Lagunok,
Ostegun honetan (hau da, etzi) arratsaldeko 19:00etan emango da “Puzzleak, Bortxaketaren Jauregia” film laburra Donostiako Antigua auzoko Lugaritz Kultur Etxeko Imanol Larzabal Aretoan.
“Puzzleak, Bortxaketaren Jauregia” emanaldia
2024 irailak 19 • 19:00
Imanol Larzabal Aretoa (Lugaritz) (Antigua, Donostia)
Hizkuntza: euskara
Azpitituluak: gaztelania
15 minutu + solasaldia
Eriz Alberdik eta biok aurkeztuko dugu, biok izanik 2018an sortu genuen Kote Cabezudoren Biktimontzat Justizia! aldarrikatzen zuen aktore, zinegile, biktimen lagun eta mota guztietako herritarrak bildu zituen plataformako kide. Plataforma sortu genuen Kote Cabezudo erasotzailea libre zebilela, eta bere kasua hedabideetan isildua zenean.
Aurkezpen laburraren ondoren, 15 minutu irauten dituen «Puzzleak, Bortxaketaren Jauregia» izeneko film laburraren emanaldia izango da. Film laburra Malagako zinemaldian estreinatu zen eta geroztik ibilbide oparoa egiten ari da. Alacanteko Sax herriko nazioarteko zinemaldian dokumental onenaren saria jaso du berriki.
Film laburrak Aneren benetako istorioa kontatzen du, filmaren atzean anonimotasunean geratzea erabaki duen egileetako batena.
Sinopsia
Interneten bere gaztetako irudi biluzia dabilela ikustean, Anek berreraiki egin behar ditu bere bizitzako unerik gogorrenak, burutik erabat ezabatuta zituenak. Arazoari aurre egitera behartuta, bere irudia grabatu zuen gizona ikertuko du, Donostian oso ezaguna den argazkilaria, deskubrituz bera babesteko sare oso bat, oso boteretsua. Bere kontrako salaketak ate atzean botata, kasua publiko egitea besterik ez zaio geratuko Aneri.
Emanaldiaren ondoren solasaldi irekia bideratuko dugu Eriz eta bion artean, nahi duenak dituenak esateko.
Sarrera librea izango da aretoa bete arte.
Emanaldiaren argitalpena:
https://www.donostiakultura.eus/eu/lugaritz/zer-berri/agenda/puzzleak-bortxaketaren-jauregia-lug-eusk
Zorionak Kote!! Lan ederra ta beharrezkoa!!