Euskararen lekukoa

Nork hartuko du Txillardegiren lekukoa?

Jone Forcadak propio eraman du lekukoa, lagun, senide eta jende pilaz inguratuta.

2

Kote Camacho

Marrazkilaria eta zinegilea. Oiartzun

Donostia gaur goizean / Odysee / Bideoa: Kote Camacho

Gaur goizean 22. Korrikaren lekukoa heldu da Donostiara, txalo beroen artean Jone Forcadak hartu duena Boulevard erdian. Gelditu gabe jarraitu du emakumeak, emeki-emeki, Donostiako alkateari suabe-suabe pasatzeko intentzioaz.

Gerturatu da udaletxeko eta udal liburutegiaren aurreko kurbaraino. Lekukoa goi-goian astinduz eraman du Jonek, ondo ikus zezan ikurriñatxoa donostiarren alkate jaunak —aurreko batean huts egin zuen-eta gizonak, bere muturren aurrean Korrika osoa pasatzen utziz.

Oraingo honetan instant batez 22. Korrika gelditu ostean, udal zinegotzi korrikalariek hartu dute lekukoa eta jarraitu dute aurrera, “Udaletxean ere, euskaraz!” oihuen artean.

Hala argitu du Fito Rodriguezek: Txillardegi Liburutegia Ekimenak segituko du aurrera, Udal Liburutegiak ‘Txillardegi’ izena jaso arte, zor eta behar den bezala. Donostiako idazleek eta gizarteak hala eskatu dute urtez urte, 10 urtez jada. Oraingo udal-taldearekin ezin bada, hurrengoarekin izango da.

Nork hartuko du Txillardegiren lekukoa?

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

2 erantzun “Nork hartuko du Txillardegiren lekukoa?” bidalketan

  1. Euskal Herrian Euskaraz… oraindik ere gehiagotan oihukatu beharreko lema, eta Txillardegiren zuzeneko ekarpena. Herri batentzat hil ala bizikoa den hizkuntzaren arloko borrokaren izaera politikoari ihes egin ez zion gizona, gaur egungo pose hutsal eta jarrera azukretsuetatik urrun… Donostiak eta Euskal Herriak zor dioten aitortza laster ikusiko ahal dugu!

  2. Sasi guztien gainetik, GOIARI EUTSIZ eta Iparra galdu ba(ge)rik.

    TXILLARDEGIK

    LiburuTEGI bat
    ezeze, TEGI askoz gehiago merezi dau, baina tira!

    Bedi oraingoz Donostiakoa.

    “Donostiako hiru Damatxo…

Utzi iruzkina, izen eta abizenez

Azken artikuluak