deialdia

IKUSI: Urtarrilaren 28an Gasteizen manifestazio deia, Iruña-Veleiaren suntsiketa gelditzeko

12:00etan Arabako Foru Aldunditik abiatuko da manifestazioa. Iruña-Veleiako aztarnategiaren zati bat erabat suntsitu dute eta hor zeuden estratu arkeologiko guztiak betiko galdu dira.

1

Joseba Unzalu

Iruña-Veleia Martxan-eko kidea. Gasteiz

/ bideoa: Utzi pakean

Iruña-Veleia suntsitzen ari dira

Arabako Foru Aldundia, iazko apiriletik, eskabadora behin baino gehiagotan erabiltzen ari da Iruña-Veleian. Haiek esaten dute harresia egonkortzeko dela, baina errealitatea bestelakoa da. Izan ere, hondeamakinaren erabilera gehiegizkoa izaten ari da. Hasieran harresiaren barnealdetik 120 metroko luzera, 3 metroko zabalera eta metro bateko sakonera duen zerrenda zulatu zuten. Hau da, 360 metro karratu erabat suntsitu zuten, bazekitenean harresiari lotuta aztarna arkeologikoak zeudela.

Hori gutxi balitz, bigarren atearen inguru arkeologiko osoa suntsitu dute. Horretarako berriro hondeamakina erabili eta 6 metroko zabalera15 metroko luzera eta 4 metroko sakonera dituen zulo handi bat egin dute, bertan zegoen guztia isurtegira botaz eta den-dena altxatuz. Hau da, beste 90 metro karratu erabat suntsitu dute eta hor zeuden estratu arkeologiko guztiak betiko galdu dira.

Herritarrei dei egiten diegu Gasteizen, urtarrilaren 28an, 12:00etan Arabako Foru Aldunditik abiatuko den manifestazioan parte hartzera

Horregatik, herritarrei dei egiten diegu Gasteizen, urtarrilaren 28an, 12:00etan Arabako Foru Aldunditik abiatuko den manifestazioan parte hartzera, Iruña Veleia argitzeko, suntsiketa gelditzeko eta babesa eskatzeko.

Zure zain gaude!      

/ Iruña-Veleia Martxan

Prentsa oharra:

Urtarrilaren 28an Gasteizen manifestazioa, grafitoak argitzearen eta babestearen alde.

Arabako Foru Aldundia apiriletik aurrera eskabadora behin baino gehiagotan erabiltzen ari da Iruña-Veleian. Haiek esaten dute harresia egonkortzeko dela, baina errealitatea bestelakoa da. Izan ere, hondeamakinaren erabilera gehiegizkoa izaten ari da. Hasieran harresiaren barnealdetik 120 metroko luzera, 3 metroko zabalera eta metro bateko sakonera duen zerrenda zulatu zuten. Hau da, 360 metro karratu erabat suntsitu zuten, bazekitenean harresiari lotuta aztarna arkeologikoak zeudela.

Hori gutxi balitz, bigarren atearen inguru arkeologiko osoa suntsitu dute. Horretarako berriro hondeamakina erabili eta 6 metroko zabalera, 15 metroko luzera eta 4 metroko sakonera dituen zulo handi bat egin dute, bertan zegoen guztia isurtegira botaz eta den-dena altxatuz. Hau da, beste 90 metro karratu erabat suntsitu dute eta hor zeuden estratu arkeologiko guztiak betiko galdu dira.

Historian doktore den Xabier Gorrotxategik eskuartze hau salatzen duen txosten arkeologiko bat idatzi du. Bertan, ondorioztatzen du ezin daitekeela eskuartze arkeologiko batez hitz egin. Izan ere, aztarnategiaren zati bat suntsitzeko lan bat besterik ez da izan.

Hau ez da lehen aldia eskabadoraz eremu batzuk suntsitu dituztena, laugarrena baizik. Lehenengoan Eliseo Gilek penintsulako abezedario zaharrena topatu zuen eremua suntsitu zuten, eskabadora metro eta erdira baino sakonago sartuta, indusketetan erabat debekatuta dagoena. Bigarrenean Errosetoien etxean sartu zuten eskabadora, Eliseok euskerazko eta kristau testu gehienak topatu zituen lekuan. Hirugarrenean, harresi ondoko bidea altxatu zuten. Eta eskabadora sartu duten laugarren honetan, esan bezala, 450 metro karratu suntsitu dituzte. Oraingoa basatiena izaten ari da, beste eremu batzuetan berriro sartu nahi dutela dirudielako (marka batzuk…).

Esan beharra dago Lurmenek bertan topatutako grafitoen egiazkotasunaren inguruko eztabaida oraindik argitu gabe dagoela, Eliseo Gilek orain dela 16 urte egin zuen eskaera oraindik bete gabe dagoelako: topatutako 50 grafito garrantzitsuenak Europako prestigioko laborategietan datatzea, termoluminiszentzia, karbonato kaltzikoen analisia edo karbono-14ren bidez. Baina, hala ere, Arabako Foru Aldundiak, dirua datazioetan inbertitu beharrean, Iruña-Veleia suntsitzen jarraitzen du, unibertsitate, kultura, euskalgintza eta hedabideen eragile gehienen bildotsen isilkeriaren aurrean.

Horregatik herritarrei dei egiten diegu Gasteizen, urtarrilaren 28an, 12:00etan Arabako Foru Aldunditik abiatuko den manifestazioan parte hartzera, Iruña Veleia argitzeko, suntsiketa gelditzeko eta babesa eskatzeko.

Zure zain gaude!

2024.01.02.
Iruña-Veleia Martxan

/ Iruña-Veleia Martxan

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

Erantzun bat “IKUSI: Urtarrilaren 28an Gasteizen manifestazio deia, Iruña-Veleiaren suntsiketa gelditzeko” bidalketan

Utzi iruzkina, izen eta abizenez

Azken artikuluak