— Maiatzak 5, igandea: bisita gidatua Iruña-Veleian.
— Bisita gidatua Iruña -Veleia Martxan-ek antolatzen du. Goizeko 11etan hasiko da aztarnategiko aparkalekuan.
— Bisitan zehar hainbat gai jorratuko ditugu; auzi judiziala, gauden egoerari buruzko gure irakurketa, grafitoak benetakoak diren ala ez behingoz argitzeko ze proposatzen dugun, eta aztarnategiaren historia argitzen saiatzen gara, betiere Euskal Herriko historian txertatuta.
— Bisitaren iraupena pare bat ordukoa da, eta Zadorra ibaiak inguratzen duen mendi kasko baten bueltan burutzen da. Ibilbideak ez du zailtasun berezirik eta txakurrak ekartzeko ez dago eragozpenik. Bai bisita eta bai aztarnategiko aparkalekua doakoak dira.
— Izena emateko 696296767 telefonora WhatsApp bat edo Telegram bat bidali.
Eskandalu arkeologikoa munduan!
Aupa Josetxo, indar asko beste bisita gidatu berri honetan!
Gehienek ez duzue jakingo, baino beldur-aro betean gune hau Independentea.eus zabaldu genuenean bagenuen gai hau bereziki garatzeko grina. Bagenuen prest erabiltzeko wiki-moduko sarreren bidezko entziklopedia baterako infraestruktura, eta Wikilibrea deitu genion, hain zuzen, aipatuz Iruña Veleia modu askean garatzeko beharra, Wikipedia ezagunean gai honekiko zegoen kontrol ferreoa gainditzeko. Egun bat iraun zuen. Atzo Oierrek aipatu zuen lehengusuaren trola izan zen lehenengo pertsona —eta bakarra— Wikilibrea erabiltzen —edo zapuzten— mezu antisemita pilo bat sartuz, lau haizetara zabalzeko. Haimaika artikulu-iruzkinetan egiten hasi zen bezela, gero Sustatu.eus erabiliz zabalduko zuena esanez: «ikusten, ultraeskuindarrak». Falta zena, 2020ko urri hartan. Dena kakanahastuz, negazionista, transfobo, trumpista» eta «Berriaren kontra jaio dira» eta abar luze bat. Eta kultureta tragazionista guztiak, eta haien jarraitzale askok ere, kaso egin zioten ziber-indar eta azpijoko erakustaldi horri, hauspotuz sikopaten azpijokoak eta kantzelazioaren kultura zabalduz. Norbanakoak kantzelatuz, baita gure nazio historia eta bihotza ere kantzelatuz. Edo nahian. Horretan dirau.
Guk gurera. Aupa Josetxo, jo ta su.
Tipo berberak Izan auzokrazia alderdia “ultraeskuindar” bezela aipatzen du bere mezuetan Agenda 2030ren kontra egoteagatik eta globalismotik datorren totalitarismo berria salatzeagatik: datorren Maiatzaren 24an OME (OMS) Pandemiaren akordioaren bidez pauso garrantzitsu bezela Mundu mailako gobernu orokorraren bila.
Argi eta garbi Angel, IZANen barruko zenbait espezimen aitortutako xenofoboak direla kontuan hartuta, erraz jartzen diote.
Neuk ere daukat alderdi politiko horrez iritzi oso eskasa, eta hori da nire iritzi askatasuna gauzatzea. Baina iritzia eta erasoa-jazarpena ez dut uste nahasi behar direnik, batzuetan muga non dagoen ezartzea erraza ez den arren.
Oraingoz, uste dut eta dakiguneraino, erasotu Veleia erasotu dutela, eta jazarri, Independentea jazarri dutela. Sistema eusten duten historia ofizialaren eta pentsamendu bakarraren funts oinarrizko batzuk zalantzan jartzen aritzea, hori bai izan ohi da erasoen eta jazarpenen diana, aurrez aurre edo azpilanez.
Baina potentzial transformatzaile gutxiko ekimenak jazarri gabe iraintzea ohikoa da zirku politikoan, eta neurri batean iritzi askatasunaren praktika da. Zirku horretako markoaren joko arauetatik ez irtetzea lortzeko taktika ere bada. Praktika eraldatzaileekin edo pentsamendua garatzeko ekimenekin, ordea, joera isilaraztea eta ostrazismoa izan ohi da, eragileak kikilaraztearekin eta desmoralizatzearekin batera. Isilarazi eta desmoralizatu ezin denean, diskurtsoez eta praktikez jabetzea izaten da eraldaketa eta garapena deformatuz itotzeko beste modu bat.
Neuk ere esango dizut ahobizarrik gabe ezker hegemoniko autoritarioaren portaera fenomeno sozial faxistatzat katalogatzen dudala, eta gaur-gaurkoz ultraeskuinaren elikatzaile nagusia dela. Eta esango dizut, areago, coviden disidenteen iritzi lider batzuk ari direla lan horretan, beren jarraitzaile-artalde amorfoekin, faxismoa sustatzen. 2020an kolpea eman zuen faxismo instituzionala eta normopata hauteman eta salatu duten oposiziogile batzuk ere erori dira faxismo soziologikoan. Ikusi ditugu, adibidez, injekzioak hartu zituzten senideak deshumanizatzera iristen ere.
Agenda 2030 deitzen zaiola, estatu-kapitalismo global ez deitzeagatik, hartara disidente ezjakin sektore handiak sistemaren barruko dialektika polarizatu faltsuan mantentzeko, demokrazia liberal korporatibistaren joko-arauei egokiro loturik, sistemaren kantxaren mugen barruan. Horrela lortzen du botere sistema horrek, beti irabazle izatea, era batean edo bestean, herritarron porrot perpetuo honetan: beldurra eta pertenentzia beharra ustiatuz, norbanakoen ardura eta kolektiboen garapena eragozteko.
Botere sistema horixe eusteko era bat, hauteskundeetara diskurtso antisistema erabiliz aurkeztea da, eta errepresentazio politikoa praktikatzea, batzarraren kontzeptua desitxuratuz. Ez da estrategikoki ezer berria, hamaika aldiz gertatzen ikusi dugu; sistemak irauteko dituen defensa mekanismoetako batzuk dira.
Faxismoa ez da hautu politiko bat, gizartearen minbizia da. Eta edonon sor eta haz daiteke. Pozoi berbera da alde guztietan, baina zapore desberdinekin. Faxismoaren iraupen arrakastatsua eta espansioa ikusten ari gara, hain zuzen ere, gizartean erraz asko moldatzeko gaitasuna duelako.