Gabiltza

Communard(e)s-en Lagunak

2021eko martxoaren 18aren eta maiatzaren 28aren artean burutu nahi ditugun ekintza batzu. Pariseko Komuna: erakusketa, hitzaldia, filmak, liburuak. Karrika eta plazen izenak. Errepresioa. Elgarretaratzeak.

6

Gorka Roca Torre

Lur langilea. Behorlegi

GABILTZA-k (ikus azpian aurkezpena) Communard(e)s-en Lagunak elkartea sortu dugu.

Communard(e)s-en Lagunen helburua, 1871-ko Pariseko eta beste hiri batzuetako Komuna ezagutaraztea da, baita onesten ditugun Communard(e)s-en ideien eta ekintzen ildotik jardutea ere.

Horra 2021eko martxoaren 18aren eta maiatzaren 28aren artean burutu nahi ditugun ekintza batzu:

  • 2021eko martxoaren 18an, Pariseko Komunaren sortzearen 150 garren urteurrena ospatu.
  • Komuna ezagutarazi:
    • Erakusketa batekin.
    • L’association des Amies et amis de la Commune de Paris elkartearen hitzaldi batekin.
    • Liburu batzuekin: adibidez, Histoire de la Commune de 1871, Prosper-Olivier Lissagaray.
    • Filma batzuekin:
la Commune de Paris / Karambolage – ARTE
La commune de Paris 1871 / Corbeau Piaf
  • Donapaleuko, Baionako eta Donibane Lohitzuneko Thiers karriken izenak kendu eta Commune de 1871 izena ezarri.
  • Euskal Herriko beste karrika edo plaza batzu Commune de 1871 izendatu, 1999an Pariseko 13 garren auzoko plaza bat Place de la Commune de Paris izendatu zuten bezala.
  • Parisera joan, karriketan ibiliz egun iraultzaileen gertakariak tokian berean aipatzeko.
  • Errepresioa pairatu zuten Communard(e)s-ak omendu eta bereziki Communard(e)s euskaldunak.
  • 2021-eko maiatzaren 28an elgarretaratzeak antolatu, Komunaren bukaera eragin zuen sarraskia salatzeko.

Communard(e)s-en Lagunekin lan egin nahi duen oro gurekin harremanetan sartzea gomitatzen dugu : [email protected]

GABILTZA, hau da Garazi Aldeko BILTZArra, gure eta besteen biziei,
beharrei, nahiei, pozei, bihozminei, arazoei, aterabideei eta
aldarrikapenei buruzko eztabaidak egiteko biltzarra da, bai eta ekintza
politiko, poetiko, ekologiko, sozial, kultural eta ekonomikoak sortzeko
biltzarra ere. Autogestio kolektiboa gauzatzeko bitartekoa da.
Interesatua den pertsona orori irekia da.

GABILTZA, 2021.01.12

6 erantzun “Communard(e)s-en Lagunak” bidalketan

  1. “Nora zoaz euskal semea? Arma hori eskutan… Harmen hartzera deitzen naute frantsen aldera.
    Bere ama agurtu du Etxolako aterian, bere amak bisitatuko du atzerriko hilobian.”
    Betiko leloa, ez dugu ikasten.
    Gure kaleen izenak erreferentzia inperialistekin apaintzea besterik ez zitzaigun falta.

  2. Idatzi aurretik pentsatu, pentsatu aurretik sentitu, sentitu aurretik bizi, eta abar luze bat. Odlok, Komunek zer diteNK ikustekorik inperialismoarekin? Eta Gorkaren abestiarena lehen mundu gerrara Frantziaren alde joandakoena duNK nik dakidala behintzat… zerikusirik ez komunen aldeko borrokarekin. Frantsesez mintzo duNan dena ez duNK gure etsaia, ez orain eta ez gero. Ondo izan!!
    https://eu.wikipedia.org/wiki/Azken_agurraren_negarra

  3. Beno, neu ere deskuidatuta nengoen abestiaren nondik norakoarekin. Inor ez duNK ez perfektu, ez profeta eta ez prefeta komuna batetan behintzat, kar kar. Aio pelaio!!

  4. Osasunari, ez zenekien nondik zetorren abesti hori? Nik bai.
    Bariduri batzuk tematua daudela -ez fede txarrez, baizik eta beren histori propioa ez dutelako nahiko aztertzen- beti gure herrialdearen berezko ekarpen oroi itxita egoten jarraitzera, baino nazio nagusiaren “gure aliatuen” infiltrazio eta barneratze ideologiko orori irekita, Estatu inperialista ordezkatuta.
    Errespetagarria eta aztertzeko modukoa iruditzen zait gizarteak ulertzeko eta antolatzeko moduan, egungo aginte-egiturek ezartzen digutenaz bestelako eta kanpoko herri-aurrerapenak adierazten dituen ekarpen oro.
    Nire ustez ezin dela inola ere jardun propioaren ardatz nagusi giza ezarri, kolonizatuaren sindromean erortzea litzateke.
    Ez dezagun ahaztu, alde batetik, nazio horren eta ordezkatzen duen Estatuaren kolonia garela. Eta bestetik, Auzolan, Auzokrazia eta nabar zuzenbidearen oinordekoak garela, baskoi edo pirinar zuzenbidea ere deitua. “Les communards” eman zezaketena -bere herriarentzat gurea ez dena- mende batzuk lehenago aplikatzen genuen hemen. Ez dugu zentzu hortan ezer inportatu behar, esportatu baizik.

  5. 1871ko Pariseko Komuna frantses inperialismoaren aurka.
    Bat nator Odlorekin Frantses inperialismoaren aurka. Pariseko 1871ko Komuna frantses inperialismoaren aurka zen ere, errotik. Horren froga argia: frantses inperialismoa sinbolizatzen duen Pariseko Vendôme plazako zutabe erraldoia apirilaren 16an lurrera bota zuten.

Utzi iruzkina

Azken artikuluak