Osasuna eta Eskubideak

Autokarabana Bilbon: Debate Zientifikoa!

Epidemiologia zentroak emandako datuetan ez dago goranzko kurbarik, neguaren atarian gripe handitzearekin egoten den igoera xume bat baino ez, urtero ikusten dena eta egiten ari direna inondik inora justifikaziorik ez duela.

6

Joseba Argintxona

Irakaslea. Ajangiz

Igandeko prentsa irakurri dugunean tristura hartu dugu: “negacionistas”, “30 vehículos…” “Atxilotu bat”… Inork ez du informazio zuzenik eman nahi izan, edo ez dio enfoke egokirik eman nahi izan. “Ukatzaileak” deitu nori eta eztabaidaren baieztatzaileoi, informazioa kontrastatzearen baieztatzaileoi? Ez gara gu jendeari euskarri zientifikorik gabe oxigenoa arnastea “ukatzen” ari garenak, ez gara gu eztabaida eta informazio librea “ukatzen” ari garenak. Eta 30 ibilgailu baino askoz gehiago izan ginen, bestela ezin Plaza Biribiletik Autonomiaraino okupatu.

Baina egon ez zinetenoi zer izan zen hobeto azalduko dizuegu hemen. Lehendabizi, azaroaren 21ean, auto karabana luze batek zeharkatu du Bilbo, azken bolada honetan herritarren eskubideen aurka hartzen ari diren debekuak salatzeko, eta koronabirusaren gaian eztabaida zientifiko eta publiko bat aldarrikatzeko.

Karabana Bilboko Zorrotza auzotik atera eta EITBren aurrean amaitu da, bertan ekitaldi bat egiteko. Ondoren, handik giza kate luze bat hasi da Basurtuko Ospitaleraino.

Karabanan Euskal Herri osotik etorritako autoek parte hartu dute. Izan ere, herritarrei gogoratu zaie manifestatzeko eskubidea badugula eta beraz, udalerrian geratzeko debekua ezin dela manifestatzeko eskubidearen gainetik egon. Karabanaren lehenengo autoak Plaza Biribilera heldu direnean, amaiera oraindik Zabalburura heldu gabe zegoen.

EITB aurrean egin den ekitaldian besteak beste bertsolariak, Mark Quark raperoaren La vacuna abestia eta performancea entzungai eta ikusgai egon dira. Giro aparta egon da eta kamioi baten gainean jarritako musikak karabanari kolore eta musika ederra jarri dio. Hala ere gertakari tamalgarriren bat edo beste egon da. Ertzaintzaren presioa nabaria egin zaigu eta zenbait pertsonari musukoa txarto eramateagatik datuak hartu dizkie. Bestetik onartuta dagoen plastikozko eredu bat erabiltzeagatik identifikatzeko agindu zitzaion beste parte hartzaile bat atxilotua eraman dute es zelako identifikatu izan nahi.

Faltan bota izan genuen baita Udaltzainen laguntza gehitxoago, auto bat aurretik eta beste bat atzetik jarriz agindu ziguten moduan eta gure ustez trafikoa kontrolatzean beti egiten duten moduan. Horregatik karabana une batzuetan oso zatituta geratu izan da. Ziur hurrengorako alde hau hobeto lotuko dugula denon artean.

EITB aurrean irakurri den prentsa oharrean dei zuzen bat egin zaie hainbat eragileri (Jaurlaritzari, Osakidetzari, osasun langileei, kazetariei, herritarrei etab abar). Eskaera nagusia eztabaida publiko bat egitea da, jakiteko hartzen diren neurriak zuzenak edo okerrak diren. Bigarrenik zentsurarekin amaitzea, izan ere gero eta osasun langile gehiago konfinamendu neurri guztiak kentzeko eskatzen ari dira eta horri buruzko informazioa ematea eta kontrastatzea ezinbestekoa da. Beste puntu batzuk, esaterako, musukoa etengabe eramatea ume, gazte, adineko eta denontzako oso larriki kaltegarria dela. Edo gero eta gehiagok diotenez PCRek ez omen dutela balio orokorrean eta bereziki 30 ziklo baino gehiagorekin egiten direnean, positibo emateko aukera izugarri areagotzen delako. Orain arte, bizitza osoan, gaixorik ez dagoen jendea ez dela gaixotzat hartu, baina magia bidez, 2020 urtean asmatu dutela immunizatzen ari diren pertsonak asintomatikoak direla eta gaixotzat hartu behar direla.

Horren aurrean, Osakidetzari txosten zientifikoak eskatu zaizkio hartzen ari diren neurriak ulertzeko baina ez dituela aurkeztu salatu dute bilkuran. Herritarrei ere ondo informatzeko eskatu zaie eta geldirik ez egoteko. Asteartean eman zen prentsaurrekoan azaldu zenez Epidemiologia zentroak emandako datuetan ez dago goranzko kurbarik, neguaren atarian gripe handitzearekin egoten den igoera xume bat baino ez, urtero ikusten dena eta egiten ari direna inondik inora justifikaziorik ez duela.

Bilboko autokarabanaren bideoa / Mizelio Unibertsala

6 erantzun “Autokarabana Bilbon: Debate Zientifikoa!” bidalketan

  1. Hainbat manitan izan naiz, ostalariekin, sahararrekin, emakumeekin atzo,… Zuei bakarrik inguratzen zaituzte eta zuei bakarrik eskatzen dizkizuete NANak. Zerbait ixilpetu nahi da. Sorgin ehizaren kiratsa hartzen zaio Txindoki puntatik ere 400 urte beranduago. Utikan inkisizio iluna. EITB, erosita zaude.

  2. Telebista itzali eta inguruari erreparatu. Non daude hildakoak? Zelan da posible uda partean denok infektatuta egotea eta hildakorik ez egotea? Hildakoak laister helduko dira: gripearen txertoa jaso dutenekin eta ARN txertoak jartzen dutenekin. Ikaragarria benetan genozidio honen aurrean pertsona batzuk desinformatzen daukaten jarrera! Ezin dut ulertu benetan

  3. Lehen aldiz herrialde honetan inoiz ikusi ez den zerbait aurrean gaude non herritarren aurkako eraso hau haurrekaririk ez duena, osasuna aitzakiatzak hartuta, ideologia desberdineko jendea eta nazio-mailako kidetasun-sentimendu desberdinak dituena elkartzen dira etsai komun bati aurre egiteko.
    Hain talde heterogeneo baten koordinazioa oso zaila egiten da, izan ere talde hori ez dago ohituta elkarrekin lan egietra aurrez ez baitzuen aktibitate mailan inolako harremanik non etsaiaren indar harremana neurriz kanpo handiagoa den. Estatuko erakunde harrapari eta parasitario bati egin behar diogu aurre armategi mediatiko, finantzario, militar eta juridiko osoa duena.
    Horri gehitzen badiogu herri masa gehienek bat egiten dutela sikopaten elite batek telegidatutako erokeria horrekin, gero eta zailagoa da ataka horretatik ateratzea.
    Hori guztia kontutan hartuta etsaiaren propagandari aurre egiten ahalegindu behar dugu gure esku dauden baliabide guziak erabiliz eta ahal den erresistentzia guzia eskaini behar dugu horda armatuen aurrean, haien kontraesanak “legalak” erabiliz beldurrik gabe, errespetu faltarik gabe, probokazioetan sartu gabe eta uzkurtasun eta erabakitasun bat erakutziz oraindik ausartzen ez direnentzat eredu izan daitezen. Gauza txikiak dira arrabol faxista eta inperialistaren aurrean baina guztiz beharrezkoak tamaina handiagoko masa kritiko bat lortu arte eta orduan pentsatu ahal izango dugu presentzian dauden indar harremanak lehen orekatzea eta gero pixkanaka gure eremura kulunkatzea.
    Etsaiaren basakeria, arrazoirik gabe, gaitasunik eza eta hutsetegiak baliatu behar gara ekimen politikotik zein eragin boogmeran guregana berreskuratzeko.

  4. Bai Joseba…ondo zatitu dek autokarabanan gertatutakoak eta jendean aldetik partekatutakoak animo eta ilusio guztiz alde batetik eta aldarrikatutakoak bestaldetik…..baina gero eta argiago daukat guzti horren gainetik beti jarriko dutela beroien DOGMA nagusia, David Rockefeller-en hitzetan: “Iraganean mendeetan zehar egin izan den autodeterminazio nazionalaren ordez, munduko teknikarien eta finantzarien elite baten subiranotasuna ezartzea da kontua. Behar dugun guztia krisi handi bat besterik ez da, eta nazioek Munduko Ordena Berria onartuko dute”.

    Orduan eta bat natorrela Odlokek hain argi utzi duenarekin… gatazka honen abiapunturako norberetik hasi behar gerala… ez ote dauka arrazoia Ghandik: “Izan zaitez munduan ikusi nahi duzun aldaketa hori”.

    Ongi izan lagunak eta besarkada bikain bat.

    iulen

  5. Argi dago hedabide ofizialak, mundu mailako genozidioa bultzatu nahi duten zakurren estrategiaren barruan daudela, beti egon dira euren xabeen menpe eta orai argi ekusten da kori, anitz esker Joseba eta independentea.eus edabideari eta berau kegiten duzuen denori, irakurle, idazle eta iruzkinginheiri. Iolasgune zientifikoa ez dutela irekiko zer erranik ez, soilik nahi dute uritarrak bildurtu, txertoa xar daitezan, eta korretrako erabiltran dute, munizipalak, onhaztarrak eta komunikabideak, paperezkoak, telebistakoak eta digitalak naiz irratizkoak.
    izan ontsa

Utzi iruzkina

Azken artikuluak