“… Gobernuak manipulazio-hedabideen laguntza beharko du, berriz ere, beldur berria begietatik sar diezaguten… Publizitatean 138,29 milioi euroko inbertsioa egingo da 162 kanpaina instituzionaletan… “ irakurri dugu.
Beraz, laster izango dugu mantra berria gezurraren distribuziorako hedabideetan. EiTBk ez daki zer egin, sinesgarritasuna eta audientzia galtzen ari da-eta. Agian, diru horrekin, markesinak papereztatu beharko dituzte mantra berriarekin, propaganda-papertxoak ere jar ditzakete aparkatuta dauden autoen kristalak garbitzeko eskuiletan engantxatuta, edota mantra berri hau daramaten puxikak oparitu diezazkiekete haurrei eskola irteeran, hegazkinak ere pasea ditzakete Mezua idatzita duen banderarekin… Injektatu dieten diru hori guztia inbertitzeko ideiak ematen ari naiz; izan ere, jendeak telebista ikusi ezean, diru guztia gastatzeko eta zuritzeko arazoak sortuko baitzaizkie.
Matrakarako mantra berri hau aldaketa klimatikoagatik, antsietate klimatikoagatik… hiltzeko beldurrarekin etorriko ote da? Hiltzeko beldur hori suntsitu nahi duten naturarekin zerikusia duen zerbaitekin lotuta egongo delakoan nago. Gezurra desmuntatzen duenak badakigu zein etiketa jasoko duen: “konspiranoiko”. Eta Bill Gates, berriz ere, beroni esker aberatsago egingo diren milioidunen artean egongo da, mahukatik aterako duten irtenbide salbatzaile planifikatuari esker. Era berean, herritar arrunten askatasuna eta aberastasuna murriztuko dira eta jasoko dugun kontrol maila handituko da.
Irtenbide salbatzaile planifikatua ere aterako dute mahukatik
Kontzientzia hartzen ez duten pertsonei, bizitzak ekarriko die kontzientzia hori, baina saminez, noski…
Hain da aurreikusgarria dena…
Bide batez, esan beharra dago, telebista itzaltzen baduzu, ez zaizula sartuko hedabideek erosi berri duten beldur hori gorputzera ezta burmuinera ere. Hauxe izango da iruzur berriaren konplize ez izateko lehen urratsa. Bigarrena, zailagoa, beldurra irentsi duten maite dituzunei laguntzea; eta erdibidean, hirugarren urratsa, negozio zikina izorratzen diegunontzat telebistak jaurtiko duen etiketari eustea.
Iruzur berriaren konplize ez izateko lehen urratsa, telebista itzaltzea; bigarrena, zailagoa, beldurra irentsi duten maiteei laguntzea; eta hirugarrena, erdibidean, jaurtiko diguten etiketari eustea
Egia da, hala ere, ohore handia sentituko duzula, nazi kiratsa darion gustu txarreko pelikula honetan, etiketaduna izatea aukeratu izanagatik.
Hona hemen kobid paranoiaren eta aldaketa klimatikoaren paranoiaren aldagaiak, eta bien gakoen arteko konparaketa taula:
“soluzio”(txertaketa) ondoriozko gain-heriotzak begi bistakoak dira, baina lasai: horiek Bruselako eta BLACK-ROCKeko diruarekin estaliko dituzte, alarma piztu ez dadin.
Edo hobe Eusko telebistarik ere pizten ez badozue!
KORTATU ren abestiak dioen bezala…
La asamblea de majaras se ha reunido…