2022ko martxoaren 31tik apirilaren 10era bitartean zeharkatuko du Euskal Herria 22. Korrikak. 2021eko edizioa egoera sozio-politiko ustelak bertan behera utzarazi bazuen ere, antolatzaileen buruhauste eta buruko min frankorekin eta urtebeteko atzerapenez, badator berriro ere Korrika. Independenteak ere babestu egin nahi izan du euskararen aldeko herri-lasterketa erraldoi historikoa, zati bat bere eginez.
Izan ere, ezin zuen aukera pasatzen utzi Independenteak. Hedabide hau euskaratik, euskaraz eta euskaldunontzat (zahar, ertain, berri, hasiberri) sortua baita, guretzat. Gure pentsamendu librea bizirik mantentzeko; horrek esan nahi du gure hizkuntza ere biziarazi behar dugula. Hain zuzen ere: euskara ala ez gara, jada hemen esana dagoen bezala, eta eguneroko gure jardunak ikusarazten duen bezala.
Pentsamendu librea bizirik mantentzeko sortu zen Independentea. Horrek esan nahi du gure hizkuntza ere biziarazi behar dugula.
Euskararen lekukoa gogoz eramaten dugu egunero eta horretan jarraitu nahi dugu, euskaldun eta libre, burujabe. Guztiok gonbidatuta zaudete, beraz, Independenteak eta euskarak aurrera jarrai dezaten, gu guztion kilometroa izango den hori egitera.
Apirilaren 2an izango da, goizeko zortzietan, Itza Zendeako Eritze herrian, Nafarroa Garaian.
Bertan ikusiko dugu elkar!
Informazio gehiago hemen: https://www.korrika.eus/eu/ibilbidea
Independentearen lekukoa Korrikan diruz lagundu nahi baduzu:
ES60 3035 0011 24 0110149358 Laboral
Onuraduna: Serios Kultur Elkartea.
Transferentziaren kontzeptua: Korrika.
HORTXE EGONGO GARA
!!!!!!!!!!!!!!!!!!!!!!!!!!!!!!
Iazko Uztailean Plazaz plazako Atharratzeko solasaldi hartan genion: euskaraz bizi garela, etxean, lanean eta kalean. Eta ez dugula zertan Off Guardian irakurririk “pandemiaren” egia ezagutzeko. Guk euskaraz ezagutu nahi genuela egia. Era berean gaur ez dugu zertan Sputnik edo Russia Today (RT) irakurririk, Ukraniako egia ezagutzeko. Guk erdara hala zentsura dikotomia gainditu nahi izan dugu, egia euskaraz Idependentean argitaratuaz. Gora Independentea Korrikan!! Eta, gora Korrika Independentea!!!
Otia, ze ona artikulua, ze ona bideoa, ze ona leire eta unanueren iruzkinak eta zelako planazoa