Klase kontzientzia haundia dago Frantzian; sarri azaltzen da kalean; orain, boto-kutxetan azaldu.
Berrogei urte bederen badaramazki ezkerrak laneko jendea abandonatzen
Aberatsen klase kontzientziak, boto-kutxetan, inoiz gaullistengan, inoiz sozialistengan, aspaldietan Macronengan espresioa izan badu, langileen klase kontzientzia, boto-kutxetan, joan den igandeko hauteskundeetan, RNri edo FPri botoa emanez azaldu da.
Nire ustez RNk, bigarren itzulian aurrera egiten badu, botoa eman dioten langileak abandonatu egingo ditu.
Nire ustez, FPk ere abandonatu egingo ditu berari botoa emaniko langileak. Berrogei urte bederen badaramazki ezkerrak laneko jendea abandonatzen.
Errazegi hitz egiten da faxismoaz eta muturreko eskuinaz. Errazegi demokraziaz
Errazegi hitz egiten da faxismoaz eta muturreko eskuinaz. Errazegi demokraziaz. Inoiz gutxitan, nik aditzera, hitz egiten da herriaren abandonoaz, abandono horren ezaugarriez eta abandono horren ondorioez.
Bero dira gauzak. Ez nabil oso politikarien jokoari begira. Nahi nukeen eta (gillets jaunes deitu liteke, baina) oraingoz izenik ez duenari begira nabil. Aberatsen aurkako borrokan, RNri zein FPri botoa eman dieten eta botorik eman ez duten milioika herritar (orain ezina den) ibaian-elkartzeaz soilik gerta litekeena.
Latza aipatzen duzun abandonoa.
Abandonoari lapurreta gehituko nioke, herri mugimenduak profesionalek kolonizatu dituzte eraginkortasunen izenean, ideiez, pentsulariz eta diruz erosi ere.Eta aingeruen sexuan katramilatuz ahal bezain beste atomizatu, elkar zatitu eta Babelgo dorre labirintikoan bahitu.
Agian Herriak ez du behar nork salbatu eta nork zaindu, baina zein da herria, non dago?
Duela urte batzuk argi zegoen Maltzagako bidegurutzea, Bergaratik joanez gero, eskumara Elgoibar eta ezkerrera Eibar, joan orain ea nork ulertzen duen korapiloa.
Ezkerra eta eskuina bere buruaz abandonaturik diren gizakien zeru eta inpernu jokoa da. Beldurrez eta fedez osatzen dena…. Helburua inoiz ez dago hemen, beti beste mundu baten.
Nouveau Front Populaire, programako puntua:
“Continuer à livrer des armes à l’Ukraine: le Nouveau Front populaire appelle à “défendre indéfectiblement la souveraineté et la liberté du peuple ukrainien ainsi que l’intégrité de ses frontières”, via la livraison d’armes “nécessaires”, l’annulation de sa dette extérieure, la saisie des avoirs des oligarques “qui contribuent à l’effort de guerre russe” et l’envoi de casques bleus pour sécuriser les centrales nucléaires”.
https://www.bfmtv.com/politique/elections/legislatives/elections-legislatives-2024-le-programme-du-nouveau-front-populaire-l-alliance-de-gauche_AV-202406270029.html#6p88m
Fronte Popular Berria:
“Ukrainari armak ematen jarraitzea: Fronte Popular Berriak dei egiten du “Ukrainiako herriaren subiranotasuna eta askatasuna ezinbestez defendatzera, eta baita bere mugen integritatea ere”, “beharrezko” dituen armak entregatuz; eta bere kanpo zorra ezabatzea; eta «Errusiar gerra-esfortzuari laguntzen dioten» oligarken ondasunak bahitzea, eta kasko urdinak zentral nuklearrak zaintzera bidaltzea”.
EH Bai ere hor dago. Beharbada ez zuen beste aukerarik, jokoz kanpo geratu nahi ez bazuen. Baina galdera batzuk ere egin daitezke: ez al gaude ba autodeterminazio eskubidearen alde? Espainia eta Frantziak ere eskubidea al dute “bere mugen integritatea” defendatzeko? Ez al zuten ba Ukrainiako eskualde errusofonoek autodeterminazio erreferendumean Errusiaren parte izatea bozkatu? Ukrainari armak ematen jarraitzea aldarrikatu behar al du ezkerrak, NATOk bezalaxe? Kasko urdinak bidali zentral nuklearren segurtasuna bermatzeko, noiz eta ukrainarrak direnean bonbardatzaileak?
NATO frontea.
Fascismoaren aurkako frontea.
Polizia españarra herri mugimenduetan infriltaturik,bikote harremanak izaten. Ezagun dugun barne ministerioan dagoen psikopatak gidatua.
Hauek ere antifaszistak eta demokratak.
Asmatzen hasi behar dugu, erreferentzi gabe gabiltza eta.