Iruña Veleia

Eskabadoraren suntsiketa ikusteko bisita gidatu berezia martxoaren 10ean

Suntsiketa bat gehiago azken asteotan. Azken bisita gidatuan ikusi dute ate ondoko kasernan eskabadora berriro sartu dutela eta beste eremu bat gehiago suntsitu dutela. Aski da!

1

Josetxo Mendia

Nekazaria. Historiazalea. Beasain

Euskeraz eta euskal kulturaz kezkatuta dauden guztiei:

Honen bidez jakinarazi nahi dizugu Iruña-Veleiako aztarnategia arriskuan dagoela. Arriskua benetakoa da eta erraz antzeman daiteke: azken urteotan ESKABADORA aztarnategiko toki esanguratsuetan sartu dute: lehenengo BI ALDIZ EHU-UPVko Arkeologia Sailak aztarnategiaren kudeaketaren ardura hartu zuenean eta Aldundiak gero kontratatu dituen enpresek beste BI ALDIZ (guztira 4 aldiz). Lan horien ondorioz SEI EREMU ARKEOLOGIKO ABERATS suntsitu dituzte: Macelus ingurua, Errosetoien Etxea, harresi ondoko bidea, harresiaren barrualdeko 100 metroko alboa, ate txikia eta San Juan komentua. Arabako Diputazioak interbentzio guztiak babestu egin ditu. Esan beharra dago bi txosten daudela eta horien arabera esku hartze horiek lan arkeologiko baino suntsiketak direla.

sei eremu arkeologiko aberats suntsitu dute

Ekintza horiek ez dute inolako oinarri edo helburu arkeologikorik izan eta arkeologiaren ikuspuntutik aberatsak diren geruzak betiko suntsitu dituztela aipatu behar dugu. Izan ere, suntsitutako hiru eremutan grafitoak azaldu ziren. Grafitoak latinez eta euskaraz zeuden.

Ofizialistek “ez-ohiko grafitoak” deitu zituzten eta, jarraian, guztiak faltsuak zirela esan zuten, inolako froga arkeometrikorik egin gabe eta egiten utzi gabe: analitikak karbonato kaltzikoz estalitako testuetan, termoluminiszentzia egosi aurretik idatzitako adreiluetako testuetan edo karbono-14 izeneko analitika kedarra aztarnen gainean duten testuetan.

Gure iragana ikertzeko aukera ezabatu nahi dute. Ez dute “ohikoa” ez den ezer agertzerik nahi: hormak besterik ez. 2008an abiatutako estrategiarekin jarraitzen dute, batez ere, euskalduntze berantiarraren teoria jausiko litzaiekeelako. Noiz arte? 

Egoera hau bertatik bertara ezagutu nahi izanez gero BISITA GIDATUAK antolatzen ditugu hilero eta, egoera berezi hau salatzeko asmoz, martxoaren 10eko bisita gidatu berezira gonbidatu nahi zaitugu, suntsiketa bertatik bertara ezagutu ahal izan dezazun. Ondoren bazkari bat egingo da suntsiketari aurre nola egin ahal diogun denon artean aztertzeko.

Denon ondarea hondatzen ari dira eta horren aurrean isiltzea hondatzaileei babesa ematea dela uste dugu.

Geldi dezagun txikizio hau!!! Gure ondarea babestu dezagun!

Bisitara etortzeko watxap/telegram mezua bidali ahal duzu: 696296767

Iruña-Veleia Martxan eta SOS Iruña-Veleia elkarteak

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

Erantzun bat “Eskabadoraren suntsiketa ikusteko bisita gidatu berezia martxoaren 10ean” bidalketan

  1. Badirudi zipaioak ez direla polizia errepresiogileak bakarrik. Zipaioismoa beren kultura, hizkuntza, herria erasotzen duten politikarienganaino hedatzen da! EAJ eta EHbildu zipaioak zarete!! Euskal Herria askatu!!!

Utzi iruzkina, izen eta abizenez

Azken artikuluak