El Correokoak berriro ahalegindu direla esan behar da, birus neuronalaren inokulaziorako tankeekin, eta hauek ere, estilo faxista hutsez (gogoratzen dituzue Alemania naziko juduen bereizgarriak?). Gaurko lehen orrialdeko titularrak hauxe dio: “Epaileak Euskadin covid pasaportea exijitzeko baimena ematearen alde daude”, eta gero esan behar digute eskaera oraindik ez dela epaitegietara iritsi eta oraindik epaileen oniritziaren zain daudela. Nire iritziz, El Correoko jaun-andreok, zuek informazio-terrorismoa egiten duzue, eta, agian, Gotzone Sagardui andrearen ahotan ipini dena, zalantza bere alde jarrita, ez da guztiz zehatza, agian bere subkontzientearen arazoa da.
Zure dekretuak gomendio hutsak dira, eta ez aginduak, ez baitute bermatzen dituen lege-esparrurik.
Egunkari berean, Gotzone Sagardui andreak, molde militarreko bere lanbide berriarekin, EHAAn argitaratu dena ez dela gomendioa esaten digu, agindua baino. Baina ez, Sagardui Andrea, ezetz izango da, sentitzen dut zure asmo militarrak zapuztea, eta zenbait arrazoiak emango dizkizut hori horrela ez izateko:
Lehendabizi, zuek, magia-ariketa bat balitz bezala, 150eko intzidentzia metatua eremu gorrian jartzea erabaki duzue, eta ez 500ekoa, pandemia osoan zehar erabilia izan dena eta OMEk gomendatu duena. Eta hau egin duzue halako mailako jaitsieraren arrazoiaren ezein ikerketa zientifikoren ekarpena egin gabe. Izan ere, denok dakigu udalerri askotan 150eko intzidentziarena udalerrien bizitza itotzea dela, aipatu barik pertsona askok udalerrian lo egiten dutela eta eguneroko jarduna kanpoan burutzen dutela.
Bigarrenik, alarma-egoerarik ezean (ez dakit jakin duzun alarma-egoera egonda ere inkonstituzionalak deklaratu direla itxialdiak, etxeratze-aginduak, mugikortasunaren murrizketak, etab.) ezin daiteke aplikatu pandemiaren aurkako euskal legea, momentua heltzen denean Konstituzio Auzitegira eraman beharko dena, zeren eta alarma-egoerarik gabe, eta zuk jakinaren gainean egon beharko zenuke, ez baitu balio, salbuespen-egoera ezartzen ez bada. Zure dekretuak gomendio hutsak dira, eta ez aginduak, ez baitute bermatzen dituen lege-esparrurik. Are gehiago, eremu gorria ezartzeko erabiltzen duzuen balioa ez denean mundu-mailan ezarritakoa, eta ez daukazuenean informazio zientifikorik haren baliozkotasuna frogatzeko. Benetan Urkulu jaunak Sánchez jaunari estatu osoan covid pasaportea ezartzeko eskatuko dio? Ez al dio eskatu beharko salbuespen-egoera ezartzeko, konstituzionala izan dadin?
Hirugarrenik, covid pasaportearen eskaerak, faxismoa praktikatzen ari den gobernu gisa jartzen zaituzte, euskal legebiltzarreko talde poliltiko guztiak konplizeak izanik, isiltzen denak men egiten baitu.
Covid pasaportearen eskaerak faxismoa praktikatzen ari den gobernu gisa jartzen zaituzte
Laugarrenik, covid pasaportearekin berriro zigortzen dituzte gazteak euren aisialdian eta ostalaritzaren sektorea, zer eta sektore horietan beste sektore batzuetan (enpresak, garraio publikoa, aisialdia, saltokiak, etab.) baino kutsatze gehiago gertazen direla azaltzen duen txosten zientifikorik inoiz ere aurkeztu ez dutenean. Kutsaketak bereizketa egiten ote du, apika, aisialdia edo ostalaritza eta merkataritza edo garraioaren artean, eta gehiago eguberri garaian? Zergatik diskriminatzen dira beti batzuk eta ez besteak?
Bosgarrenik, ikerketa zientifikorik gabe jarduera sozialaren zenbait sektore (hala nola adin-tarte zehatz batzuk eta txertoa hartu ez duten pertsonak) hainbeste diskriminatzera ausartzen bazarete, nola eta txertoa hartu dutenak kutsatzen direnean eta kutsa dezaketenean, eta, gainera, txertoa hartu ez duen biztanleria (aparte utzita txikien adin tartea) %11 denean eta %81 txertoa hartu duena, hau galdetu nahi dizut: zein ehunekok du kutsatzeko posibilitate handiagoa, txertoa hartu dutenenak ala txertoa hartu ez dutenenak? Esan diezadakezu honen atzean benetan dagoena arrazoi ideologiko-politikoak diren, batere arrazoi zientifikorik gabe?
Seigarrenik, are larriagoa dena, hau da, txertoa ez hartzea erabaki duten pertsonei, beren hitzetan txertoa derrigorrezkoa ez denean, orain diskriminazioa egiten zaiela, xantaia jauntxokeriaz erabiliz; beraz, Gotzone Sagardui andreak demokrazian funtsezko elementutzat jotzen al du txertoa ez dela derrigorrezkoa? Bere pentsamendua benetan horrelakoa bada, mesedez utz diezaiola behingoz militarki jokatzeari eta bete dezala bere lanbidea, herri aske batean izan behar duen bezala, herriaren zerbitzurako besterik ez bada ere.
Atzo ere jaurlaritzako beste buruzahagi bat, lotsarik gabe estaen dvn aukeratu beharko dugula: txertatu ala bizitza soziala izan.
KKK (btm) bioteknomilitarra
Gauza da ezen,
sasi-txertaketa, legez, kontituzinalez, EZ dela derrigorrezkoa,
baina egitez (praktikan) BAI dela derrigorrezkoa (esan, bestela, lana galduko dutenei hori-dela-eta)
Ez al da gauza derrigorrezkoa, lapur batek labana lepoan jartzen dizunean? Urrutirago joan gabe, adibidez, Urkullu Jaun eta Sagardui Andra, Jaun/Andra Gorenek, Espiritu Santuak (Eliteak) hautatuak.
Anabasa hau abian jarri dutenek ez dute erdibidean gelditzeko asmorik. Batzuk, besoa ziztadari eskeini diotenak, aginduak zintzo-zintzo betetzearekin batera lehengo “erosotasunera” itzuliko direlakoan daude.
Eskubideak, jadanik, guztiontzat murriztu dira, Oraingoz, lehengo eskubidei besarkatuta bizi nahi duenarentzat aukera bakarra eskeini dute: ziztada berriak!!
Gure agintariek infernuko ateak ireki dituzte…eta herritarrok Babian!!
Ea esnatzen garen amildegiaren ertzeraino harrapaladan heldu baino lehen. Iratzargailu potentea beharko dugu!!
Lehen ziurtagiriak bere gune erosotik urtetera behartu ebazan jende asko. Orain taberna, gimnasio eta abarren nagusiek zer egin erabaki beharko dabe.
Hori dok,
ELITE farma-oms-munduBanku-Roschildar-BilGates$melindarrak LORtU DU DAGOENEKO gizateriaren BEZAKETA-SAIOA burutzea; eta oraindik 9 round falta dira Omicronetik aurrera (pi, Ro, sigma épsilon… eta Omega (2039-Agenda), zeinetarako mundu guztia txertatua eta osoz bezatua egon behar den, Extinction Planing berrian abiatzeko prest.
Hori bai, ELITEAK gauza on bat dauka: gardena dela, beti abisatzen du ZER eta NOIZ egin behar duen: Covid-19, 2.019an abiatuta, Covid-Birus Apala barreiatzea, horretarako simulakroak eginda megafoniaz (New York… ta Wuhango pantomima,…. eta “jarraituko du”)
“One apple a day keep doctor away” angloxajonek; nere aita zenak “sagarra etxera medikue kanpora”; eta nik “sagarra etxera Sagardui kanpora”, sagar ustelak lekutu behar dira gainerakoak ustel ez ditzaten……