Laborantza Ekosozial topaketak eta Udaberriko festa asteburuan

Hara hemen herriBiltzak asteburu honetarako antolatutako ekintzak:

Laborantza Ekosoziala

Esplotaziorik eta kutsadurarik gabeko nekazaritza, euskaraz

Topaketak martxoaren 18an, larunbatez, Behorlegin, Baxe Nabarren

Goizeko hamarretatik gora landuko ditugun gaiak:
Laborantza Ekosoziala: buruaskitasuna eraikiz, hemen eta munduan langileak esplotatzen ez dituen eta planeta suntsitzen ez duen nekazaritza.

Laborantza Ekosozialaren tresnak ezagutzen: lurra lantzeko, ildoak irekitzeko, landatzeko, uzta egiteko, kimatzeko, txertatzeko…

Lur lanean gorputza malgutu eta indartu: beroketa eta luzaketa ariketak, gorputzaren kokapena lanean, arnasketa…

Laborantza Ekosozialaren hazien ekoizteko, Buruaskitasunerako Baratzeen Sarea eraikitzen: hazi eskaintza.

Tuberkuluak, elikagaiak egiteko eraldaketarik behar ez duten landareak: taro, Helianthus tuberosus, patata gozo eta lur-udare landaketak.

Laborantza Ekosozialaren abere hazkuntza.

Topaketen antolaketa:
Harrera bederatziak eta erdietan.

Bakoitzak ekarritako janariarekin bazkari partekatua. Bakoitzak ekarritako hondakin ez organikoak bakoitzak eramaiten ditu.

Bezperatik etor daiteke, Behorlegi Euskaledonian kanpatzeko tokia bada. Eguraldi txarra balitz, aterbean lo egiteko aukera bada. Izena eman herribiltza@riseup.net helbidean.

Hobe txakurrik ez ekartzea ; txakurrekin datozenen ardura da zaintzea eta beharrez lotzea.

Buruaskitasunari eta Buruaskitasunerako Baratzeei buruz xehetasun gehiagorendako: www.herribiltza.eus

Ongi etorri orori, eta bereziki lurra eskura ez dutenei!

Lehenik eta nagusiki euskaraz!

herriBiltza

Udaberriko festa

Kurdistan eta Euskal Herriaren arteko elkartasun eguna

Martxoaren 19an, igandez, Behorlegin, Baxe Nabarren

12:00 Kurdoen Konfederalismo Demokratikoaren eta herriBiltza Euskaldunon Biltzarren Elkargoaren arteko antzekotasunen aurkezpena. Kurdistango egoeraren aurkezpena.

13:00 “Jin, Jiyan, Azadi” tipularen ereitea, kurdoen eta euskaldunon arteko elkartasun hazia.

14:00 Herri Jantegia: Kurdoek prestatutako Bazkaria. Udaberriko sua.

Egunaren antolaketa:
Bazkarirako herribiltza@riseup.net helbidean martxoaren 18a aintzin izena eman.

Bezperatik etor daiteke, Behorlegi Euskaledonian kanpatzeko tokia bada. Eguraldi txarra balitz, aterbean lo egiteko aukera bada. Martxoaren 18a aintzin izena eman.

Hobe txakurrik ez ekartzea ; txakurrekin datozenen ardura da zaintzea eta beharrez lotzea.

Ongi etorri orori!

Lehenik eta nagusiki euskaraz!

herriBiltza