Kaixo! Informazio honen bidez, alegazio-epean dagoen Hernaniko “Ikatz Gane” izeneko zentral eolikoaren aurkako ALEGAZIO DOKUMENTU OSO BAT bidaltzen dizuet (ikus behean atxikitako artxiboan).
Alegazio-dokumentu hau pertsona batek indibidualki egindako ekarpen bat da, hain zuzen ere Hernaniko udalerriak Aranorekin muga egiten duen Urumeako mendialdean zentral eoliko bat eraikitzeko Enigma eta Arena Green Power enpresak butzatzen ari diren proiektuari buruz azterketa kritiko eta informatibo mardula dakarrena.
Proiektua zeharo bateraezina da guneari aitortzen zaizkion babes-helburuekin eta derrigorrezkoa da hirigintza Plan Berezi bat egitea, eta Hernaniko Udalak egitasmo hori ekiditeko eskuduntza dauka
96 orrialde eta 22 ataletan banatuta, proiektu horrek lurraldean eragingo lituzkeen kalte ekologikoak eta sozialak xehatzeaz gain, egitasmoan nabarmentzekoak diren irregulartasunak, gabeziak, faltsukeriak eta Ikatz Gane izeneko poligono eolikoaren egitasmoa bertan behera uzteko dauden arrazoiak azaltzen ditu alegazio-dokumentu honek. Aipagarria da, besteak beste, proiektuaren eraginen inguruan Aranoko Udalari eta Nafarroako gobernuari inongo kontsultarik egin ez izana, lotsagarrikeria bat ezezik, egitasmoaren tramitazioa bera errotik baliogabetzen duen funtsezko gabezia bat ere badela. Halaber, “Ikatz Gane” zentral eolikoaren proiektua egitasmoak kalteturiko mendialdeari Hernaniko hiri-plangintzan eta lurraldearen antolamendurako plan guztietan aitortzen zaizkion balioekin eta babes-helburuekin zeharo bateraezina dela azpimarratzen da; ondorioz, eta EAEn energia berriztagarrien halako azpiegitura handiak lurraldean hedatzeko inongo lurralde planik indarrean ez dagoenez, derrigorrezkoa da hirigintza arloko Plan Berezi bat egitea, eta horri hastapeneko onarpena ematea Hernaniko Udalari dagokionez, Udalak egitasmo hori ekiditeko eskuduntza izan baduela defendatzen du txostenak.
Hori dela eta, alegazioen-dokumentua zuen inguruan zabaltzea eskertuko nuke, baita dokumentua izenpetzeko proposatu ere. Barka, euskarazko irakurleei, alegazioen dokumentua gaztelera hutsean bidaltzeagatik!
Alegazioak aurkezteko epea maiatzaren 4ra bitartekoa da (egun hori barne).
Alegazioak aurkezteko moduak:
- Donostian: Eusko Jaurlaritzaren Industria sailaren Ordezkaritzaren bulegoetan (Easo kalea, 10. Ordutegia: 8:30-14:00).
- Donostian: Eusko Jaurlaritzaren Alderdi Ederreko bulegoetan dagoen “Zuzenean” zerbitzuaren bidez (Andia kalea. Ordutegia: 8:00-19:30h. Kasu honetan aurretiazko hitzordua eskatu behar da).
- Bestela, korreo zertifikatu bidez: Helbidea eta erakundearen izena alegazioen goiburuan datoz. Postara bi kopia eraman behar dira (bata bidaltzeko eta bestea zigilatuta norberak gordetzeko).
Bukatzeko, txosten honek lan informatiboari eta eztabaidari begirako ekarpen bat izan nahi du.
Beraz,edozein proposamen egiteko edota informazioa trukatzeko, harremanetan jar zaitezte.
Eskerrik asko.
DESKARGATU HEMEN ALEGAZIO DOKUMENTUA:
Mikel (Tlfnoa: 695715510)
Emaila: mikeltxikizio2@gmail.com
