Errege Sagarra Teatroaren erantzuna:
Ez dakit juxtu 3. Mundu Gerra noiz hasi zen. Zeren hasi, hasita dago. Nik 2020ko martxoan abiatu zela esango nuke indar guziz.
Sinaleak garbiak izan ziren martxo hartan: gezur kanpaina globalarekin mundu “guzia” beldurpean jarri gintuzten. Hemen, Euskal Herrian guda totalak dakarren gezur eta beldur kanpaina orokorra zer den ahaztua geneukan; “memoria historikoa” lantzen duten horiek hezurrak eta espedienteak azaleratzearekin nahikoa dutela erabakia daukate.
Euskal Herrian guda totalak dakarren gezur eta beldur kanpaina orokorra zer den ahaztua geneukan
Horrela, jendarte honetako kide aktiboak, berriro ere, kokilduak izan dira, 1936an bezala.
Baina, hara, zer malapata!, Gerra Zibil hartan ume zirenak oraindik bizi dira batzuk, tartean gure ama. Ez dakizue zeinen aguro egin zuen lotura: berdin-berdinak ziren oraingo telebistako ahoberoak eta treintaiseisean faszisten irratitik gauero gorrien eta euskaldunen kontra amenazuka jarduten zuen Queipo de Llano generala. Orduan beldurtu zuten; ez orain ordea. Etzuen eskola handirik ikasi; baina bizitzak askotxo erakutsi dio bere 94 urteetan, karreradun alaba biologa ttottoaren salara bidaltzeko adina, txertatu behar duela esanez desesperatuki esanez etorri zaion guztietan.
Zer ostruka gaude eginak, ez ikusteko, sekula ez eta, orain, “herriaren (osasunaren) alde” nola jarriak dauzkagun gure autoritateak, gure politikariak, gure pertsonaia mediatiko guztiak?
Denak aho batez. Noiz ezagutu dugu halakorik? Ezta euskararen alde ere!
hemen ekonomiari begiratzen ez diona eta, aldiz, asuntoari interpretazio esoterikoak bilatzen dizkiona ez dabil batere zuzen
Gerrak ez dakar ezer onik jendearentzat, dirudun batzuentzat ezpada. Zeren gerra lapurretako goseak sortzen du. Hala izan da mundua mundu denetik. Emango zaizkio gerora esplikazio “historiko” anitz, nahaspilatuak eta despistatzaileak, denak boterea duenaren babesetik sortuak, baina hemen ekonomiari begiratzen ez diona eta, aldiz, asuntoari interpretazio esoterikoak bilatzen dizkiona ez dabil batere zuzen. Edo, auskalo, despistatze maniobra betean sartua dabil, berak jakin zer interesekin.
Entenitzen, Gorka?
ados Maite, eta esker mila haboro informatzeagatik.
Orain, barriz, aukera honetaz baliatuta, nire pulpitoko sermoia botako diet Foro honetako elizkide jatorrei (hire baimenarekin, Maite).
Bai bai. Hirugarren mundu-gerra 2020ko udaberri/bedatse hartan abiatu zuan, kuku faxista zuriak MAKUR JO zigunean apirilean (edo Elefante Zuriak), elefante baten botereaz eta kuku zuriaren maltzurkeriaz.
Hots, PLANdemiaren joko maltzur zein boteretsuaz: ELITEAK Etika dinamitatu zuenean eta galaxietara bidali alderrai: gaixotasun bat dela-eta Eliteak bere mutur zuria sartu zuenean; eta legea hilabete aurretik aldaraziz, SALBUESPEN EGOERA ALDARRIKATU (“estado de excepción”, gerraren tronpeta).
Orduan, euren MAKRONEGOZIOA muntatu, EUREN SASI-TXERTOAK (“txerto”-etiketa faltsuarekin) benetako txertoak direlako ziria sartuz populazioari.
Orduan, euren makro-negoziorako hala behar zutenez egin aurretiaz, populazioa narkotizatu zuten, edo “bataiatu obligazioz”, gure hedabide salduenen aparteko eta ongi ordaintutako mertzenario-soldatak ordainduta (merezi ere hala merezi dutelako mertzenario luxuzkoek).
Aurretiazko azpiegitura hura jada prest, aipatu BATAIOA inposatu zioten jendarte orori, MUNDU-MAILAKO SEKULAKO OPERAZIOA, HURA!
Orduan gizaki ororen garunetan narkotiko-aski dexentea isurita, euren sasi-txertoen salmenta etorri zen (SASI- diot, zuzenki esanda, zeren txerto orok behar duen froga-prozedura bete gabe merkatura zitiztean). Zeren OSASUNAK BOST AXOLA; Sputnik txerto errusiarra merkatura zitean ustekabez! Orduan ELITEAREN agindua: merkatura bitez dauden bezala!
Noski, merkatu-arazo geoestrategikoa zegoen auzian.
“Atera bidez”, OMSek ere, “salbuespen egoeran gaudek eta!” OMS gurea, Eliteak subentzionatua (Bill-Gates$Rockefeller&Mundu-Bankua&Black Rock&…), gehiegi hi, OMS eta abar. Denak erosteko makro-dirutza!
Jakina, sasi-txertoen bedajearekin, Pflizer eta besteok 2. potentzia ekonomikoa berehalaxe, armamentisten atzetik. Ironiak.
Gero, hemengo eta hango mediku ia guztien aholkua: “Bataia zaitezte denok, ume-nerabe eta Mundu Guztia (batez ere Afrikako badaezpadako arriskutsua-eta), bestela gureak akabo! Inokula zaitezte DEN-DENOK, “solidaritatearen izenean… bestela “insolidario”… eta ZIGORRA halakoei, “les enmerder”, Macron, irabazle barriro! “A enmerder!”
Nik orduko apirilean “Plizer” Big-Farma-konpainia iketzeari ekin nion, eta zera aurkitu: medikuak erosteagatik isunak ordaintzen zituela AEBetan, eta isunak ordaindu (diruz blai eurek) eta nahiago medikuak erosten jarraitu; baita, euren botikekin Center-Afrikako emakumeak antzutzen borondatez kontra, etc.
Orduan, apirilaren amaieran, nire ondorioen berri eman nuen NAIZen, non bestela: “Ez gaude esku onetan, benetan!”
Baina Elite boteretsuari bost axola gerrilari bakartien hazañatxoak eta…
Haiek beren xede guzti-guztiak lortu dituzte, orain arte behintzat congratulations txanpainarekin!
Eta gerrak jarraitzen dik geroztik! Berdin-berdinak ditun protagonistak! Gerrak (hau eta guztiak) antolatzen dituen Sugegorria (adi, OTAN; eta ez RasPutín, hau ere elementua izan arren!
Eta beste elementu batzuk GU GEU, ADI HORRI ERE. Zeren gure izenean bidaltzen dituzten ARMAK, HANGO eSTATUAK (gehi Aliantza Atlantikoak) Krimea aldeko herri autodeterminatuak zapaltzeko erabiltzen ditiztek!
Ea gero manifesstatxoak antolatu, “Bakea Bai”, “Armak ez!” eta abar.
Baina bitartean Basque Countryko arma-ekoizle eta trafkariak Txanpainez ospatzen euren makro-negozioak.
“Ez gaude esku onetan, benetan”
Chapeau! Maite.
Gorkak idatzi dauan Larrun 273 artikulua lehen bider irakurri nebanean ez jatan batere gustau. Baina bi bider irakurrita, ipuintzat hartu neban ” Behin bizi omen zan benetako ezkerra eta denporaren poderioz desagertu zan, horren ondorioz batzuk umezurtz geratu ziran, Independentea eta Bizitza plataformari gertatu jaken moduan. Guraso barik galdu ziran eta kobazulo batean erori ziran, han munstroak egozan, konspiranoikoak, negazionistak, populistak, aztiak…. eta jendea noraezean ebilen. Baina Gorkak, Pulgarzitok ogi-apurrekaz bezala, bere artikuluagaz itzulerako bidea erakutsi eutsen. Eta handik aurrera Bizitza ta Independentea oso ondo bizi izan omen ziran “.
Bai Iosu, kriminalitatearen ‘elitea’.
Zer zentzu ona duen zuen amak, Maite. Senak erakusten du askotan kea nondik datorren, hainbeste hitz eta kontzeptu antzu erabili gabe.
Gorka Bereziartuaren “Munstro Populistak” irakurri dut. Ederra erretolika pedantea. Dena den, ze ona Lacan aipatzen duela. Izan ere, Gorka B, Lacan maisuak esana dizu: “Et si vous croyez avoir compris, vous avez sûrement tort” (ulertu duzula uste baduzu, ziurrenik oker zaude). Zure amua irentsi ez dutenengan munstroak ikusi ordez, begira ezazu gora, zeure munstroak deskubritzeko adorea duzunean.
MUNSTRO ARTEAN: https://blogak.argia.eus/apokalipsia-eta-gero/2022/04/28/munstro-artean-gorka-bereziartuarekin-elkarrizketan/
Covid-19 gaia oso serioa da eta Munstro populistak artikuluak ez dau holan planteatzen. Nire ustez covid-19 gaixotasun barria izan da, teoria batzuk dagoz baina oindino ez dakigu zer eragin eban. Zientzialari batzuek argi eta garbi daukie ez dala birus batengaitik izan, euren ustez birus eta bakteriak ez dira gaixotasunen kausa, ondorioa baizik. Hori holan izango balitz gaurko medikuntza erabat aldatuko litzateke eta hainbat lobby eroriko lirateke. Eta hor dago gakoa. Hori ez gertatzeko zientzialari hauek baztertu, arbuiatu eta iraundu egiten dabez, euren curriculum suntsitu egiten dabe. Holan jende gehienak erotzat, iruzurgiletzat edo ezjakintzat hartzen dauz.
Juan Gorostidi, beste ikuspuntu bat izan gura badozu, The Contagion Myth liburua irakurtea oso komenigarria da. Egileak Thomas Cowan eta Sally Fallon dira. Liburu horrek bai merezi dau gogoeta.