ISILTASUN OZENA

Europar tirania

Eroskeria eta industria farmakologikoarekin kontratu ezkutuak salatu dituzte hainbat europarlamentarik.

2

Ainhoa Bilbao

Filosofia irakaslea. Bilbo

Denbora nahasiak bizi ditugu. 2021eko urte bukaera ez da batere lasaia izan. Ejerzitoa Autonomien aginduen zain jarri du Espainiar Estatuak, “txertaketa” aurrera eraman dezaten. EAEn Covid ziurtagiria ezarri da ospitaleetan, egoitzetan, ostalaritzan, kultur guneetan, kontzertuetan eta kirol zentroetan sartu ahal izateko, eta urteko azken txanpa tabernen ordutegi murriztuekin koroatua izan da. 

Hau guztia gertatu orduko, abenduaren 1ean Ursula von der Leyen-ek, Europako Batzordearen presidentea denak, bere ustez “txertoa” deritzoten Covid medikamentuaren beharrezkotasuna eztabaidatu beharra dagoela jarri du mahai gainean.

Ursula von der Leyen. Txertoen derrigortasunaz hausnartzen.

Baina oraingoan politikari batzuek aurre egin diote gure Europar Batasuneko lotsabakokeriari. Abenduaren 8an, Ursula von der Leyen-en hitzak salatzeko prentsaurrekora deitu dute bost europarlamentarik. Cristian Terhes errumaniarra, Francesca Donato italiarra,  Christine Anderson alemaniarra, Ivan Vilibor Sincic kroaziarra eta Stasys Jakeliunas lituaniarra agertu dira bertan. Guztiek azaleratu dute Europako batzordeko buruaren hitzek eragiten dieten haserrea, baina prentsaurreko honetan egin dituzten adierazpenetatik harrigarriena Andersonek egindakoa da, bere isiltasunaren truke dirua eskaini diotela salatu baitu.

Jendea aginduak betetzera behartzen duten gobernuak ez dira ez legitimoak, ezta irudimenaren aldetik demokratikoak ere, eta zure osasunaren kontuaz ere ez dira ari.

Christine Anderson.

Christine Anderson, Europar Batasunaren eroskeria salatzen.

Enpresa farmazeutikoek guri buruz duten interesa armen industriak mundu-bakean duen interesa bezainbestekoa da

Christine Anderson.

Europako Parlamentuko diputatu batek eroskeria salatu izana ez da inolako albiste larria izan hedabide ofizialetan. Beti bezala, badirudi gure auzokideen erabaki pertsonalak gizartearen kontrako delitu larriak direla, baina Europar Parlamentuan salatutako eroskeriek ez dutela gure bizitzan eraginik. Gizarte heldugabe honentzat askoz errazagoa da ondokoari  edo herritarren aldizkari bati eraso egitea, benetan errudunak direnei ardurak eskatzea baino.  

Herritarrak elkarren kontra ari diren bitartean, europarlamentari hauek behin baino gehiagotan egin dituzte prentsaurrekoak Europako agintariek daramaten bide traketsa salatzeko. Urriaren 29an beste prentsaurreko bat eman zuten. Inokulazioen derrigortasunaren  eta Covid ziurtagiriaren aurrean giza-eskubideen defentsan batu direla adierazi zuten orduan ere.

Bertan, Cristian Terhes-ek Europako Parlamentuaren izaera demokratikoa zalantzan jarri zuen, giza-eskubideen urraketaren alde bozkatu izanagatik eta herritarrak ez defendatu izanagatik. Horrez gain, Europako Batzordea eta farmakologia enpresen arteko kontratuaren gardentasun falta aurpegiratu zion Von der Leyen-eri. Gainera, Europar Batasuna hartzen ari den kutsu zapaltzailea salatu zuen, tirania eta demokraziaren arteko ezberdintasuna agerian utziz. Egia esan, ez dago bere hitzak entzutea baino hoberik arazoaren norartekoa ulertzeko.

Tirania eta demokraziaren arteko ezberdintasuna oso sinplea da. Gobernuak zuri buruz dena dakienean, hori tirania da. Badakit nik nolakoa den tiranian bizitzea. Zuk zure gobernuari buruz dena dakizunean, hori demokrazia da.

Cristian Terhes

Cristian Terhes industria farmakologikoaren kontratua erakusten eta Europar Batasunaren tirania salatzen.

Argi uzten du europarlamentariak Europako Batzordea hartzen ari den jarrera larderiatsua. Europako Batzordeak farmarekin sinatutako hitzarmena erakusten duenean, beltzez marratutako kontratuaren orriek Kennedy-ren erailketaren dokumentu sekretuak dirudite.

Europarlamentari adoretsu batzuk Europa tiranikoa salatzen ari diren bitartean, gure hedabideek isilik diraute, eta zer esanik ez gure politikari borrokalarien desagerpenaz. Txertatu ez direnei askatasunak kentzen dizkieten bitartean, industria farmakologikoarekin sinatutako kontratua “top secret” dokumentua dugu, eta gure politikari hurbilek ez dute ezer esaten, ezta gure hedabideek albiste hauek nabarmentzen ere.

Honek guztiak nire birraitona dakarkit burura. Ez nuen inoiz ezagutu, baina aitak sarritan kontatu dit istorio berbera. “Obeditze al diak?” galdetzen omen zion aitonak nire aitari txikia zenean. Hori zen nire birraitonak aitari esanak betetzen erakusteko zuen modua. Hannah Arendt-en ikuspegitik arrazoi zuen aitonak haurrari obedientzia eskatzean, obeditu haurrek eta esklaboek besterik ez ei dute egiten, baitio filosofoak. Haurrak eta esklaboak ez direnek ez dute obeditzen, aginduak ematen dituen autoritatea babesten dute. Hori izan zen Arendt-ek, naziengandik ihes egin eta The New Yorker egunkarian Eichmann-en epaiketaren berri eman zuen  pentsalariak, atera zuen ondorioetako bat.

Gure politikariak eta gure hedabideak ez dira inolaz ere esklaboak, egoera ororen aurrean askatasunez egia erakutsi eta gezurra salatzea dagokien horiek baizik. Europako Batzordean eta Europako Parlamentuan gertatzen ari dena ikusita eta hemen dugun isiltasuna entzunda, argi dago hauei ez liekeela ea obeditzen al duten galdetu behar nire birraitonak, eta seguru nago nire birraitonak ere bazekiela, Arendt-ek bezala, politikariei eta hedabideei ez zaiela obedientziarik eskatzen. Hauek ez dira umeak eta ez dira esklaboak. Hauek guk baino botere handiagoa dute Europako jarrera larderiatsuak salatzeko, baina ez dute hori egiten. Horren ordez, kontratu ezezagun baten azpian dagoen farmaren produktuak hartzera bultzatzen gaituzte. Arendt-ek zioen bezala, esklaboa eta haurra ez dena honen guztiaren aurrean altxatzen ez bada, ez da obeditzen duelako, agintea eta agintariak babesten dituelako baizik.

Dena den, egoeraren larritasuna ikusita, mundua hobea izan zitekeela noizbait pentsatu badugu, orain da momentua zutik jartzeko. Hemen gaude. Mundua eraldatzen duen gutxiengoa gara. Mundu berri bat eraikitzeko gure momentua heldu da eta ez dugu erregimenaren babesleen eskuetan utziko. Gutxiengoa gara, bai, baina gutxiengo handia, eta badakigu zer den askatasuna: Hil arte, egunez egun, beldurrik gabe, garen hori izatea. Beraz, izan gaitezen askeak bizirik gauden bitartean norbere bidea erabakiz, gurea da-eta etorkizuna!!! 

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

2 erantzun “Europar tirania” bidalketan

  1. Rothschildek, nahi zaitu, Putin presidentea, bere defentsa ministro gisa amesten duen munduko gobernu bakar batean. Argi dago azken honek atea sudurretan eman diola. Ez diurudi Capo de tutti capik keinua antzat hartu duenik.

    Laburra eta argia, 2020ko martxoaren 14an hasitako gerla hau ezaugarritzeko gaitasunik ez duen erresistente oro amalgametan, distrakzioan eta desloturan eroriko da.

    Bitartean, Covidiar Ordena Handia Putini burua moztea saiatzen ari da, herrialde horretan Estatu sakona berpiztu nahian eta bere garroak kanpotik erabiliz.

    Hona hemen bi berriak azken honi buruz:

    https://www.msn.com/es-es/noticias/internacional/oligarcas-y-miembros-de-la-elite-rusa-se-pronuncian-contra-la-guerra-de-putin/ar-AAUrfvw?ocid=msedgntp

    https://www.msn.com/es-es/noticias/tecnologia/elon-musk-cumple-su-promesa-a-ucrania/ar-AAUsesa?ocid=msedgntp

  2. Ainhoa, esker mila!
    Argi apur bat ikusi dogu zure artikuluan, europarlamentari batzuk, hantxe, holakokeriak salatzen! Txalo!
    Gutxiengoaren eragina, handia sarri, baietz!

    Eta zure azken berbak berretsi, hori don eta! Indarra hartzen dot beheko hauek irakurrita!

    “Hemen gaude. Mundua eraldatzen duen gutxiengoa gara. Mundu berri bat eraikitzeko gure momentua heldu da eta ez dugu erregimenaren babesleen eskuetan utziko. Gutxiengoa gara, bai, baina gutxiengo handia, eta badakigu zer den askatasuna: Hil arte, egunez egun, beldurrik gabe, garen hori izatea. Beraz, izan gaitezen askeak bizirik gauden bitartean norbere bidea erabakiz, gurea da-eta etorkizuna!!!”

Utzi iruzkina, izen eta abizenez

Azken artikuluak