Zergatik ez da txertaketa-kanpaina bertan behera utzi?

Medikuen kolegioei ez zaie gustatzen beste iritzirik egotea eta bestelako ahotsa dugunok jazarri egiten gaituzte. Egia bakarra izan dadin nahi dute, ofiziala, nahiz eta ahots gehiago altxa daitezen froga zientifikoak badauden. Eztabaida beti izan da gauza positiboa medikuntzan, baina behin eta berriz saiatu garen arren, bestelako iritziak dituztenekin eztabaidatzeari muzin egiten diote. Nabarmena da komunikabideen diktadura ere, beste modu batera pentsatzen dutenen ahotsa isilarazten dute eta.

Tratamenduez eta protokoloez

Tristea deritzot inor ospitalean arreta faltagatik hiltzeari. Norbaiti bihotzekoak ematen badio eta ez badu PCR probarik egin nahi, egiozu kasu, trata ezazu COVID kasu positibotzat, eta kito. Ezin da egoera horietara heldu. Hori medikuntzari gizatasuna kentzea da, horixe izanik Medikuntzaren alderdi garrantzitsuena.

Torrejongo Ospitaleak baimena eman zuen gaixo bat ozonoarekin tratatzeko. Hiltzeko 10 aukeratatik 9,5 dituen gaixo bat badaukazu, zergatik demontre egiten diozu uko terapia bat emateari, batez ere ozonoterapia eraginkorra dela erakusten duten ebidentzia zientifikoak argitaratuta daudenean? Mediku gisa, zertan oinarritzen zara gaixo horrekin terapia hori erabiltzeari ezetz esateko? Utz iezaiozu nahi duena egiten, nahi duena Lurdeseko ur bedeinkatua bada ere. Torrejongo gaixoak aurre egin zion gaixotasunari eta nik argi dut ozonoak zeresan handia izan zuela horretan. Ezin dut ulertu zergatik lankide batzuek uko egiten dioten eraginkorrak direla frogatu duten terapiak erabiltzeari. Hil ala biziko kasua daukazunean esku artean, gupidagatik baino ez bada ere, terapia horien erabilera baimendu beharko zenuke.

Birusanren existentziaz

Birusa badagoela esateko darabilten azalpenak ez du frogatu birusa badagoenik, ez dute isolatu, giza zeluletan hazi. Hasieran, birusa bazela frogatzeko egin zuten erakustaldian, Wuhango gaixo bati egindako xurgapenean 53 milioi ARN zati agertu ziren. ARN zatien segida bat hartu zuten eta ondoren, genoma-banku batez baliatuz, sekuentzia osatu zuten digitalki, birusa horixe zela adieraziz. Estatu Batuetako Gaixotasunen Kontrolerako Erakundeak (CDC), ordea, birusa isolatu gabe daukala esan du eta Espainiako Gobernuak ere oraintsu onartu du gauza bera. Orduan, gaixotasuna badela nabaria da, nik ez daukat zalantzarik jendea ezaugarri zehatzak dituen gaixotasuna hartzen ari dela, hil direnak ere badirela…

ARN zatien segida bat hartu zuten eta ondoren, genoma-banku batez baliatuz, sekuentzia osatu zuten digitalki, birusa horixe zela adieraziz.

Badakigu, halaber, itzulbiderik gabeko minbizi baten ondorioz hildakoa COVIDegatik hildakoen zerrendan jarriko dutela, PCRaren emaitzak positibo eman badu, eta horrek ez du inolako zentzurik. Ni zain-zain nago, birus horren erakustaldi frogagarririk noiz egingo.

Grafenoaz

Grafenoaren gaiaz den bezainbatean sinesgogorra naiz, gainera ez naiz ez birologo, ez mikrobiologo aditu eta ezaguna, bere lana gustatzen zaion mediku-zirujaua baizik. Bestetik, nire konfiantza osoa duten pertsonek, jarraitu eta irakurtzen ditudanek, zalantzak dituzte analisiak egin diren moduaz, eragina izan dezan txertoak eduki behar duen grafeno kopuruaz… Ez daukat grafenoaren teoriari buruz bai ala ez esan ahal izateko irizpiderik; ikerketa argigarriagoak behar direla uste dut, eta horregatik, une honetan, ez daukat iritzirik.

Gaixotasunaren kausa errealez

Ipar Ameriketako bi unibertsitateko bi irakaslek erradiofrekuentziez eta hauek gizakiengan dituzten eraginez idatzitako 250 lan bildu dituzte. Informazio asko dago argi uzten duena erradiofrekuentziek eragin ezkorra dutela gizakien osasunean eta gripearen antzeko sintomak eragiten dituztela. Ziur nago erradiofrekuentziak zerikusi handia duela, baita egiten ari diren fumigazioek ere. Gaurkoaren gisako egun eguzkitsuan, bat-batean hodei moduko batzuk agertzen dira zeruan, eta hegazkinek igarotzean utzitako lorratzak direla esaten digute. Gezurra, horrelako urratsak hegazkinek aurrera egin ahala berriz ezkutatzen dira; baina, hauek ez, ez dira segituan desagertzen, hauek orduetan bertan egoten dira. Gripearen aurkako txertoaren inguruan Barbastron eta munduko beste lan batzuen bitartez adierazitakoa ere hor dago. Zera diote: “Kontuz!, gripearen aurkako txertoak COVID gaixotasuna larriagotu dezake eta”. Zergatik ez dira inguruko eragile hauek ikertzen ari? Badakigu itxialdiaren garaian Gipuzkoan, behinik behin, asko ugaldu zirela 5G antenak…

Txerto hauen albo-ondorioez

Banago nire lankideei COVID txertoen albo-ondorioak onartzea kostatzen zaiela. Inguruan gertatu zait kasu hau ezagutzea: 46 urteko pertsona gaztea, kirolaria, arrisku-faktorerik gabea eta bat-batean biriketako enbolia baten ondorioz, hots, biriketako tronbosi sakona, ospitalean sartu zutena. Gertatuak txertoarekin zerikusirik ote zuen galdetzean, erantzuna ezezkoa izan zen, txertoa bi egun lehenago jarri bazuen ere, eta tronboak sarrien gertatzen diren txerto hauen ondorioak izan arren. Ikertu beharra zegoela erantzun behar ziotekeen.

Normalean, sendagileek banakakoek baino 5 aldiz maizago ematen dugu sendagaien albo-ondorioen berri, baina orain banakakoak dira sarriago jakinarazten dituztenak. Hori ez da normala. Ipar Amerikako VAERSek albo-ondorioetarik %1 baino gutxiago jasotzen du, beste iturri batzuen arabera %10 badira ere. Hori ez da ona, horrela ezingo baitira botika hauek analizatu. Bada honetan guztian zerbait objektiboa, eta hori erakunde arau emaileek argitara ematen dituzten zifrak dira. Kontuan izan behar da ikuspuntu -nolabait esateko- ofizialistatik, balizko kasutzat jotzen direla, baina argitaratuta badaude, nahikoa froga dagoelako dela. Izan ere, erakunde hauek jasotakoen artean perikarditis, tronbosi eta bestelako albo-ondorioen kasuak daude, baita heriotzenak ere. Gertatzen dena da erakunde hauek jasotako hainbat heriotza kasu daudela munduan, txerto hauek eragindakoak, beste edozein medikamentuk sorrarazitakoak baino askoz ere kopuru handiagoan, baina, hala ere, ez dela txertaketa bertan behera uzteko erabakia hartu.

Erakunde hauek jasotako hainbat heriotza kasu daude munduan, txerto hauek eragindakoak, beste edozein medikamentuk sorrarazitakoak baino askoz ere kopuru handiagoan

Umeen eta gazteen txertaketaz

Orain 5 eta 11 edo 12 eta 17 urte arteko haurren txertaketaz mintzo dira. Astakeria deritzot, hitz potoloagoak ez erabiltzeagatik. Esan diezadala sendagileren batek zein medikuntzazko arrazoi dagoen umeak txertatzeko. Ezta bat ere.

Umeak txertatzeko Espainiako Osasun Ministerioaren iragarki bat ikusi dut, epaitegian salaketa jartzeko modukoa. Umeei apenas eragiten dien gaixotasun honek. Harrapatzen badute, konturatu gabe egiten diote aurre, ez bada immunitate-sistemaren arazoren bat dutela, minbizia esaterako, baina hori COVIDarekin, gripearekin edo beste edozein gaixotasunekin gertatzen zaie. Umeen heriotza tasa ehuneko 0,0003koa da. Orduan, zertarako ziztatu behar zaie dagoeneko zaharkituta dagoen medikamentu bat? Izan ere, ziztatzen ari zaien medikamentua iaz sortutakoa da. Orain, diotenez, mutazio behinena Omicron da. Zer zentzu dauka haurrei zaharkitutako txerto bat jartzeak, jakin badakigunean umeak ez direla, aurrez esan ziguten bezala, kutsatzaile? Michael Yeadon Pfizerreko lehendakari-orde ohiak dio 5 eta 11 urte arteko umeek 100 aldiz aukera gehiago dutela txertoaren ondorioz hiltzeko, COVIDaren ondorioz baino.

Miokarditisa eta perikarditisa ez dira albo-ondorio bakarrak, nahiz eta ezagunenak izan, txertoen eragin kaltegarria beste hainbat gorputz funtziotan ikus daiteke: ugaltze-aparatuan, arnas-aparatuan, baita gernu-aparatuan ere. Eragin anitzak izaten ari da jende gaztearengan, eta hori guztia, epe motzean. Epe ertain eta luzean ez dakigu zer gertatuko den medikamentu honekin. Ziztatu eta bost minutura desagertzen zela esan ziguten, baina badakigu hori ez dela egia, hilabeteak beranduago gorputzean zehar jariatzen jarraitzen baitu.

Ugaltze-aparatuan, arnas-aparatuan, gernu-aparatuan… Eragin anitzak izaten ari da jende gaztearengan, eta hori guztia, epe motzean. Epe ertain eta luzean ez dakigu zer gertatuko den medikamentu honekin

Robert Malonek, ARN mezulariaren bidezko terapiaren sortzaileetako bat, esan du aita eta aitita den aldetik, ez duela txertoa gomendatzen. Txerto hau eraginkorra eta segurua dela dioskute, baina jada ikusi dugu zein nolakoa den helduengan agertu duen eraginkortasuna eta segurtasuna. Hasieran zioten txertoaren eraginkortasuna %95ekoa zela, erlatiboa jakina, absolutua %1,5 baino baxuagoa zen. Baina, hori ez zuten esan; ez zuten esan albo-ondorioak zituenik ere, eta jendea hil egin da. La Razón aldizkarian zientzialari batzuen lan bat argitaratu zuten, esaten zuena Espainian gehiegizko heriotzak gertatzen ari direla. Eta zera galdetzen zuten: COVIDagatik ez bada, zergatik da?

Iaz munduko biztanleen %0,02 hil zen, edo bestela esanda, %99,98k bizirik eman diogu amaiera 2020. urteari. Zergatik da nahitaezkoa jende guztia txertatzea? Ez dirudi gaixotasun hau hain erasokorra denik. Stanforden egindako ikerketa batek frogatu du eragiten duen heriotza kopurua gripearenaren antzekoa dela.

Diagnostiko-teknika desegokiez

Hasieratik dakigu PCRa ez litzatekeela erabili beharko diagnosirako tresna gisa; pandemiaren hasieratik esan zuten mundu mailako adituek. Iazko martxoan MOEren (Munduko Osasun Erakundea) zuzendariak telebistan zera esan zuen: “Testak, testak, testak, PCRak, PCRak, PCRak”. Gerora jakin genuen PCRak erabiltzeko erabakia aldizkari baten argitaratutako lan baten oinarritu zela, eta lanaren egileetako batzuk edizio batzordearen partaide zirela. Ez zuten binaka berrikusi; oso egoera ezohikoa izan zen. Urtarrilean Drosten, Corman eta biologiaren eta beste alor batzuetako beste 20 pertsonak argitaratutako lan batean PCRak egiten hasi zen enpresako bi lagun zeuden. Lan hark irregulartasun asko zeuzkan. Eta 2020ko irailean, Peter Borgerrek zuzendutako beste 22 birologo eta genetistak osatutako taldeak beste lan bat argitaratu zuen frogatuz Drosten eta Cormanen lanak akats ugari zituela PCRaren atal askotan: tenperatura, katalizadoreak… Hainbat zehaztapen tekniko eman zituzten adieraziz PCRak ez duela balio egiten ari dena egiteko. Lan horrek ez zuen inolako aldaketarik ekarri.

Abenduan MOEk dio erne ibiltzeko, PCRak berez ez duela balio gaixotasuna diagnostikatzeko, proba klinikoen ondoan joan behar duela nahitaez, eta zenbat ziklotara egiten den ere esan beharra dagoela, bai baitakigu 35 ziklotik gorako PCRen %97 positibo faltsuak direla. Hori argitaratuta dago. Peter Borger eta besteek ere hala adierazi zuten beraien lanean. Haatik, ezer ez da aldatu, aurreko erabilerari eutsi zaio. MOEk adierazi du zenbat ziklotara egiten diren jakinarazi behar zaigula, baina ez digute esaten. Eusko Jaurlaritzak 2020an onartu zuen 35-40 ziklotan egiten zituela. 2021ean berriro ere galdetu zieten, eta ordukoan ez zuten erantzun. Aitortutako zikloetan egiten baldin badira PCRak, arrazoi gabe edukitzen da jendea etxean itxita 10 egunez.

2020ko urri arte esaten zen 9.000 milio euroko diru-laguntzak zeudela erkidegoen artean banatzeko, egiten ziren PCR testen arabera, ospitaleratzen zen jende kopuruaren arabera eta zainketa bereziko geletan zeuden gaixo kopuruaren arabera. Honi ere ez diot zentzurik ikusten, horrek erkidegoetako osasun sailentzat gastua baitakar.

Egia da, Reiner Füellmich abokatuak esaten duen bezala, pandemia hau guztia PCRen gainean eraikita dagoela. Ezer kutsatu ezin zuen jende asko eta asko inolako beharrik gabe etxean itxiarazi zen. Euskal Herriko PCRen %70 sintomarik ez zuen jendeari emandako positiboek osatzen zuten. Pertsona horiek, birusarekin kontakturen bat izan bide dute, baina ezin dute gaixotasuna kutsatu, sintomarik ez duenak nekez kutsa dezakeelako inor. Gaixoek bakarrik dute besteak kutsatzeko gaitasuna.

Palma de Mallorcan ikasketa bidaian zeuden 300 bat gazte itxi zituzten, gurasoei ezer esan ere egin barik. Baten batek positibo eman zuen, eta hotel baten giltzapetu zituzten. Garai haietan 12 eta 17 urte artekoak txertatu beharra zegoen eta komunikabideek modu basatian zigortu zituzten gazteak. Orain gauza bera gertatu da 5 eta 12 urte artekoekin. Zentzugabeko PCR andana egin da ikasgeletan, ez zegoelako ez gaixorik, ez positiborik. Horren ondoren, positiboak barra-barra agertu dira eta txertaketa beharrezkoa dela esaten hasi dira. Lotura zuzena dago komunikabideek argitaratu dutena eta txertaketaren beharra hauspotu den adin-taldeen artean, adin-talde horietako jendea txertatzeko interesa zegoelako. Umeak komunikabideetan zigortu dituzte, gurasoak haiek txertatzera bultzatzeko.

Nik adin txikikoen gurasoei esango nieke arazoak edukitzeko arrisku gehiago dutela seme-alabek txertoagatik, COVIDagatik baino. Gainera, umeek ez dute eritasuna kutsatzen. 2020an bi hilabetez etxean itxita edukiarazi zizkiguten egundoko kutsatzaileak zirelako, eta beranduago frogatu da hori gezurra dela.

Israelgo Fluronarenak barregura ematen dit. Orain dioskute PCR batzuen arabera, jendeak aldi berean harrapatzen dituela COVIDa eta gripea. PCRak antzematen duena birus baten zati txiki bat da. Koronabirusak ia 30.000 nukleotido baldin baditu eta PCRak 200-400 jasotzen baditu, oso zaila da igartzea. Tira, Fluronaren aurkako txertoa ere aterako dute.

Artalde-immunitateaz

Ez da txertoa izan gaixotasunari indarra kendu diona; artaldearen immunitatea askoz ere eraginkorragoa da, eta lortzeko bidean gaude, jende asko dagoelako, gazte asko eta asko, aurretik birusarekin kontaktuan egon zena eta gaixotasunari aurre egin diona, SARS-CoV-2ren antigorputzak dituena, eta horixe da gizartea babesten ari dena. Bestalde, birusen garapen naturala orain gertatzen ari dena modukoa izaten da, mutatzen diren neurrian, indarra galduz joaten dira.

Egin diren ikerketek txertatutakoak aztertu dituzte, baina ez txertatu gabekoak. Txertatu gabekoak adina txertatu, edota are gehiago gaixotzen ari dira. Hildakoen kopurua –txertatuak zein ez- argitara ematen duten erkidegoetan, Extremaduran esaterako, junta.es webgunean argitaratzen dituzte COVIDaren datuak, eta abuztuaren erdi aldetik azaroaren erdi aldera COVIDaren eraginez hildakoen %87,6 txertatutakoak ziren eta %12,4 bakarrik ez txertatuak. Azterketa horiek beste erkidego batzuetara eramango bagenitu, antzeko emaitzak emango lituzkete. Ondorioz, txertoa ez da inola ere txertatuak babesten ari.

Osasunak bost zutabe oinarrizko ditu: ondo elikatu, ariketa fisikoa egin, naturarekin harremanetan egon, arnasketa kontzientea egin, eta, azkenik, emozioen oreka

Osasunak bost zutabe oinarrizko ditu: ondo elikatu, osasuntsu jan eta noizbehinka baraua egin; ariketa fisikoa egin, edozein adinen neurrira egin daiteke, yoga, tai chi eta gisakoak egitea ere ariketa fisikoa egitea da; naturarekin harremanetan egon, mendira zein hondartzara joan, basoan ibili…; arnasketa kontzientea egin, eta azkenik, emozioen oreka, zailena dena, denok dauzkagulako anitz arazo. Ahatik, COVIDaren kontura hartu diren neurri guztiak osasunaren aurkakoak izan dira. Etxean itxi gintuzten, naturatik urrunduz, ariketa fisikoa egitea zailduz, basoko airea arnastea ekidinez, maskarekin arnasa kontzientea eragotziz, medioen beldurraren kanpaina, hori bai izan dela epidemia, beharrezkoa izan ez denean; emozioen orekaren aurka doa.

Ukatutako debateaz

Lotsagarria iritzi nion telebista programa hartan egin zutenari, guganako eta aurkezlearenganako errespetu falta, hark gonbidatu baitzituen eta aurrez jakinarazi zeintzuk izango ziren erantzun beharreko 10 galderak, gurekin egin zuen bezalaxe. Espainiako Osasun Ministerioan edo Madrilgo Medikuen Kolegioan postu gorenak bete dituzten pertsonek duintasunik eta gaitasunik ez izatea ere beste ikuspuntu bat duten lankideekin hitz egin eta beraien iritzia defendatzeko! Beltza da gero! Argudiorik ez zutela iruditu zitzaidan, eta horregatik alde egin zutela.