“Gustatuko litzaidake txertoak kaltetutako beste pertsonekin harremanetan jartzea. Ez dut uste bakarra naizenik”, adierazi du Zubiaurrek. Izan ere, Osasun publikoko hainbat langilek esana dio bere kasua ez dela bakarra, orain ari direla ondorioak ikusten. “Baina dena ahoz esaten didate, momentu oso puntualetan, gero isilik egoten dira… Oso berria da gaia, farmakobijilantzia hitza ere oraintxe ezagutu dut!”.
Gustatuko litzaidake txertoak kaltetutako beste pertsonekin harremanetan jartzea.
Berria da gaia eta azaldu du egoera horretan dagoen pertsonak ere bere denbora behar duela gertatzen ari zaiona onartzen eta plazaratzen: “Uste dut beldur puntu bat ere badaukagula. Ez naiz ezer txarra egiten ari, ni ari naiz ondorioak jasaten, eta ematen du esplikazioak eta justifikazioak nik eman behar ditudala”.
Behar den denbora hartuta, baina aurrera begira beharrezko ikusten du antzeko egoeran dauden pertsonak elkartzea eta erantzukizunak eskatzea: “Uste dut farmakobijilantziak bere erantzukizuna hartu beharko lukeela. Nork hartzen du ni horrela egotearen erantzukizuna? Hori lotu beharko dugu nolabait, ezta?”.
Irakurri duzuna estreinakoz Argian 2022ko otsailaren 20an argitaratutakoaren atal bat da.
