Bingen Zupiria Eusko Jaurlaritzako Segurtasun sailburuaren adierazpenak
Gazan genozidioak jarraitzen duen bitartean, ekintzaile batzuek Espainiako Vueltako etapa bat eten dute gertaera salatzeko. Kontua da batek baino gehiagok ez dugula ulertzen, adibidez, Errusiari 2024ko Parisko Olinpiadetan parte hartzea debekatzea, eta Israeli, berriz, ez zaio debekatzen Vueltan edo beste kirol-ekitaldi batzuetan parte hartzea. Bestalde, badakigu boteretsu batzuek beren dirua erabiltzen dutela kirol-ekitaldiak finantzatzeko eta, horrela, gobernu batzuen jarduera zigorgarria garbitzeko, kasu honetan Israelena.
Gaiarekin jarraituz, Bingen Zupiriak Vueltan izandako istiluak salatu zituen, bere ustez protesta egiteko beste modu batzuk badaudelako, eta honako adibide hau jarri zuen: Eusko Jaurlaritzak Israelgo armada Gazan egiten ari den gehiegikeriak istilurik gabe salatu ditu.
Bukatzeko, Zupiria jauna, esango dizut ez dudala sinesten Eusko Jaurlaritzak esandakoa, uste baitut ez dela koherentea Gazako genozidioa salatzea, eta, aldi berean, diru publikoarekin, Palestinako lurralde okupatuan tranbia eraikitzea zorroan duen CAF bezalako enpresa bateko akziodun izatea. Gai honen harira, lehendakariak esan du CAFek erabakitzen duena errespetatuko duela, eta horrek ere harritzen nau, ulertzen baitut CAFen ekintza legez kanpokoa dela.
Arrateko igoera baino arrakasta gutxiago zuen “La Vuelta a Españak”
Israeli esker orain kontrakoa.
2026 an errepikatuko dute?
EHn sartuko dira berriro?
Israeli esker ere, euskal jendeak bere egoera koloniala normaltzen bukatu du eta bere aldarrikapen historikoak alde batera utziak ditu azkenean. Ttak, harrapazan/k sionismoaren jokaldi biribila.
Zupiriari, Pradalesi, Aburtori eta kirola politikarekin nahastu behar ez dela dioten gainerakoei esaten diet “karta olinpikoaren” balioek honela diotela: “Kirolak funtsezko balioak transmititzen ditu, hala nola elkartasuna, justizia, tolerantzia eta lankidetza. Kirolak pertsonak eta nazioak batzeko gaitasuna du, eta hizkuntza unibertsala da, itxaropena piztu eta munduan bakea sustatu behar duena. ”
Bestalde, nik uste dut “Espainiako La Vuelta” inoiz baino kaltetuagoa dagoela. Jende gehiago dago bandera palestinarrekin protestatzen (Euskal Herrian palestinarrekin eta ikurrinekin) txirrindularitza zaleak baino. Palestinarra arazo koloniala da, eta, beraz, lotura du Euskal Herriarekin.