Sistemari amagintzaren funtzioak ez dio balio, ez baitu ondasun ekonomikorik ekoizten.
Sistemari ez diote balio maitasunean eta errespetuan hazitako gizakiek,
gabeziak dituzten gizakiek balio diote (gehien kontsumitzen dutenak baitira).
Sistemari ez dio balio amagandiko edoskitze doakoak; edoskitze artifizialak, industrialak, salerosketakoak balio dio.
Sistemari ez dio balio amagandiko edoskitze immunizatzaileak, gaixo dauden haurrek eta antibiotikoak erosten dituzten gurasoek balio diote.
Sistemari ez dio balio seme-alabekiko amaren presentziak, berehala lan-ekoizpenaren zirkuitura txintik esan gabe itzuliko den amak balio dio.
Sistemari ez diote sormenean eta irudimenean hazitako umeek balio,
munduak nolakoa izan behar duen esaten dieten pantailen bidez alienatutako umeek balio diote.
Sistemari ez diote balio haur zoriontsuek, gehiago eta gehiago erosteko eskatzen duten haurrek balio diote.
Horregatik, gure munduratzea eta hazkuntza interbenituak, gainbegiratuak, eskuztatuak, deskonektatuak, desafektatuak, kontuan ez hartuak eta azpibaloratuak izaten dira.
Babes ditzagun amak. Amagintza funtsezko funtzio soziala da!!
Bizitza hutsa!!!
@elviajedelavida-tik itzulia.
/ xot
Ainoa Astiazaran Bilbao
Psikologoa, Giza biografia, ama. Sodupe
Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >
Honen harira
/ 📸 xot
POSMODERNISMO IRRAZIONALA
Emakumearen emantzipazioa nola suntsitu
/ Oihane Hane
EMAKUMEAREN ZAPALKUNTZA
Esan dizkidatenak
/ © Jodi Hall Photography
Emakumearen sexualitatea
Emakumearen orgasmoaren gailurra
/ xot
Gizadia
Gora amak!!!
argi eta garbi
Eta Aitak? Ezin dugu bularrik eman, logikoa! Baina hori izan ezik, gure seme-alaben bizitzan oso garrantzitsuak gara. Sistemari ere ez dio Aitaren presentziak balio, eta pertsona askok uste dute hazkuntza, hezkuntza eta seme-alabak ere Amen esklusibotasuna direla. Hemendik aldarrikatu nahi ditut Aitak, gizonak, azken aldian sentimendurik gabeko izakiak eta hazteko eta hezteko gai ez garenak, tratu txarrak eta bortxatzaile potentzialak, eta zentzugabekeria luze bat garela. Aski da!! Gora Aitak!! Gota Emakumeak eta Gizonak! Bizi gaitezela gurasoak berdintasunean eta ekitatean!!!
Ados, erabat ados gainera esan dituzun guztiekin. Orain, kontua da emakume horiek nork zainduko dituen hasiera bateko amatasun eginkizunetan murgilduta bizi direnean. Ekarri berria izan den hori eta ekarri duen hori eskubide zibil guztien jabe dira, atera ditzagun kontuak. Estitxu Fernándezek eta Erika Lagomak ongi adierazita utzi dute benetako bizitzako kontakizunen bidez argitaratutako “M ama eme ume” liburuarekin… eta feminismotik, hain zuzen ere. Hau azpimarratu nahi nuke zeren sumatzen ari bainaiz, gertuegi, diskurtso antifeminista kutsuko giroa eta kezkagarria dela deritzot, dena zapuzten duen sistema misóginoa indartzera bait datoz.
Ongi izan, Ainoa, eta segi zure ekarpen ezinbestekoak egiten. Besarkada bat.
Artikulu honen lehen lerroak harri eta zur utzi nau. Non eta nola fabrikatzen dira amak, zapatak edo armak fabrikatzen diren bezala? Amek haurrak fabrikatzen al dituzte, ondasun ekonomikoa izan beharko luketenak?
Garai salbaia hauetan, bizitza KAKA da Elitearentzat. Interesatzen zaion gauza bakarra “carnaza” da.
Guretzat, ostera, bizia eta bizitza sekulako MIRARIA da, nahiz eta egunero gertatu!
Guretzat, ostera, bizia eta bizitza sekulako MIRARIA da, nahiz eta egunero gertatu!
Zaila duk iruditzea giza organismo normal batetik gizaki bizi bat ateratzea (HIZ eta NIZ adibidez), eta beste anitz…eta aunhiz… eta beti diferente!!!
Hortik txit errazagoa esplikatzea “umeak Zikoina batek dakartzala bere mokoan zuzenki Parisetik”
Gizarte matrilineala, naturala ta xanoago!
ez zekiat lehen errana dudan, baina bazegok euskerazko hitz bat kasura datorrena: EZKONDU
Izan ere EZKONDU “ETSEKOTU” duk, “egokitu emaztearen etxera”.
Beraz, “EZKONDU” senarra soilik “ezkontzen” duk, ezen EZ emaztea.
Senarra etxekotzen duk amaztearenera. Horrixe deritzaio “GIZARTE MATRILOKALA edo MATRIFOKALA”
Gorka Setien, pasadan egun baten eta gaur “M ama eme ume” liburua aipatu duzu. Kasu egingo dizut, ta irakurriko dut. Ea hobeto ulertzen eta nire zauriak pixkat sendatzeko balio badu. Besarkada zuri, Ainoari eta guztientzat.
Bingo! Eskerrik asko