Haurtzaroak nortasuna baldintzatzen du eta, azken batean, gizarte osoa ere bai

Jaiotza: Aztarnak/Huellas

Ekainaren 7an jaiotzaren eguna ospatzen da.

Jaio aurreko garaia eta haurtzaroa dira gizakiaren garapenaren etaparik garrantzitsuenak. Hortaz, garapen horretan amatasuna eta aitatasuna funtsezko subjektu bezala aitortu eta erraztu behar dira gizartean.

Gizakiok hiru garun ditugu: narrasti-garuna, linbikoa (ugaztuna) eta neokortexa. Bizitzako lehen etapak oso garrantzitsuak dira haien garapenean. Haurtzaroak bakoitzaren nortasuna baldintzatzen du eta, azken finean, gizarte osoarena ere bai.

Haurdunaldian oso garrantzitsua da amaren eta umetoki barneko haurraren artean sortzen den lotura eta harremana.

Ez esplorazio batek, ez ospitaleko egonaldi batek ez dute justifikatzen ama eta haurra bereiztea

Haurrarentzako ongi etorria da jaiotza. Oso une handia eta errepikaezina da, ahalik eta maitasun handienarekin garatzeko baliabide guztiak jarri behar dira, eta momentu horretan emakumearen gogo-aldartea funtsezkoa da. Beharrezkoa da:

Ospitalean edo etxean erditzeko aukerarako bitartekotzak Osasun Sailak bermatzea. “Holandako emakumeen %30 etxean gelditzen dira. Ehunekoa handiagoa da landan eta zertxobait txikiagoa hirietan, baina herrialdeko zifra globala hori da. Emaginek prestakuntza espezifiko bat jasotzen dute etxean segurtasun osoz erditzea artatzeko, eta etxeko erizain batek lagunduko die. Erizain horrek ere emakumea aldez aurretik ezagutu beharko du” (Bebés y más aldizkarian argitaratua).

Osasun-arloko profesionalen arteko prestakuntza behar da, erditzearen protagonistak emakumeak eta haurtxoak izango dituena; horretarako, erditzearen garapen naturalean errespeturik eta intimitaterik handienarekin jardun beharko dute.

Haurrak eta amak elkarrekin egoteko eskubidea dute jaio eta hurrengo ordu eta egunetan. Ez esplorazio batek eta ez ospitaleko egonaldi batek ere ez dute justifikatzen biak bereiztea.

Gizartea eraldatu nahi badugu, has gaitezen haurrenganako baldintzarik gabeko maitasunarekin

Prestakuntza-baliabideak eta baliabide materialak jartzea beharrezkoa da, amaren edoskitzea eskariaren arabera has dadin.

Haurren prebentzioaren sustapena funtsezkoa da seme-alaba osasuntsuak izateko eta gurasoek maite dituztela sentitzeko, eta maitasun hori gizarteari kutsatzeko.

Aztarnak-Huellas dokumentala ekainaren 8an proiektatuko dugu, 18:00etan, Iruñeko Kondestablean. Jaiotzaren eta haurtxoaren munduan sakontzen du eta baldintzarik gabeko maitasuna transmititzen du.

Dokumentalean parte hartzera animatzen zaitugu, sarrera doan da. Gizartea eraldatu nahi badugu, has gaitezen haurrenganako baldintzarik gabeko maitasunarekin.