Matilde Iturralde Medikua

«‘Pandemiaren’ hasieran, botika pilo bat ‘probatu’ zen»

«Eta ez dakigu zenbateraino ez den izan heriotzen kausaren parte.» Sendagai onartuak ziren, ala esperimentalak ere bai? Pazienteei jakinarazi zitzaien zer hartzen ari ziren? Gogora dezagun txerto berak sendagai esperimental gisa onartuta daudela.

15

Marcela Zaldunbide

Psikologo humanista eta abokatu bitartekaria. Madril

Familiako medikua da eta hainbat hamarkada daramatza lanean. Beti ezkerretik, politikagintzan eta sindikalista abertzale gisa aritu da. Horrek erakutsi dio zuhurra izaten. Matilde Iturralde gudu askotan izan da; seguruenik, mende honetako 20ko abendutik jasaten ari garena baino gudu basatiagotan. Iturraldek, titular horrekin, hodi baten espita irekitzen du, eta edozein leku desegokitara eraman gaitzake.

ELKARRIZKETAREN GAKOAK:

Pandemiaren kudeaketa ez da oso errespetuzkoa izan pertsonekin, lan egiten dugunokin eta lan egin behar dugunokin. «Autoritarismoa erabili da zentzurik gabeko neurri batzuk ezartzeko»

Maila profesionalean, oina aldatuta sentitu naiz denbora guztian. Gaixoak beste ezergatik baino gehiago beldurragatik gaixotzen zirela sentitu nuen.

Orain gehiago jabetzen naiz nire lanbidea pertsonen onerako ez diren interes maltzurrek zeharkatzen dutela

Orain gehiago jabetzen naiz nire lanbidea pertsonen onerako ez diren interes maltzurrek zeharkatzen dutela.

Lehen osasun-neurriekin, kontsulten % 80 telefono bidezkoak ziren, eta beste % 20 COVID kontsultei buruzkoak. Aurrez aurreko asistentzia desagertu zen.

Gizarteko sektore batzuk babesik gabe gaude. Sistema publikoa behar da adinekoen oinarrizko premiei erantzun ahal izateko, baliabide gutxiko haur asko, bazterkerian dauden pertsonak, migratzaileak… Horiek guztiak hilabetetan eta hilabetetan utzi ditu sistemak.

Ez da lan zehatzik egin pertsonak COVID edo beste gaixotasun batzuengatik hiltzen ziren jakiteko. Gaur egun, oraindik ez dakigu zein den COVID delakoagatik hil den pertsonen ehunekoa eta osasun-sistemaren kolapsoagatik hil den pertsona kopurua.

/ Jaizki Fontaneda – Argazki Press – Berria

Pandemiaren hasieran ikusten zen jendea hil egiten zela arnas krisi oso azkar eta kontrolaezin baten ondorioz. Gero, biriketan zehar barreiatzen ziren eta oxigenoaren jaitsiera eragiten zuten tronbo txikiak zeudela ikusi zen, baina pandemiaren hasieran botika pilo bat probatu zen, eta ez dakigu zenbateraino ez den izan heriotzen kausaren parte.

COVID txertoak ez du immunitaterik sortzen, eta horrek erraztu egiten du txertoa hartu duen pertsona batek aukera izatea sei hilabetez gaixotasun hori modu arinean igarotzeko eta gaixotasun hori modu arinean kutsatzeko. Sei hilabetez errepikatu beharko litzateke txerto hori immunitate mota hori izateko, eta hori ez da horrela; defentsak handitzea da.

Immunitate naturala askoz ere iraunkorragoa da, zure organismoak berak sortzen baititu COVIDarentzako beharrezkoak diren defentsak. Eraginkorragoa da, baina arriskua eta onura baloratu beharko dira.

Haurren kasuan, ebidentzia dago – haurren ia % 95en txertaketa egin den munduko beste herrialde batzuetan – oso COVID arina pasatzen dutela, patologia akuturik garatzen ez dutela eta immunitate naturala ematen diela, iraunkorra dena. Txertoaren albo-ondorioengatik ospitaleratzea saihesten duten haurren ehunekoa txikiagoa da; hau da, adin jakin batean onura baino arrisku handiagoa ematen du.

Birusak organismo bakoitzean zelulan sartzeko duen gaitasunaren arabera aldatzen dira aldaerak, eta denborarekin beste modu batera egiten saiatzen da.

Erresuma Batuan ikusi da txertaketaren ondorioz Delta Plus aldaera azkarrago garatu dela, agertutako azkena, eta birulentzia handiagoarekin txertatutako pertsonen artean.

Txertoetan albo-ondorio oso larriak daudela ikusten jarraitzen dugu, eta beharrak, onurak eta arriskuak arrazionalizatzen saiatzen jarraitzen dugu.
Murrizketak ezabatuz joan dira, ez gizakien beharren arabera, baizik eta sistema ekonomikoaren beharren arabera. Hemengo ospitaleetan ospitaleratzeak gutxitu egin dira, eta ospitaleratzen direnek oso egun gutxi egiten dituzte. Ez dakigu zer proportziotan ematen dituzten COVID proba diagnostiko positiboak eta diru-sarrera behar dute. Baina administrazioak ez du estatistika ematen.

Txertoetan albo-ondorio oso larriak daudela ikusten jarraitzen dugu

Euskal Osasun Sistemaren orrian sartu zenean, parametroak aldatzen ari zirela ikusi zuen. Hilabete batean metroa erabiliko balitz bezala, hurrengoan hazbetekoa eta hilabete geroago oina. Gaur egun berdin jarraitzen dugu.
Osasun gaietan konfidentzialtasuna izateko eskubide osoa duzu. Nire eguneroko diskurtsoa nire lantokian eta nire pazienteekin da osasun-datuak erabat konfidentzialak direla. Ez bere lanpostuetan, ez eskolan, ez gizartean, ez tabernan, inork ez du eskubiderik zuri galdetzeko txertatuta zauden ala ez. HIESaren kasuan lortu zen hori, baina badirudi orain jende guztiak eska diezaiokeela ondokoari bere txertaketa-egoera zein den jakitea.

HONTZA behatokia da, eman diren egoerei buruzko txosten formala egin nahi duena, eta herritarren kexa eta kezken postontzia izan nahi du, gero eskariak edo eskaerak egiteko eta eskubideen urraketa hori aldatzeko balioko duena.

Pandemiaren erdian, planteatu zena zen guztion ongia gizaki bakoitzaren ongizate partikularra eta eskubide indibiduala baino handiagoa zela. Eta HONTZAn hori horrela ez dela azaltzen saiatzen ari gara. Giza eskubideak besterenezinak dira, pertsona bakoitzak une jakin batean bere eskubideei uko egin diezaieke, baina inork ezin digu uko egite hori inposatu. Eta orain, murrizketa gutxiagorekin, pertsonek baimenarekin jarduten dutela sentitzen jarraitzen dute. Tabernetara joaten uzten didate, ez dute maskara erabiltzen leku jakin batean, baina onartzen dugu ez digutela besterik egiten uzten. Eta pertsonen infantilizazioa autoritarismoa urratzen ari da.

Osasungintzako profesionaloi irakatsi zitzaigun beldurra eskoletako irakasleengan ere sartu zen, eta asko kostatzen ari da desmuntatzea, sistemak berak bultzatzen jarraitzen duelako. Ezin dugu gizakiekin lan egiten jarraitu modu horretan baldintzatuz. Nahiz eta sei urte izan.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

15 erantzun “«‘Pandemiaren’ hasieran, botika pilo bat ‘probatu’ zen»” bidalketan

  1. Biba “Hontzakideok”

    Azken 70 urtetan mundu/gizarte/jendarte/kultura edo Zibilizazioak sekulako brankabuelta eman du, eta niri horren lekuko izatea suertatu zait, ez dakit zorte onez edo txarrez.

    Garai pre-elektrikoan sortu ninduten (karburoaren garai ilunskaran), eta ordutik sekulako jauziak ikusi ditut. Baina ez, pentsatu ere, azken bi urteotako bezalakoa.

    Bapatean, bi urte eskasetan, Etika eta Egia beste mundurat joan dira, Elite boteretsu baten Lukroak eta Feek-post-Egiak ordazkatuta. Pandemiaren kasuan, Konpainia Farmazeutiken lukuruak (euren sasi-txerto pozoitsuekin), Hedabide Agentzia zenbaiten -eta berauen Tokiko Sukurtsal Mertzenarioen laguntzari esker- Elite Oligarkiko hark inokulatu digun Dogma ezin ukituarekin: Dagoenaren edo Egon Behar duenaren bertsio bakar kontestaezina inokulatuz ZENTSURAREN ETA AUTOZENTSURAREN bidez.

    Beraz, guk ezagutu dugun DEMOKRAZIA ere beste mundurat joan dela, Egia eta Etikaren batera.

    Orduan, jada ez dakigu zein gizarte/Jendarte…Zibilizaziotan bizi garen ere…

    Baina laster jakinen dugu, zeren Eliteak bai baitaki, zehatz-mehatz jakin ere zein den HELBURUA ETA HELMUGA: 2030-Agenda, non Sistema Kapitalista Berriztatuak esklabotza unibertsala ezarriko digun gizaki orori (garai berri horri begira (Brave New Wold) aski DOMESTIKATUTA gaudenean…,

    Den hori Yawhe Ahaltsuak erremediatzen ez badu… Beraz, Guk Geuk, Hontza, Liberum eta abarrek, munduko Herri Indigenoen eta Emakume ahaldunduen arrimura.

    Bide horreta nire Solidaritate eta Animo osoa, Mati.
    “Alegeraçaitec, Çeurea guçia” (1.510)

  2. Mati, jakingo zenuen Plizzer Konpainia Mafiosoak botika-pila bat probatzen jardun zuela Erti-Afrikan, emakumeak borondatez kontra antzutzen, bere botika esperimentalen bitartez.

    Eta AEBetako CDCk haibat isun jartzen zioala “medikuntza-jarduera ilegitimoengatik” (konkretuki Medikuak erosteagatik), eta isun guztiak ordaintzeko dirua sobera izanik, errentagarriagoa zitzaiola Medikuak isun guztiak ordaindu eta Medikuak erosten jarraitzea…

    Orduan (2.02oko udaberrian) fabetu nintzen Mafiosoen eskuetan geudela, eta lehebiziko artikulu serioa argitu zidan NAIZ digitalak: “EZ GAUDÉ ESKU ÓNETAN, BENETAN”

  3. “Txertoetan albo-ondorio oso larriak daudela ikusten jarraitzen dugu” irakurtzeak, ezinegona eragiteaz gain, hainbat galdera ekarri dizkit burura: Zer albo-ondorio dira, zehazki, horiek? Txertatuen zein ehunekori eragiten diote? Zer populazio sektoreri eragiten diete gehien? Badu zerikusirik adinak, aurreko patlogikoek, beste ezagarriren bat edo batzuek? Gauden egoeran, onuragarria litzateke txertaketa osoa etetea, ala la nahikoa litzateke txertoa nori, noiz eta nola eman arreta handiagoz azertzearekin? Eskerrik asko.

  4. Hainbat denbora pasau eta gero hori galdetzea sinisgatx da. Hemen gehienok gure bizitzan asko ikasi dogu eta ikasten jarraitzen dogu. ARN txertoaren gainean hamaika artikulu txosten eta liburuak dagoz. Nik forense, patologo,osagileren batzuen txostenak aitatzen badodaz, zuk ez zara horreekaz fiatuko. Beharbada zure medikuak esaten deutsuna sinesten dozu, txertoa tratamendu bakarra dala eta ez daukala albo-ondoriorik. Baina hori ez da eztabaida. Zuk txertoaren 8 dosi hartzen badozuz, lau maskara bat besteren gainean jartzen badozuz eta bazagoz etxean konfinatuta, nik ez deutsut ezetz esango. Baina batzuok sintomak daukaguzanean tratamendu desberdinak erabiltzen doguz. Baina euren txertoa onartzen ez dogunez, gure eskubideak murrizten deuskuez. Horregaitik hemen jokoan Askatasuna dago.

  5. Jokaldia oso agerikoa da baina jendeak ez du ikusi nahi: 2020ko martxoan praxi okerrarekin jende asko garbitu zuten, aginduak nahita eman ziren txarto. Ez zuten autopsiarik egin osatzen zituzten tratamenduak ez erabiltzeko.
    Italiako 3 medikuk bertako parlamentuan horixe bera salatu egin zuten.
    Eta medikamentu transgenikoak bereak eta bi egiten eta egingo ditu. Txetatu asko agurtzen joan, zoritxarrez errealitatea hori izango dela uste dut

  6. Ados nago esaten dituzun gauza askorekin, Amaia, batez ere eskubideen murrizketari buruzkoarekin, baina txertoaren aurka hainbeste kontu irakurtzen ari naiz, eta hain diferenteak dira bata bestetik, non txertoak kaltegarriak direla sinesten hasiko banintz ere (ez naiz hasi, baina zalantzak badauzkat), ez nukeen jakingo kaltegarritasunaren zein bertsio sinetsi. Batzuen ustez, hau dena plandemia kriminal bat da, nahita sortua populazioa murrizteko eta kontrola areagotzeko, eta txertoek ondorio izugarri kaltegarriak ekarriko dituzte. Beste batzuk diote berez gaitza ez dela existitzen, edo gripearen parekoa dela (hori gero eta gutxiago entzuten da, denok ikusi dugulako gezurra dela, baina hasieran asko entzuten zen hori). Beste batzuek txertoak kalte egiten duela esaten dute, bai, baina onartuz birusak ere kalte handia egiten duela eta txertoaren bestelako erabilera bat (umeak txertatu gabe, nor eta noiz txertatu hobeto pentsatu eta zainduta eta abar) egokia litzatekeela (uste dut Mati Iturralde horien artean dagoela, hala ulertu diot nik behintzat)… Eta bai, hain ondorio diferenteak dauzkaten hainbeste txosten irakurri ondoren, azkenean senez edo intuizioz (eta inguruko errealitatean oinarrituta, noski) erabaki behar dugu nori eman sinesgarritasuna eta nola jokatu. Eta alde horretatik bertsio “ofiziala” askoz ere dokumentatuagoa, bateratuagoa eta funtsatuagoa ikusten dut txertoaren aurkakoena baino. Normala ere bada, jakina, badakit, boterea dutelako, hedabideen kontrola eta nahi duzun guztia, baina txertoaren aurkako informazioa hain da nahasia eta askotarikoa, batzuetan kontraesankorra ere bai, non oso zaila den, niretzat behintzat, horretatik ezer garbirik ateratzea. Alde horretatik Matik dioena oso zentzuzkoa eta neurtua iruditu zait, egia esan, eta horregatik gustatuko litzaidake hor Matik edo gaia ondo ezagutzen duen beste norbaitek lehen egin ditudan galderei erantzutea. Eskerrik asko arretagatik eta nire kezkak azaltzeko lekua emateagatik.

  7. Adibide bat: oraintxe irakurri dut OMEko zeintzialari ohi baten iritziz PCRak sudurretik egiteak bizi-itxaropena murrizten duela. Beste adibide bat: manifestazio bateko pankartak (ez dakit non zen), hau zioen: “Los niños solo contagian amor y alegría”. Horrelako adierazpenak, nire ustez, gaitzesagarriak dira, nahasmendua handitu baino ez baitute egiten.

  8. Jose Luis,
    Honezkero, ez zegok hitzegiterik “txertoen” (horrela sinmás) fidagarritasunaz… etabar.

    Ongi bereizi beharra zegok TXERTOEN eta TXERTO HAUEN BERAUEN ARTEAN. uLERTZEN?

    Nik hainbat bider errepikatu diat ez naizela berez “txerto-kontrak”, baizik eta TXERTO ILEGITIMO/ERDI-ILEGAL/ESPERIMENTAL/POZOINTSU/LUKRATIBO hauen kontrako, soilki kontrako baino, GUZTIZ KONTRAKO!

  9. Kaixo, Juan Luis:

    Saiatuko naiz erantzun batzuk ematen, baina informazio zuzena lortzea ez da erraza, eta ahal den moduan bilatu behar da.

    Kontuan izan behar da, edozein farmako esperimentalekin, albo-ondorioak ez daudela erabat definiturik. Adibidez, Covid txertoen onarpen ofizialaren momentuan, albo-ondorio batzuk argitaratu ziren (saiakuntza klinikoetan agertu zirenak), gehienak arinak eta inzidentzia gutxikoak. Baina gaur egun, eta txertoaren zabalkundearekin, beste batzuk agertu dira. FDAk 2020ko urrian albo-ondorio hauek baieztatu zituen: miokarditisak, perikarditisak, miokardio-infartoak, Kawasaki gaixotasuna, CID (coagulación intravascular diseminada) eta tronboenbolismoak (denak gaixotasun larriak).

    Bai Europan, bai espainiar Estatuan, egiten diren albo-ondorioren jakinarazpenak ikertu behar dira, eta oraindik ez dago argi txertoaren eraginaren ondorioak noraino helduko diren. Espainiako medikamentuaren agentziak 2021eko farmakoikerkuntzaren abenduko txostenean argitaratu ditu 240 miokarditis jakinarazpen (haien artean %71 gizonei gertatutakoak, eta %63 bigarren dosiaren ondoren, gehienak gazteen artean) eta 3 hildako. Abenduaren 12ra arte, espainiar Estatuan 53.407 jakinarazpen jaso dira ( 74/100. 000 dosiko). Notifikazio gehienak medikuen artean egin dira (%71). Ez dira argitaratzen albo-ondorioak sektoreka, ezta beste gaixotasunekin erlazionatuta ere.

    Ni ez naiz inondik ere aditua, baina nire ustez, eta oraintxe ditugun datuekin, txertoak kasuan kasu jarri beharko lirateke, ez populazio osoari. Orain, gainera, Omikronekin, argi geratzen ari da txertoek ez dutela kutsatzea ekiditen, eta ikertu beharko da ea benetan larritasuna gutxitzen duten ala ez.

  10. galdera bat

    Osasun Zentroetan ez bada egiten ikerketarik ziuratuen eta defuntuen kausa Covid ala beste edozein gaixoren artekoa bereizteko, nondik atera du Osasun Ministerioak DATU ABSOLUTUEN ZIFRA HORI?

    Beste patraña bat?

  11. Kasu honetan, Josu, txertoak aipatzean COVID-19aren aurkakoez ari ninduan, pentsatuz ez zegoela zehaztu beharrik. Ekarpen interesgarria lotura hori, Iñaki. Eskerrik asko bioi.

Utzi iruzkina, izen eta abizenez

Azken artikuluak