripearen gezurrari eta hurbileko merkatua suntsitzeko asmoari erreparatuko diegu.
Niri, abesti hau burura etorri zait.
https://www.youtube.com/watch?v=QwGxjjm0yTM
Horrelaxe, Eneko Zestau irakaskide agurgarri hori. Analisi horren amaiera laket dut: kontra-irautzaile asko daude Nafarroa Osoan, Eskiulatik Karrantzaraino, gure herriaren kontrako politika wokista eta EBzale (Europar Batasunaren aldekoa) inperialista zabaltzen ari direnak. ETB ikustea baino ez da, horretaz konturatzeko.
Boterearen ekina, burujatetza.
Zatitu, irabazi.
EBzale, EBasle ;-)!