Urtemuga ekitaldia

Kaxildak konspiratzen dirau

Kaxildaren 10 urteak Arditurriko meategien 36ei gehituz gero kuadrilla ederra elkartuko dugu.

0

Dario Malventi

Kaxilda elkarte-liburudenda. Donostia

Kaxildak konspiratzen dirau.

Ez ditugu urteurrenak gustuko, beren ospaketa liturgiko eta klixe errepikakor horiekin. Baina aurki hamar urte beteko ditugu, eta hiri-fartsa honen estereotipoan jaustea ekiditeko hanka egitea erabaki dugu; basora goaz, makien gisara.

Gure asmoa zera da: konspiratzea!

Eta Kaxildaren 10 urteak Arditurriko meategien 36ei gehituz gero kuadrilla ederra elkartuko dugu, eta beharbada irauten jarraitzeko aitzakia on batzuk aurkitzeko gai ere izango gara.

Gure proposamena 12:00etan “Manifiesto conspiracionista” liburu anonimoaren aurkezpenarekin hastea da. Aurtengo urtarrilean argitaratu zuten Frantzian eta laster gaztelaniazko itzulpena edukiko dugu eskuragarri.

Konspiratzeko grin horretatik abiatuta, anonimo horietako batzuen partaidetza izango dugu manifestuaren orrialdeetatik gida gaitzaten; pandemiaren genealogia bat, errealitatearen bisturi bat…

14:30ean jarraituko dugu herri bazkari batekin (10€): gure partez datozenekin jada dezente gara, baina, ahal izanez gero, leku bat aurkitzen saiatuko gara. Gainontzekook liburuaren aurkezpenean parte hartzera gonbidatzen zaituztegu, eta lekurik geldituz gero, baita bazkaltzera ere.

Kotxeei dagokienez, aparkalekuan utzi ahalko dituzue, eta azken 200 metroak oinez igo.

Egun osoan zehar ogia, garagardoa, ardoa, txoriak, haizea, agian euria, edo eguzkia… izango ditugu, eta nola ez ba, musika: 18:00etan hasiko dira kontzertuak, eta, konspirazio hori suertatzen bada… dantzan jarraituko dugu.

Zain izango gaituzue,

Kaxilda

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Utzi iruzkina, izen eta abizenez

Azken artikuluak