Gaztelumendi anaien bertso sorta:
1. Donostian kaleei
zuzendu begia:
gaur Duque de Mandasen
hasten da Egia.
Konstituzio plazan
ze erromeria
ta Txillardegik non du
liburutegia?
2. Urbietan erosten
nuen loteria
Garibain saltzen zuten
zenbait lentzeria
Colonek kale bat du
hau da miseria
ta Txillardegik non du
liburutegia?
3. Etorbide zabala
da Isabel IIa
Karlos lehena ez da
ez periferia
Maria Cristinak dauka
bere jauregia
ta Txillardegik non du
liburutegia?
4. Londresek hotel bat du
hori da egia
Madril etorbidea
ez da huskeria
Frantzia paseoa
Grosen arteria
ta Txillardegik non du
liburutegia?
5. Zumalakarregin da
anbulategia
Matia kalera
joan ohi da gaztedia
Pio Barojarena
da kiroldegia
ta Txillardegik non du
liburutegia?
6. San Martinen zegoen
lehenago feria
Artzai Onak zainduko
du arditegia
Urgullen kristo zahar bat
dago eskegia
ta Txillardegik
non du liburutegia?
7. Xalbadorrek kale bat
dauka zilegia
“Bertsolari Txirrita”
ze izen heavya
Bilintxek kale bat du,
bueno ez, erdia
ta Txillardegik
non du liburutegia?
8. Zein da Donostiaren
iruditeria?
noren izena dugu,
noren aurpegia?
Juxtua izan dadin
gure izendegia
Txillardegik behar du
liburutegia!
Ez dakit zergaitik “Txillardegi” Donostiako liburutegia izendatzea hain garrantzitsu dan, agian hizkuntzalari zalako. Ba idazle gisa ez dot pentsetan izendapen horrek beren liburuak jende gehiago irakurteko balioko dauanik.
Euskal idazleek irakurle asko behar dabez eta gaurko euskal idazleek batez be, bizitza duina izateko, eurek merezidu dabelako. Nire ustez hori da garrantzitsua.
Hemen nonork oindino ez badau Txillardegiren eleberriak irakurri ea orain animatzen dan
“Eta tristura ikaragarriak hunkitzen ninduela
hutsean erori behar…
ezerezean amildu behar…
Eta hitz hauek aurkitu nituen neure barnean
-Ene Aberria… Itsasoa da!!! “
Bai, zuk adierazten duzun modura, Txillardegik euskara batua bultzatu zuen. Euskara batuak Euskal Herri osoa hartzen du, euskalki batetik besterako permeabilitatea ahalbideratzen du, irakaskuntza batua posible egiten du… Orain dela 60 urte, adibidez, jende askok bizkaieraz idazten besterik ez zekien, baina gaur euskaldun horiek batuan alfabetatzeari esker, hizkuntza nazionala dugu.
Eskerrik asko Edorta eta Amaia:
Hemen harira oraintxe bertan Irutxuloko Hitzan Fito Rodriguez-ek oso ondo garatutakoa:
https://irutxulo.hitza.eus/generoak/iritziak/euskararen-batasuna-eta-euskaldunon-batasunaz/