Lurra herriari deika

Eusten gaituen lurra ondasun kolektibo bilakatzeko, Amillubi

Helburu horrekin abiatu berri da Amillubi Lurra Taupaka proiektua, eta Biolur elkartea bertan murgildu da.

1

Asier Bastarrika Gorostiza

Okina eta aita. Basabizizalea. Aia

Gipuzkoan, Zestoako Iraeta auzoan dagoen Amillubi Txiki baserrian eta bere lurretan erein nahi dugu hazia. Urtez urte nekazal lurrak eta baserritarrak abiadura larrian galtzen ari garela ikusteak kezkatu egiten gaitu eta ekiteko garaia da. Horrexegatik, Amillubi baserria eta bere lurrak erostera goaz; zure, nire eta gure ondorengoen elikagaiak bermatu nahi baditugu, gelditzen diren lur emankorrak babestu behar ditugulako.

Herritarrek elikagaiak eta nekazariek lurrak izan ditzaten, elkarrengana batu garen mugimendu agroekologikoa gara eta lurra babestea dugu helburu.

Zergatik Amillubi?

  • Balio handiko lur eremua babesteko aukera erreala.
  • Erriberako lurrek duten ekoizpenerako gaitasunarekin elikadura estrategia garatzeko oso baliotsua (baratzea, fruta, lekaleak…).
  • Agroekologiako euskal erreferentzia (Hego-Lurzaindia) gunea sortzeko eta saretzeko baldintza bikainak dituen lekua.
  • Lehen sektoreko erreleboaren lanketarako baldintza paregabeak eta honekin lanpostuak sortzeko bidea.
  • Elikagaien ekoizpenean oinarrizko baliabide amankomunak lantzea eta proiektu kooperatiboak martxan jartzea (baratze mintegia, puntu logistikoa, formazioa eta ikerketa, makineria…)
  • Eusko Jaurlatziko Visesa enpresa publikoaren 26 hektareako nekazaritza lur eremuaren alboan.
  • Gipuzkoan kokapen geografiko ona (zentralitatea, mugikortasuna…).

Helburuak

1.HELBURUA: Gipuzkoako elikadura burujabetza estrategia iraunkor eta jasangarrirako nekazal ondasuna babestu eta elikagaien ekoizpen ekologikora bideratu.

2. HELBURUA: lehen sektoreko erreleboaren lanketarako baldintza duinak sortu eta honekin lanpostuak sortzeko proiektuak garatu.

Proiektuak:

  • Jendarteratzea eta dirubilketa.
  • Biolurreko ekoizleen lan-taldeen eskura ipini.
  • Lanpostuen sorrera.
  • Trebalekua eta jubilatuko diren ekoizle guztien ezagutza eta ondarea jasotzea.
  • Mintegi kolektiboa.
  • Merkaturatzerako gune logistikoa.
  • Makineriaren gune amankomunatua.
  • Nekazaritza ikusarazteko AMILLUBI Gelak programa sortzea.
  • Energia berriztagarrien eta basogintza iraunkorraren eremuan ikerketa.
  • Hego-Lurzaindia: egitura ekonomiko eta soziala sortzea, Amillubitik harago erabiltzen ez diren landa lurrak berreskuratzeko eta nekazaritza proiektuen esku jartzeko.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

Erantzun bat “Eusten gaituen lurra ondasun kolektibo bilakatzeko, Amillubi” bidalketan

  1. Egitasmo honi buruzko informazio gehiago edota aurrera eramaten lagundu nahi izanez gero: amillubi.eus weborrian aurkituko duzu

Utzi iruzkina, izen eta abizenez

Azken artikuluak