EB-Mercosur akordioaren testuinguruan izan diren mobilizazioetan txertaketaren gaia plazaratu dute abeltzainek, baina, ikusirik sindikatu bakar batek ere zuela beren ezinegona jasotzen, beren burua antolatu dute, Frantziako estatuak inposatutako derrigorrezko txertaketaren aurrean modu kolektiboan erantzuteko.
LIBRe kolektiboko kide batekin egindako elkarrizketa entzungai:
Jarraian, elkarrizketako zenbait pasarte:
Iparraldean sortu da kolektiboa, hiru departamendutako kideekin. Behien %85 txertatuak dira eta beste %15a presiopean, seguraski auzipetzeko arriskuan. Kolektibo honetatik aparte ere badira beste zenbait eta kolektiboarengana hurbildu nahi genituzke, beharrezkoa ikusten dugulako sindikatuek eta nekazariek ulertzea.
Mercosurrekin adostua zen laborari kopurua 2020rako jaistea eta ez da hala izan
Eskuin eta ezkerreko sindikatuak elkartu dira blokeoak egiteko eta ekintza horietan galdegin dugu txertaketa aske uzteko, ez girela gu biologikoan sartzen beti txertoz bete eta pozoinatzeko gure haragia. Ez gaituzte entzun nahi izan, esan digute txertoa dela tratu moduko bat hiltzearen aurka. Guk esan dugu ez dela hori, zepoan sartu dituztela. Mercosurrekin adostua zen laborari kopurua 2020rako jaistea eta ez da hala izan. Gu erresistentzian gira, irauteko, eginahalean baserritar gehiago ezartzeko, gure herriak bizi daitezen. Frantziako ministeritza kontrakoa egiten saiatu arren, ez da heldu bere helburuak betetzera. Abere-hazkuntzaren herena soberan dauka. Horretarako, jada 2016an adostu zuten gaixotasunen mailak larriagotzea "babes" neurri zorrotzagoak hartu ahal izateko: mugak itxi, abereak konfinatu, denak akabatu eta abar.
jendarmeak hasi dira baserrietan sartzen, kontrolatzen, behi-mugimenduak debekatzen…
FNSEA sindikatuak txertatze orokorraren alde egin du eta gu gutxiengoan gelditu gara, begiak idokitzen. Kartografia bat egiten badugu, ikusten dugu ez dela nonahi sortu mugimendu hau; sortu da bezero anitz modu zuzenean elikatzen dituen toki batean: Idoki, EHKolektiboa... hau da, ekoizle eta bezeroen arteko harreman zuzenagoa dagoen inguruetan sortu da LIBRe kolektiboa, gure bezeroak azkar baitira hor. Eta askoz gehiago ginen, baina jendea beldurtzen hasi da; laguntzak kenduko ote dizkieten, jendarmeak hasi dira baserrietan sartzen, kontrolatzen, behi-mugimenduak debekatzen... gauza itsusiak ikusi ditugu Iparraldean ere.
Dermatosi nodular kutsakorra ez omen da hain larria. Ez da erraza ez txertatzea hautatzea, kulturan sartua da, jendea beldurrak lerratzen du Kobidarekin ikusi dugun bezala. Bada jendea eutsi diona eta hamabost egunen buruan abereak sendatu dira, ez da gaixotasun hutsala baina ez da gaitz handikoa ere, sukarra eragiten du baina immunitatea azkar duen abereak arin pasatzen du edo sentitu gabe. Gertatzen ahal da txertatu eta ondorioz erreakzioak izatea; gertatu da aberea txertatu eta gero positibo eman, hil eta sinetsaraztea gaixoak larri jota zegoela.
Bada jendea eutsi diona, eta hamabost egunen buruan abereak sendatu dira
Sanitate-kontrol sistema bat inposatu nahi dute aziendak Europan mugitu ahal izateko. Mercosurretik batere kontrolik gabe etorriko dira, baina hemen preso joan ahal izango gara kontrola betetzen ez badugu.
Ez da giro, baina gu borrokatuko gara, gure argumentuak gizarteratzen, Euskal Herriko sindikatuekin lehenik eta gero besteekin. Baina, horretarako, txertatu dutenek mahaian esertzea onartu behar dute, eta ez da erraza. Guk zuzenean erosten digutenen sostengua dugu, ez dituztelako botika horiek jan nahi.
Alpeetan eta Pirinioetan dira nekazari txikienak eta kopuru handiena, eta hori txikitu beharra dute
Beste informazio garrantzitsu bat da grafikoek diotela Alpeetan eta Pirinioetan direla nekazari txikienak eta kopuru handiena, eta hau txikitu beharra dutela; justu hemen eman direla desmasiak. Badira borobil batzuk marraztuta eta merezi du inguru horiek aztertzea, ez direlako ultraeskuindarrek edo influentzerrek asmatutako informazioak, ministeritzatik atereak baino; egiazko datuak dira. Mercosurren lan maltzurraren emaitza da.
Zentsurari aurre egin behar diogu, aurrean murru bat dugulako eta honen aurrean prefetak dio marjinalak garela; Biba Txertoa eta Jokak aitzina! diote.
Guk zortea dugu, etxe-ekoizleek, jada ahantzia dugulako produktibitate industriala
Zaila da hau azaltzea nekazariari. Ematen ahal du bere indar guztia mobilizazioetan gauzak ulertu gabe, ez zaizkiolako eman ulertzeko tresnak, baina bakoitzak ahal du bilatzea ere. Guk zortea dugu, etxe-ekoizleek, jada ahantzia dugulako produktibitate industriala.
LIBRek egindako konferentzia ikusgai dago frantsesez.
Ederra, elkarlanaren emaitza
Milesker Irati! Duela egun gutxi jakin dut abeltzain hauen berri. Hemen txertaketa kanpaina bortitza hasi dute, gerra egoera batean bezala, azkar eta presiopean. Abeltzainon artean elkartasun gutxi, zatiketa asko eta gai honen inguruan eztabaidarik ez. Beharrezkoa zen sektorea puskatzea egoera hau etorri aurretik eta lortu zuten. Pentsa, Gipuzkoan lau puska eginda gaude!
Milesker LIBRe laborari kolektiboaren berri emanik !