22. Korrika

Ttipi-ttapa ttipi-ttapa Korrika!

Pasa da Loiolatik 8 edo 10 urteko ume koadrilla korrika bere energia eta indar freskoarekin

0

Maite Agirre

Antzezlea eta zuzendaria. Filosofia eta hezkuntza. Zarautz

Korrika, ttipi-ttapa, Korrika! Ttipi-ttapa, ttipi-ttapa, ttipi-ttapa, Korrrika!

Pasa da Loiolatik 8 edo 10 urteko ume koadrilla korrika bere energia eta indar freskoarekin, bere txori ahots oihuarekin; ematen zuen kaioek egiten duten bezala bat-batean hegan hasiko zirela, hegaldi zalapartatsu batean. Prest beste koadrilla, hauen zain, testigua hartzeko Latsari plazan eta korrika oihuka eta txoriak bezala hegan egiteko, Korrika!

Auskalo, agian bai, umeak gauza dira hegan egiteko eta gugandik eta gure kaskarkeriatik hegan egiteko. Bai, kapazak direlako; horregatik sartu nahi diete pozoia odolean eta kateatu lurrari. Baina hauetako askok eta askok bai hegan egingo dutela eta beren txori ahotsekin oihuka ariko dira… Korrika!

Nire lagunak behin esan zidan:

—Hizkuntza gelditzen ez bazait, zer gelditzen zait?

Ttipi-ttapa, ttipi-ttapa, ttipi-ttapa, Korrika!

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

Utzi iruzkina, izen eta abizenez

Azken artikuluak