Niri gauza garrantzitsuak, funtsezkoak nabarmentzea gustatzen zait hitzaldi luzeak ematea baino gehiago. Gaurkoan euskal munduari buruzko bi kontu azpimarratu nahi ditut.
Batetik, euskal gizartea eta euskara, guk daramagun lekukoa euskara baita. Gizabidezko jokabide batean egotea eta aritzea da espiritualtasuna. Bide horrek zuzentzen ditu gure beste bide guztiak; horrek ekartzen ditu gertatzen zaizkigun gauzak. Etorkizuna horrekin ari gara zabaltzen.
Espiritualtasun hori oso galduta dugula iruditzen zait. Alegia, pentsatu ohi dugu espiritualtasuna eta jasotzen ditugun emaitzak ez daudela elkarlotuta. Baina, nire ustez, badaude. Horretaz norberak ohartu behar du eta sakondu behar du. Euskal gizarte egoki bat izango dugu ingurukoen lagun garenean. Haiek nahi dutena esan dezakete; baina geu, beraien lagun.
Bestetik, eta aurrekoarekin lotuta: euskal mundua ezagutu nahi baldin badugu eta euskara hain maite baldin badugu, ezagutzen al dugu Discursos de la antigüedad de la lengua cántabra-vascongada liburua, 1607. urtean Mexikon argitaratutakoa? Liburu horretan garai hartako euskadun batzuek erakusten dute jabetzen zirela euskararen izaeraz. Liburu hori euskarak berak idatziko balu bezala idatzitakoa da.
Bukaeran, argi dio liburu horrek: euskarak erakusten du norbere semea, arerioa izan arren, maitatzen. Euskal gizabidea hori da. Hori galtzen doan neurrian, euskara bera ere galdu egingo da, horrek gordetzen baitu bere benetakotasuna.
Bi kontu horietan saiatu beharrean gaude, beraz.
Itsasoa leku guztietan berdina da. Eguzkia ere, alde guztietan, bera da. Jakin egin behar non ipini, gozo egoteko.
Ea noizbait elkarlanean hasten garen, zerbaiten aurka elkarturik egon beharrean.
Gaur Aieten bakearen alde elkartuko gara
Eskerrik asko, Pako, liburu hori irakurtzeko interesa pizteagatik.
Arerioa maitatzen, nik uste, gure irakasle onena dela ohartzen garenean hasten garela esango nikek. Berdin gertatzen dek euskerarekin, gure irakasle onena gure hizkuntza bera dela ohartzen garenean hasten gaituk maitatzen. Baina konklusio horietara iristeko urte batzuk pasa beharra ziok bizimodu hontan. Eskerrikasko Pako!!
Jakitekoa da bideoa gabonak baino lehen egindakoa dela. Eta artikulo hau prestaturik zela……. Gerraren aurkakoen artian irtenik, gerra gehiago sortu ez daigun!!!
Etimologia piskat: PAKE …BAKEA….BAGE….Gure egungo GABE. Zer gabe?…. Gerrarik BAGE!!!
Gazteleran PACEs….. Z/C aldaketak.
Eskerrik asko Pako!
Iepa Pako. Asko gustatu zaidak hire hausnarketa, ta bapatean gure gurasoak, batipat gure aitarekin gogoratu nauk. Izugarri langilea (8 seme-alaba), etxeko sukaldea beti irekia, arraultz pare bat, sagardoa, gazta pusketa…zelaiari pusketa kendu behar bazitzaion kamiñoa eiteko, eskuzabala, lana ondo egiten saiatzearen poztasune, hitzekoa… munduan zehar horrela ikusiak izan gaituk euskaldunak betidanik, baina etzekiat norabidea ez ote den okertu…