Kulturgintza

Isil isilik daude gure intelektualak

…Politikariak mutu injustizia aurrean. Negazionistak eta tierraplanistak etiketatxoekin dena konponduta… Negozio txikiak triskatu zaizkien familiei eta “konfinamendu” izendatu den etxeko atxiloketaren ondorio suntsitzaileak gehien jasan dituzten kolektibo behartsuenei eskainitako abestia.

4

Mikel Aginagalde

Komunikazio-zientziak. Hernani

Non daude gure intelektualak? Galdera ona. Eskerrak kulturgile guztiak ez zaudeten lotan. Eskerrik asko eta zorionak bideo honengatik!

“No more lockdown” bideoa / Gora Bihotzak! Entertainment

Abestiaren ondorengo testuen TRANSKRIPZIOA:

Negozio txikiak triskatu zaizkien familiei eta “konfinamendu” izendatu den etxeko atxiloketaren ondorio suntsitzaileak gehien jasan dituzten kolektibo behartsuenei eskainitako abestia.

“Etxeangeldituzaitez” BETIRAKO zen

Negozio txikiak suntsitu zaizkien familiei eta “konfinamendu” (lockdown) izendatu den etxeko atxiloketaren ondorio suntsitzaileak gehien jasan dituzten kolektibo behartsuenei eskainia.

  • Giltzapetuta egon diren adinekoak (osasun asistentzia barik egon direnak).
  • Artatu gabeko gaixotasun larriak dituzten pertsonak (lehen mailako arreta call-centerra bihurtu dutelako).
  • 35.000 etxerik gabe (espainiako estatuan).
  • Tratu txarrak jasan dituzten umeak eta emakumeak, 24 orduz, erasotzailearekin (ikastetxearen edo familia-ingurunearen kontrolik gabe).
  • Egoera ahulean dauden haurrak, ikastetxean jasotzen duten bazkari egoki bakar hori gabe gelditu direnak, baita eskola-laguntzako boluntariorik eta hezitzailerik gabe ere.
  • Senitartekoen, lagunen eta laguntzako boluntarioen bisitarik gabeko haur onkologikoak.
  • Gizarte-jantokietako erabiltzaileak.
  • Alzheimerra duten ezinduen eta gaixoen familiak, egunean 24 orduz, eguneko zentroetako atsedenaldirik gabe.
  • Buruko gaixoak, elkarterik edo aisialdiko talderik gabe.

Hauek denak ere, guztiok bezala, sistema immunologikoa indartzeko baliabide naturalak erabili ezinik: natura, argia, eguzkia, hondartza, mendia, kirola, kontaktu fisikoa, gizarte-harremanak.

Herrialde pobretuetako milioika pertsona daude lanera irteten ez badira euren familiakoek egun horretan jatekorik ez dutela. Horiei ere dedikatzen diegu kanta hau.

Konfinamendua

Herrialde bat psikologikoki eta ekonomikoki suntsitzen duen estrategia politikoa. Ekonomiarik gabeko herrialdea gizarte-politikei aurre egin ezin dion herrialdea da: Hezkuntza, Osasuna, Gizarte-zerbitzuak mantendu ezin dituena. SUBIRANOTASUNIK GABEKO HERRIALDEA finantzetako marrazoen eta korporazio erraldoien atzaparretarako presa.

Eta azkenik, bihotzez, Teresa López de Muniain-entzat, 2 urteko espetxe-zigorrarekin mehatxatua, kautiberioan erosketak egitera joateagatik.

Hiltzeko modu asko daude. Sabelean labana bat sar diezazukete. Ogia kendu. Gaixotasun batetik ez  sendatu. Etxebizitza txar batean sar zaitzakete. Zeure buruaz beste egitera bultzatu. Heriotzaraino torturatu lanaren bitartez. Gerrara eraman, eta abar… Soilik hauetakoren bat dago debekatua gure estatuan.

Bertolt Brecht

EH, 2021eko otsaila

4 erantzun “Isil isilik daude gure intelektualak” bidalketan

  1. Bai, hori izan zen epailearen lehenbiziko hitza epaiketan. “Badakizu akusatzen zaituenagatik bi urteko espetxe zigorra eduki ahal duzula?”
    Baina zain nago, ez dut uste lehenengo embata besterik ez zenik. Bere gogoa zen, beldurrez beterik ikusten nuen epailea, baina ez dut uste legezko biderik duenik zigor hori jartzeko.

  2. Isili isilik bai! Urte bat diktadura ezarri zenetik eta horrela jarraitzen dute. Ospitalak hutsik badaude ere, edo heriotz tasa normaltasunaren barruan badago ere isilik. Gainera gehienak ezarritako neurri zentzubako eta osasunaren kontrakoak txalotzen.

  3. Intelektual izena merezi duen oso jende gutxi dago hemen, eta banaka hori ez dago ez Akademian ez kominikabideetan ez erakundeen arrimura.
    Hemen, “artistak” dira ugari, eta “malabaristak”. Hemen hainbat maskara erori da bapatean

Utzi iruzkina

Azken artikuluak