Jaurlaritzak aldaketak egin ditu Energia Berriztagarrien Plan Sektorialean: ia edozein lurralde da orain eolikoetarako “egokia”

Energia Berriztagarrien Lurralde Plan Sektorialaren behin-behineko onarpen dokumentuaren planoetan zentral eolikoak egiteko lurraldeak duen ustezko “gaitasunari” buruz Eusko Jaurlaritzak eremu zabaletan aldaketak egiten dituelako SALAKETA

Kaixo.

Informazio honen bidez, Eusko Jaurlaritzak Energia Berriztagarrien Lurralde Plan Sektorialaren (LPS) behin-behineko onarpenaren dokumentuaren planoetan, lurraldeak zentral eolikoak hartzeko ustez duen “gaitasunari” dagokionean egin dituen aldaketak salatzen dira. Gaia garrantzitsua izan daiteke:

LPSak xedatzen duenez, planean hautatzen diren kokapenez gain, eskala handiko instalazio eolikoak ezarri ahal izango dira LPSaren planoetan gainerako lurraldean agertzen diren “gaitasun ertain eta altuko” eremuetan. Hau da, eskala handiko zentral eolikoak (5 airesorgailu edo gehiagokoak, nahiz 30 MW-ko potentzia edo gehiago dutenak) kokatzeko hautatzen dituen 27 eremuetatik kanpo eskala handiko instalazio eolikoak ere eraiki ahal izango direla xedatzen du “gaitasun ertain eta altuko”tzat jotzen dituen eremuetan. Eskala ertaineko instalazioei dagokienean (5 airesorgailu baino gutxiagokoak edota 30 MW-ko potentzia baino gutxiago dutenak), halaber, gainerako lurraldean eraiki ahal izango direla xedatzen du, “gaitasun oso baxuko” eremutzat jotzen dituen inguruetan izan ezik. “Horretarako — dio –, III Dokumentuko Planoetan islatzen den lurraldearen gaitasunaren graduaketa kontuan hartu beharko da“.

Bada, plano horietan hain zuzen, lurraldeak halako azpiegitura handiak hartzeko duen ustezko “gaitasunaren” goranzko aldaketak egin direla ikusten da hainbat eremu zabaletan: izan ere, informazio publikora atera zen hastapeneko onarpen dokumentuko planoetan “gaitasun baxuko” eta “gaitasun ertaineko” eremu gisa agertzen ziren inguru asko orain “gaitasun ertaineko” eta “gaitasun altuko” eremu gisa islatzen dira  LPSaren behin-behineko onarpenaren dokumentuko planoetan. 

Aldaketa horiek nola eta zein hedadurakoak diren erraz ikusteko, hainbat zonaldetan egindako aldaketak agertzen dituzten 21 plano atxikita doaz erakusgarri gisa (ikus behean atxikitako artxiboa: planoak). Zehazki esateko, bi plano atxiki dira zonalde bakoitzeko: lehena, informazio publikora atera zuten LPSaren planoa da, eta bigarrena, LPSaren behin-behineko onarpen dokumentuaren egungo planoa, non aldaketak jasan dituzten inguru zabalak nabarmenki marraztu diren: kolore gorriz zentral eolikoak egiteko lurraldearen ustezko “gaitasunaren” goranzko aldaketek eragindako eremuak seinalatu dira; eta kolore urdinez, berriz, ustezko gaitasun horren beheranzko aldaketak egin diren eremuak, halakoak urriagoak badira ere. Atxikitako planoak LPSan duten zenbakiarekin ekarri dira eta plano bakoitzean aldaketek eragindako udalerriak zein diren adierazten da. 

Aldaketa horiek modu irregularrean egin dituztela dirudi, ez baita horren inguruan inongo informaziorik, ez azalpenik eta ez justifikaziorik ematen, ez LPSaren behin-behineko onarpen dokumentuaren idatzizko txostenetan, eta ez Industria sailburuak 2024ko abenduaren 20an Energia Berriztagarrien LPSa behin-behinean onartzeko argitaratu zuen aginduarekin batera kaleraturiko “aldaketen anexoa” izenburuko zerrendan ere. 

Ez gaude aldaketa puntual baten aurrean, lurraldeko eremu zabalei eragiten dieten aldaketa multzo handi baten aurrean baizik. Hamarnaka dira aldaketa horiek eragindako udalerriak: azpian doan udalerrien zerrenda luzean, atxikitako 21 planoetan agertzen diren “goranzko” aldaketek eragindako udalerriak jasotzen dira. 

Aldaketak lurraldearen beste alde askotara ere hedatzen direnez, gai hau zonalde bakoitzean aztertzea komenigarria da. 

Aldaketa horiek erraz atzematen dira dira LPSaren hastapeneko onarpen dokumentuko planoak eta behin-behineko onarpen dokumentuko planoak alderatzen direnean (horretarako, ikus LPSaren dokumentazioan 1.2.4 zenbakia duen planoen sorta, “Planos de ordenación territorial. Zonificación energía eólica. Detalle zonificación conjunta energía eólica” izenburua duena). Plano horiek Energia Berriztagarrien LPSaren webgunean eskuragarri daude.

Udalerriak

HAUEK DIRA KALTETUKO LIRATEKEEN UDALERRIAK, behean atxiki ditugun 21 planoetan jasotako aldaketen ondorioz:

Abanto-Zierbana (15. orrialdea)

Aia (24.-26.-29. orrialdeak)

Aizarnazabal (24. orr.)

Alkiza (29.-47. orr.)

Antzuola (43.-44.-45. orr.)

Aramaio (Oleta) (42. orr.)

Arraia-Maeztu (77. orr.)

Artzentales (15. orr.)

Asteasu (29. orr.)

Ataun (62. orr.)

Aulesti (23. orr.)

Azkoitia (25.-26.-43.-44. orr.)

Azpeitia (44. orr.)

Bakio (4. orr.)

Barakaldo (15. orr.)

Barrika (3. orr.)

Beasain (44.-46.-47. orr.)

Beizama (26.-44.-47. orr.)

Berastegi (48. orr.)

Bergara (25.-26.-43. orr.)

Bermeo (4. orr.)

Bernedo (77. orr.)

Berriz (22. orr.)

Bidania-Goiatz (29.-44.-47. orr.)

Deba (23.-24.-25.-26. orr.)

Donemiliaga (62. orr.)

Durango (22. orr.)

Ea (7. orr.)

Eibar (25. orr.)

Eldua (Berastegi) (30.-47. orr.)

Elduain (30.-48. orr.)

Elgoibar (23.-25.-26.-43. orr.)

Elorrio (42.-43.-45. orr.)

Ereño (7. orr.)

Errezil (26.-29.-47. orr.)

Eskoriatza (42.-45. orr.)

Etxebarria (23.-25. orr.)

Ezkio-Itsaso (44. orr.)

Galdames (15. orr.)

Gaztelu (47.-48. orr.)

Gipuzkoako Partzuergo Txikia (62. orr.)

Gizaburuaga (7. orr.)

Gorliz (1.-3. orr.)

Gueñes (15. orr.)

Harana (77. orr.)

Hernani (Ereinotzu/Pagoaga) (30.-48. orr.)

Ibarra (29.-47. orr.)

Idiazabal (62. orr.)

Irun (31. orr.)

Irura (29.-47. orr.)

Ispaster (7. orr.)

Itsasondo (44.-47. orr.)

Laukiz (3. orr.)

Legazpi (43.-44.-45.-46.-62. orr.)

Legutio (42. orr.)

Leintz-Gatzaga (42. orr.)

Lekeitio (7. orr.)

Lemoiz (1.-3.-4. orr.)

Loiu (3. orr.)

Kanpezu (77. orr.)

Markina-Xemein (23.-25. orr.)

Maruri-Jatabe (1.-3.-4. orr.)

Mendaro (23.-24.-25.-26. orr.)

Mendexa (23. orr.)

Mungia (4. orr.)

Munitibar-Arbatzegi-Gerrikaitz (22. orr.)

Muskiz (15. orr.)

Mutriku (23. orr.)

Nabarniz (7. orr.)

Oiartzun (31. orr.)

Oñati (45. orr.)

Ortuella (15. orr.)

Plentzia (1.-3. orr.)

Sopuerta (15. orr.)

Soraluze (25.-43. orr.)

Tolosa (29.-30.-47.-48. orr.)

Trapagaran (15. orr.)

Urduliz (3. orr.)

Urnieta (30. orr.)

Usurbil (29. orr.)

Villabona (29.-30.-47.-48. orr.)

Zeanuri (42. orr.)

Zegama (62. orr.)

Zestoa (24.-26. orr.)

Ziortza-Bolibar (22. orr.)

Zizurkil (29. orr.)

Zornotza (22. orr.)

Zumarraga (44. orr.)

Planoak

HEMEN PLANOAK deskargagarri:

Agur!

Mikel (Tlfnoa: 695715510)