Topaketak
Goizeko hamarretatik gora landuko ditugun gaiak:
- Sareko kideen aurkezpena (15mn).
- Buruaskitasunerako Baratzeen lurrekin, jabetzan diren lurrak, jabetzan ez diren herri lurrak nola berriz bilakarazi? (30mn).
- Elikagaien eta sendabelarren ekoizpen Buruaskirako tresnak ezagutu eta Euskal Herrian Buruaskitasunean ekoiztea Bultza (ordu 1).
- Elikagaien eta sendabelarren ekoizpen Buruaskirako jakitateak truka: lur lanean gure gorputza malgutu eta indartu, baratzezaintza egin moldeak, hazien ereitea, bilketa eta atxikitzea… (3 ordu).
- Hazien elkar eskaintza (ordu 1).
Bazkaria:
Bakoitzak ekarritako janariarekin bazkari partekatua.
Topaketen antolaketa:
Topaketetan esku hartzeko, izena eman herribiltza@riseup.net helbidean.
Hobe txakurrik ez ekartzea ; txakurrekin datozenen ardura da zaintzea eta beharrez lotzea.
Bezperatik etor daiteke, Euskaledonian akanpatzeko tokia bada. Eguraldi txarra balitz, aterbean lo egiteko aukera bada.
Bakoitzak ekarritako hondakin ez organikoak bakoitzak eramaiten ditu.
Buruaskitasunerako Baratzeak
Elikadura eta Osasungintza Buruaskitasunerako Hazien Ekoizteko Euskal Herriko Baratzeen Sarea
Buruaskitasuna elikaduran eta osasungintzan eraikitzea:
- elikadura osasungarria bermatzen duten eta plazera eragiten duten elikagaiak hurbileko giza taldean ekoiztea da;
- gure buruak artatzeko sendabelarrak ekoiztea da;
- elikagaiak eta sendagaiak egiteko, eraldaketa errexenak behar dituzten landareen landaketak lehenestea da;
- garaian garaikoa jatea da, negutegirik behar ez duten barazkien landaketa garatuz, eta kontserbatzeko hozkailuen, hormagailuen eta esterilizazioaren erabilpena ttipituz;
- petrolioarekin edota elektrizitatearekin ekoizten eta ibiltzen diren tresnen eta makinen erabilpena gutxitzea da, eta tresnak Euskal Herrian Buruaskitasunean ekoiztea Bultzatzea da.
Ongi etorri sareko kide izan nahi duen orori, eta bereziki lurra eskura ez dutenei!
Landare bakar baten hazi ekoizpenarekin has daiteke!
Buruaskitasuna erein dezagun!
herriBiltza
