Geldi ditzagun gerrak
MANIFESTUA
Gatazken gorakada betean gaude. Gerra hibridoa, eszenatoki ugari, fronte ugari. Arma bezala hartzen ez ditugun suntsipen handiko arma ugari. Azken belaunaldiko gerra kognitibo eta informatiboko estrategiaren parte da.
Gizateriaren aurkako interesak bultzaturiko elitea, NATOren bitartez, gure gobernuez eta erakundeez baliatzen ari da, mundua izugarrikeriara eramateko eta, gainera, hori guzti hori geure hondamendi ekonomiko, moral eta kulturalarekin finantzatzeko, geure suntsiketa fisiko masiboarekin ez bada. Ukrainiako gerran ehunka mila gizaki bidali dituzte hiltegira dagoeneko, inolako eskrupulurik gabe.
Iragarritako eta ondo diseinatutako gerra izaten ari da hau (denak bezala), Europa suntsitzeko helburu argiarekin, beste alde batzuetan egiten ari diren moduan. “Build back better” (suntsitu, gero “hobeto” berreraikitzeko).
Armamentu-enpresetan inbertitzen duten aktore nagusiek, Black Rock eta Vanguard, munduko BPGren % 20 ordezkatzen dute, gure gobernuak eta politikariak, gure komunikabideak, farmazia-industria eta abar zeharo kontrolatzen dituztelarik. Erakunde korporatibo horiek, lehenik eta behin, eszenatokiak diseinatzen dituzte, gero etekin guztia ateratzeko, Ukrainarekin eta beste hainbat lurralderekin egiten ari diren bezala, horretarako NATO erabiliz, esan bezala. Bere garaian uko egin zitzaion erakunde hori desegiteari, gerra hotzaren eta SESBren desegitearen amaierarekin bere existentziarako aitzakia desagertu zen arren. Euskadin eta Nafarroan, Katalunian eta Kanarietan, adibidez, NATOri emandako ezetza bere garaian nagusi izan zela gogoratu behar da. Hala eta guztiz ere, Espainia NATOn sartu zen, eta Javier Solanak idazkari nagusi kargua hartu zuen.
Gastu militarra bikoiztu egin da 20 urtetan, eta orain, gerrarako oihu eta propaganda belizista artean, horretarako aurrekontuaren igoera izugarria behartu nahi da. Ondasun hori guztia, gizadiaren zaintzara zuzendu ordez, gizaki oro haurtzarotik zaintzan eta maitasunean haz dadin eta horrela bakean oinarritutako benetako gizartea sor dezagun, heriotzaren eta erailketaren hauspo bihurtzen dute. Horrela, besteak beste, nahitaezko soldadutza ezarri nahi da, gure gazteak (gizonak zein emakumeak) ezinbesteko harategi batera bidaltzeko aurreikuspen makabroan jarriz. Gerra termonuklear baten erabateko suntsiketaren arriskupean. Horren guztiaren mehatxupeko espoliazio eta mendekotasun egoeran.
Gogora ekarri nahi dugu, ez hain aspaldi, Mugimendu Antimilitaristak lortu zuena, intsumisioaren bidez.
Oso premiazkoa da heriotzaren “kultura” itzaltzea eta BIZITZAREN ETA BAKEAREN KULTURA sustatzea, sarraski masibo horietan erabilitako baliabide ikaragarriak birbideratuz. Adibidez, kultura horren funtsezko oinarrietako bat diren eta ikararen eskuetan eta zerbitzura dauden hazkuntza eta hezkuntza ereduak aldatuz. Substratu horretaz jabetzea ezinbestekoa da gure haur eta gazteen etorkizunerako. GUZTIONTZAT. Gizadiarentzat.
Premiazkoa da Ukrainan, Palestinan, Saharan, Libanon, Yemenen, Somalian, Sudanen, Nigerian, Sirian… eta izugarrikeriak suntsitutako beste hainbat lekutan, gerrak gelditzea.
Gatazkan dauden aldeen berehalako su-etenaz erakundeek eta gobernuek erabaki irmoa har dezaten exijitzen dugu.
Premiazkoa da NATOtik irtetea, premiazkoa da etorkizuneko belaunaldiak hartuko dituen BAKEAREN KULTURA ezartzea. Ez dezagun bere sakrifizio makabroa alde bakoitzeko gerrako jaunen esku utzi.
MUNDUKO BAKEAREN ALDE, ALDE EGIN DEZAGUN NATOTIK!
Urtarrilaren 18an, 12:00etan, giza katea Nafarroako Legebiltzarraren inguruan, manifestuaren irakurketa, zuzeneko musika eta minutu bateko isilunea.
17:00etan, “Bi urte, lau hilabete eta egun bat” intsumisoei buruzko dokumentala Iturramako Civivoxean.
Antolatzailea: Bakearen alde.
Bakoitzak bere erara, baina DENOK, GERRARI EZETZ BOROBILA!!
Elkarrekin beti hobe.