Minpeko barik 4
Negu sasoiko esaera zaharrak
https://goiena.eus/bergara/1740567988845-minpeko-barik-4-negu-sasoiko-esaera-zaharrak
Juan Martin Elexpuruk, Minpeko barik podcastean, askotariko gaiak izaten ditu berbagai: euskara, historia, literatura, kirola… Podcastaren laugarren atalean negu sasoiko esaera zaharren bueltan aritu da.
«Gustatzen zaidan esaera zahar bat ekarriko dut:
- Bakoitza bere zoroak bizi du.
Pertsonak bakoitzak badu bere mundua, bere zorakeriak, apasionatzen duten gauzak eta abar, eta bakoitza mundu bat gara; bakoitza bere zoroak bizi du.
Urte berria hasi da eta orain sasoian sasoikoak:
- Urte berrixari zoruak be igarri.
- San Anton, bixigu al montón.
(Urtarrilak 17, San Anton eguna).
- San Bizente hotza, neguaren bihotza.
(Urtarrilak 26, San Bizente eguna).
- Kandelario hotz, negua motz; Kandelario bero, negua gero.
(Otsailak 2, Kandelario eguna).
Egunotakoak antzinako erritu paganoak izango dira seguru asko, eta Kandelario eguna, San Blas, Santa Ageda bezpera eta abar izaten dira. Akordatzen naiz, umeak ginela, soldaduskara zihoazenak irteten zirela ilunkeran eskera. Nire txikitako oroitzapena da zelan agertzen ziren, ilundu eta gero, kintoak.
Eta jarraian Kandelario eguneko Bizkaiko kantu-errezital bat ipiniko dugu.»
Aupa Juan Martin, Hartza-arzotik!
Euupp !! Juan Martinn !!
Gustoko gaie diat nik ere esaera zaharrena eta ernee ! entzun diat hire podkasta !, izen ere, podkasta, kasta haundikoa irudittu bai zaak, …
Baserri ingurutik, idatziko diat, eta gure oilanda eta olioek, erruten hasteko “fotoperiodoa”ren eragina jasotzeko gaitasuna omen zaukie begietako sentsoreen laguntzaz, hau da, kasu honetan, egunaren eguzki orduak, gutxitzetik, (neguko solstiziora bitartean) pasa ttukela, egunero ordu gehiago izateko garaietara, …, udaberrirako biedan, … beraz gure oilo haziendentzako, lasai, berriz errutzen hasiko direlakoz, …
San Anton, ARRAULTZAK al monton