Irundik Baionarat! 2024ko martxoaren 14tik 24ra zeharkatuko du Euskal Herria 23. Korrikak. 2022ko edizioan egin zuen moduan, orduko hartan goizean goiz eta elurpean, oraingoan ere Independenteak euskarari bere babesa emango dio, Nafarroan, Euskal Herriaren bihotzean.
Duela hiru urte jaio zenetik, hedabide hau euskaratik, euskaraz eta euskaldunontzat (zahar, ertain, berri, hasiberri) sortua baita, guretzat. Gure pentsamendu librea bizirik mantentzeko; horrek esan nahi du gure hizkuntza ere biziarazi behar dugula. Hain zuzen ere: euskara ala ez gara, jada hemen esana dagoen bezala, eta eguneroko gure jardunak ikusarazten duen bezala.
Aurtengoan ere Independenteak, 552. kilometroa erosita, babestu egin nahi izan du euskararen aldeko herri-lasterketa erraldoi historikoa, bide batez Independentearen inguruko komunitatea sendotuz. Euskararen lekukoa gogoz eramaten dugu egunero eta horretan jarraitu nahi dugu, euskaldun eta libre, burujabe. Guztiok gonbidatuta zaudete, beraz, Independenteak eta euskarak aurrera jarrai dezaten, gu guztion kilometroa izango den hori egitera.
Martxoaren 16an izango da, larunbatez, Noaindik hurbil, Iruñerrian, arratsaldeko 20:30ak aldera. Gero hortik guztiok elkarrekin indarrak berritzera joateko aukera izango dugu.
Bertan ikusiko dugu elkar!
Independentearen lekukoa Korrikan diruz lagundu nahi baduzu, 10, 20 edo 50 euroko ekarpena egin dezakezu:
ES60 3035 0011 24 0110149358 Laboral Kutxa
Onuraduna: Serios Kultur Elkartea.
Transferentziaren kontzeptua: Izen-abizenak Korrika23.
Harro herri korrika, harro eta independente!
HARRO HERRI (23.KORRIKAren abestia eta bideoklipa) / AEK
Informazio gehiago hemen: https://www.korrika.eus/eu/ibilbidea
