Itzultzailearen oharra: Orain bazter guztietan datuak metatzen ari garela, komeni da gogoratzea, munduko bazter guztietan bezalaxe, gurean ere ez dela falta mekanismo ilun horretan diharduen ziber-sikariorik. Gurean honezkero identifikatua dugu baten bat —lehengusu gorrotozale ezagun hori, batik bat—. Interes ezberdinengatik, izan beren posizioa bermatzeko, izan dena delakoagatik, argi dagoena da herri xumearen adierazpena suntsitzeko mekanismo hau erabiltzen dutela bortizki eta ezkutuan, Estatuaren eta botere kapitalista eta zapaltzailearen mesedetan, eta batez ere kontuan hartzeko: oso era eraginkorrean. Independentea baino hedabide ezagunagoetan ere, Euskal Herrian, bai, badira egoera hau bide pribatuetatik jakinarazten diguten idazle eta kazetari profesionalak, mehatxu handiaren menpe dabiltzanak, lerrotik ezin atera. Adieraztera ausartzen direna beti izaten da muga gainditu gabekoa, hau da, gorroto arma latz horiek uzten dieten mugen arteko eremukoa, oso tarte estua izan daitekeena. Edo nulua, herriarentzat bereziki estrategikoak liratekeen gaietan. Batzuk tamalez ondoegi ohartu gara egoeraz, eta horretaz oso gutxi hitz egiten dela iruditzen zaigu, gutxiegi gure egunerokoan duen erabateko eraginerako. Egoera horri aurre egin nahian sortu genuen Independentea eta, hasteko, arma hauen mekanismoak ulertzeko behintzat balio izan digu, ez da gutxi. Zauriak oraindik irekiak ditugula, gainera berriz erasotuak izateko kezkarekin, oraindik ere gaiari eutsi nahi diogu, oraindik ahal dugulako. Merezi duelako, ondoren dakarkizuegu Kubako gobernuak arazo latz honi buruz argitaratutako artikulua, 2021-05-11n —hain zuzen ziber-jazarpenagatik Independentea.eus sasoi batez itxi behar izan genuenekoa— Raul Antonio Capote idazleak sinatua: “La CIA y el odio como arma en las redes sociales”
Raul Antonio Capote
CIA eta gorrotoa arma bezala sare sozialetan
Informazioa Big Dataren bidez lortzen da lan subertsiboetan erabiltzeko, bereziki mikro-segmentazioaren bidez, ahalbidetzen duena auzo, familia eta pertsona bakoitzaren kezkak esplotatzea.
CIAren edo Amerikako Estatu Batuetako Central Intelligence Agency-ren Jarduera Berezietarako sailak Ekintza Politikorako Talde bat dauka (PAG), eta horrek egiten ditu, beste misio batzuen artean, Big Datan oinarritutako analisiak, intereseko subjektuen profilak prozesatuz eta Interneteko Lan Taldeari bidaltzen dizkion ekintza planak landuz; talde hori arduratzen da obra gauzatzeaz.
Informazioa Big Dataren bidez lortzen da eta lan subertsiboetarako erabil daiteke, horrela lortuz indarrak hobeto antolatuta eta mobilizatuta egotea helburu zehatz bat betetzeko eta, bereziki, publikoaren mikrosegmentazioaren bidez, esplotatu egin daitezke auzo, familia eta pertsona bakoitzaren kezkak, modu partikular eta espezifikoan.
Etsaiaren analistek jendearen azpi-ezaugarriak aurreikusteko ereduak eraiki ditzakete, besteak beste, joera politikoak, sexualak, ingurukoengan duzun konfiantza maila, harremanen sendotasuna… Hau guztia erabiltzaileok sareetan ematen dugun informazioari esker.
2018ko otsailean, Donald Trumpen aginduz, Kubarako Internet Lantaldea edo Kubako Subertsiorako Internet Lantaldea deiturikoa sortu zen, CIAren menpe.
Lantalde horrek kontratatzen ditu Kubaren aurkako kanpainak sustatzeko netcenter deiturikoak, hamarnaka ziber-hiltzaile biltzen dituzten adituak kontratatuz. Beren beste lan batzuk dira, besteak beste, plataforma eta hedabide kontrairaultzaileen koordinazioa eta irlan laguntzaileak bilatzea.
Badira benetako mertzenarioak, pertsonen aurkako difamazio eta suntsitzeak burutzeko kontratatuak. Horregatik esaten zaie ziber-hiltzaile
Ziberespazioan bada beste izaki zeken beldurgarri bat: gorrotatzailea (ingelesez “hater“). Sare sozialetan beste batzuen jazarpena burutzen duenaren izena da. Gorrotatzaileek jendearen ezaugarri fisiko, sexual, arrazial, erlijioso edo ideologikoak erabiliz jazartzen dute, jazarrien beldur, ahulgune eta minez baliatuta. Baten batzuek denbora pasatzeko egiten dute, beste batzuek bekaitz edo ezinikusi hutsarengatik, baina tartean badira benetako mertzenarioak, pertsonen aurkako difamazio eta suntsitzeak burutzeko kontratatuak. Horregatik esaten zaie ziber-hiltzaile.
Pertsonaien ospe erailketa, edo erailketa zibila deiturikoa, inteligentzia agentziek inperioaren etsaiak suntsitzeko erabilitako armetako bat da.
Helburua da biktima behartzea bere burua publikoki justifikatzera eta autozentsuratzera
Ziber-hiltzaileek erasoaren subjektuak babesik gabe sentitzea bilatzen dute, egoeraren kontrolik gabe; biktimak beren buruaren alferrikako defentsan agortzea; eta, batzuetan, jazarlearengandik ahalik eta gehien urruntzeko, bakartzea. Helburua da biktima behartzea bere burua publikoki justifikatzera eta autozentsuratzera, eta horrek ez ditu nahitaez erasoak amaitzen; kontrara, gorakada bat ere eragin dezake.
Sarri, jazarriari mezu iraingarriak, laidozkoak eta oso beldurgarriak bidaltzen dizkiote, baita kalte-mehatxuak ere, jazarriari bere segurtasunarekiko beldurra eraginez; inoren izen ona zapuzteko zurrumurruak zabaltzen dituzte; material digitalak, argazkiak, grabatutako elkarrizketak, mezu elektronikoak manipulatzen dituzte; nortasuna ordezkatzeko pasahitzak lapurtzen dituzte; biktimei buruzko albiste faltsuak eta “esamesa” krudelak zabaldu; eta estortsio ekonomikoa egiten saiatzen dira… Ez dago muga etikorik CIAren mertzenarioentzat.
Erasoetan ehunka troll, sikario digital eta ziber-mertzenariok hartzen dute parte, denak CIAk trebatuak eta ordainduak
Jazarle antolatuek ekintza zibernetikoan elkarlanean parte hartzen dutenean, mobbing esaten zaio. Hori Kubako internauten aurka erabiltzen da, batez ere figura publikoen aurka. Task Forcerentzat lanean diharduten Estatu Batuen gerra psikologikorako laborategietan planifikatu eta programatutako erasoetan ehunka troll, sikario digital eta ziber-mertzenariok hartzen dute parte, denak CIAk trebatuak eta ordainduak.
Lider iraultzaile, kazetari, artista, musikari eta herrialdeko bizitza sozial, kultural eta politikoko hainbat arlotako pertsona ezagunek jasan dituzte eraso gogorrak.
Sare sozialetan, ordaintzaileen ekintza edo ideiei aurka egiten dien inork ez dio ihes egiten soldatapeko gorrotatzaileen amorruari. Horretarako, CIAren kutxa erregistratzaileak ez du mugarik, ezta bere mertzenarioen maltzurkeriak zein krudelkeriak ere.
Itzulpena: Kote
Zoritxarrez, konspirazioak ikusten dituztenen uste-izate gehienak baieztatu egiten dira.
Hauxe larrienetakoa. Eskerrik asko, Kote, gogorarazteagatik.
Gorrotozaleak badirela jakin eta, nola haiengandik babestu eta nola kontra egin, kontu egin behar dugu.
Halako batean, nor diren, jakin ahalko dugu?
Ibiliz, azkenean ezagutu egiten dira, esango nuke. Halako batean, hauen itxura arduratsu, zintzo eta jatorrararen atzean ezkutatzen duten ziber-matoi jarduera destapatu egiten dute. Nik uste garrantzitsua dela ziber-matoi hauen mekanismoa ondo ezagutzea, ez harrapatzeko erabat oharkabean, desegin zaitzaketelako. Gauza da noiz, zer egin horrekin. Bestela, konturatzerako ere, jada kaltea eginda. Eta jakinda ere nortzuk diren, gero zer.
Hemen, konkretuki, elitea “Epidemia” edo “Pandemia”
hitzarekin baliatu zen bertsio bakarra, zentsura ta buru-garbiketa ezartzeko.
Lehenik, nola ez ba, gezur pila bat: Davox-ko eliteak iragarri zigun “pandemia” bat gertatuko zela, fijo. (Nola zekiten ba?)
Gero, egia ezkutatzeko gezurren zerrenda: Wuhanen (China) gertatuko zela Maryland (USA)tik urrun, marisko eta pangolinoen merkatu batean.
Egiaz, Marylandeko mikrobiologiako zentro militar batetik ihes egin zuen “bitxoak”
Ondoren, OME lerrokatu zen gezurretara eta negoziora: sasi-txertoak eta abar. Eta azkenez, Errusiak txerto bat atera ebanean (SPUTNIK), eta merkaturatu, atera daitezela gureak, dauden-daudenean (Moderna, …)
Beraz, osasuna zaintzea…
gutxienekoa izan zan. Printzipala, negozioa.
Eta kolorin kolorado… elite korporatibo mikrobiologikoak topera aberastu zirela… harritzen?
Josu, hitzik onena horretarako bagenian eta “izurritea” zioken dudik gabe, gutxiegi erabili geniana portzierto. Elexpuruk eta besteren batek, eta ya. Zeren beste guztia duk horixe, burujana; hori zioken hain zuzen “bitxo” famatua, besterik gabe. Edo “birus neuronala” Euskadiko Biologoen Dekanoa dioenez.
Eta berriro Pablorenga bueltatuz, pozten nauk hiri ere behintzat artikuluaren gai horrek iruditzeak jorratu beharreko gai larrienetakoa. Esan duken moduan, gorrotozaleak badirela jakin eta, nola haiengandik babestu eta nola kontra egin, kontu egin behar dugu.
Hemen Euskadi sari bat eman diote Knorreri egin zion ” haterrari”
Ziber-hiltzaile eta haterren jarduna larria bada, begitan hartu duten pertsona suntsitu dezaketelako, hainbat larriagoa da hater horiek “iritzi publikoa” sortzeko duten gaitasuna; hau da, gure hurbilekoen usteak erabat okerrak, pozoituak eta baldintzatuak izatea eragiten dute, eta horrek kaltea “sozializatu” egiten du, zabaldu, hedatu; biktima zuzena kondenatzearekin batera, kaltetuak ugaritzen ditu, eta ez dakigu noraino. Hori da nire iritzia.
Hori da hain zuzen, Ihintza, lortzen dutena, bai. Eraginkorrak direla esaten nuenean horretaz ari nintzen: “iritzi publiko” bat edo iritzi publiko baten itxura bat eraikitzen, kazetariek eta gizarteak bi aldiz pentsatu gabe irensten dutena eta horren arabera gero jokatzen du jendeak osotasun moduko batean. Programatu egiten dute jendea gai ezberdinen inguruan. Gaiaz benetan zeozer dakitenek hobe dute ixiltzea, edo badakite zer gertatuko zaien. Horra Bidaurrazagak ekarri duen adibidea, zer gertatu zitzaion Henrike Knörr hizkuntzalariaren kasua. Horretaz idatzi zuen aspaldi Roslyn Frank Iowako gaztelerazko hizkuntzalari emeritoak, euskalduna ere badenak, eta berak gai honi buruz inoiz irakurri dudan modurik argienean azaltzen du, jende hori, Joaquín Gorrochategui eta Joseba Lakarra, ez bakarrik sikopata hutsak direla, hori pixkat begiratuta somatzen da, baizik eta benetan “asesino” hitza ere erabiltzen du, eta oso modu zehatzean erakusten du nola. Mekanismo zibernetiko hiper-perbertsoa azaltzen du, edozein pertsona geldiarazi eta eraman dezakeena ixiltzera eta anulatzera (Eliseo Gil, kasu), edo hiltzera (Henrike Knörr).
Bilatu dut aipatutako ikerketa, Roslyn Frankek idatzia 2013. urtean. 11 urte geroago agian orain badago hemen Independentean irakurleren bat gehiago hau irakurtzeko gogoz, zati batzuk astunak egin daitezken, baina orohar, txundigarria: https://www.academia.edu/68881903
Eta norbaitek ezin badu bertatik irakurri, eskatu dezake PDF kopbia bat info@independentea.eus helbidera idatziz. “Rastreando huellas detrás de un enigma: Las misteriosas andanzas mediáticas del email del Dr. Henrike Knörr sobre los grafitos de Iruña-Veleia” deitzen da eta gazteleraz da.
Beraz Pablo, hor badaude izen batzuk, iruzkinean galdetzen zenula ea inoiz ezagutuko genituen erasotzaileak, ba hor gure gizarteak “aditutzat” dituen bi ziber-jazarleren izen potolo, Joaquin Gorrotxategi eta Joseba Lakarra, eta beraien posizioak bermatzeko erabiltzen duten mekanismoaren goitiberako azalpen zehatza, paper horretan azalduta, aztertuz haiek landu eta zabaldutako ehunka ziber-jazarpen mezu latz eta zenbait email manipulatu, Eliseo eta Henrikeren kontra. Seguraski zu ere biktima izango zinen, gehienok momentu baten edo bestean izan ginen bezela, geure buruetan oharkabean garatu genituen Iruña-Veleia kasuaren inguruko ideia okerrak.
Halaber, Independenteko irakurleak ongi dakienez, deskribapen osoa aplikatu ahal zaie Galder Gonzalezi, kobid hildako grafika horien aditua, eta Luistxo Fernandez, nahiz eta hauen ehunka mezuak ez dituen inork bildu ikerketarik lantzeko.
Hori da, eta Kotek azkena aipatu dituenek eragindakoa kalkulatzeke dago oraindik, “kalteen kontrola” egiten ari gara oraindik. Suntsitutakoaren pusketak jasotzen.
Gutxienez, agitutakoa jasota gera dadin. Eta interesa duenak jakin dezan.
Zuzenean PDFa deskargatzeko lotura berri bat:
https://independentea.eus/wp-content/uploads/2024/09/Rastreando_huellas_detras_de_un_enigma_L.pdf
«Rastreando huellas detrás de un enigma:
Las misteriosas andanzas mediáticas del email del Dr.
Henrike Knörr sobre los grafitos de Iruña-Veleia»
© Roslyn M. Frank
University of Iowa ©2013
(academia.edu-tik deskargatuta)
Kote, hau ere bai?
.
https://www.semanticscholar.org/paper/Rastreando-huellas-detr%C3%A1s-de-un-enigma-Frank/de31a3fb277b9ab65ec4ba1afff842642becb73f
Hori da, Karlo.
Hemen beste lotura bat zuzena Iowako unibertsitatetik deskargatu edo ikusteko online:
https://iro.uiowa.edu/esploro/outputs/workingPaper/Rastreando-huellas-detrás-de-un-enigma/9984207958402771/filesAndLinks?index=0
Artikulu ona da. Egia da mehatxuak nonnahi agerzen direla. Dirudienez, CIAko eginkizunaren atzean Opus Deiren harremanak badaude, batez ere, Peter Thielen eraginaz.
Opusek nahi duena da beti ‘out of the spotlight’ izatea. Esate baterako, secta honek Iruna-Veleiako azpijokuetatik oso urrun dirudi. Inork ez du hitz egiten euskarazko piezak jendaurrean jarri bezain pronto martxan jarritako kanpaina mediatikoan izan duten paperaz. Eta oso ondo antolaturiko kanpaina izan zen isilpean montatu zuten hori. Barruan zeudenek eta parte hartu zutenek elkarren babesean zueden, nahiz eta ziur aski pribatuan elkar zoriondu zuten arrakastagatik eta kanpaina osoa isilpean mantentzeko duten gaitasunagatik, elkarren bizkarrean aupatzen, parrez eta algarazka, eta erabat ergelak zirela gainonzeko guztiok bat eta berriro esaten.
Euren kanpaina ondo antolatuta zegoen eta sareko baliabideak ahalik eta gehien erabiltzen zituzten. Momentu horretan Eliseok eta Idoiak ez zekiten zertan ari ziren, ideiarik ez zuten, eta piezak benetakoak zirela sinetsita zeudenek ez zuten errezelen atzean ikusteko modurik.
Orain ez daukat denporarik dana lotzeko, hau da Ipar Amerikan gertatzen dena Iruna-Veleiako kasuan gertatu zenari. Ni harrituta gelditu nintzen Opue Dei-ko lotura hori konturatzerakoan.
Hori ikusiz gero, garbi dago zer lortu nahi duten Project 2025 horrekin.
Horri buruzko esteka batzuk:
– Takeaways from AP's report on JD Vance and the Catholic postliberals in his circle of influence https://www.msn.com/en-us/news/politics/takeaways-from-ap-s-report-on-jd-vance-and-the-catholic-postliberals-in-his-circle-of-influence/ar-AA1pYS6B
– Opus Dei, the Supreme Court and J. D. Vance: a speculation https://www.dailykos.com/stories/2024/9/3/2267546/-Opus-Dei-the-Supreme-Court-and-J-D-Vance-a-speculation
– The Man Behind Trump’s VP Worse Than You Think https://unlimitedhangout.com/2024/07/investigative-reports/the-man-behind-trumps-vp-pick-its-worse-than-you-think/
Eta ikerketa honetan aurkituko duzu Opus Dei-ren eginkizuna Iruña-Veleia’ri dagokion asuntuan zer zen.
https://www.academia.edu/123902388/El_misterio_de_Iru%C3%B1a_Veleia_Lo_que_nos_faltaba_La_s%C3%A9ptima_llave
Horra hor, Trump eta Opus Dei… Right in your face.
Bai, badago beharra spotlight gehiago jartzeko Opus Dei sectari…