Zer gertatzen zaigu EHko populuari?
Ongi da gertatutako gauzez gogoetak egitea, plandemiaz, sasi-txertoen inokulazioaz, ume eta nerabeenganako tratu txarraz, inokulazioen ondorio larriez… Baina eliteen eta bertsio bakarraren aldekoen orotariko abusuez eta autoritarismoak eragindako kalteez… Erdi alferrik da lanturu egitea. Kalteek ez baitaukate jada atzera-bueltarik.
Orain eta hemen galdetu eta aztertu beharko litzatekeena da: ZERGATIK GERTATU ZAIGUN gertatu zaiguna. Zertan huts egin dugun euskal populu gisa… Eta zer egin hurrengoan ere harkaitz berean estropezu egin ez dezagun.
Hortaz, ZER EGIN, Ivan Ilich Lenin jauna?
– ZER EGIN, Ivan?
– ANTOLATU!!!
Beti errepikatzen zuen gauza bera: «antolatu eta Neguko Jauregia asaltatu!!!»
– Baina Ivan, hori egin ahal izateko, egoera konkretua aztertu behar, ezta?
– Bada, azter ezazue zuon egoera zehatz hori lehenbailehen, alferreko gogoeta eta lanturuetan denbora alferrik galdu barik… Eta antolatu, eta…
– Bale, Ilich, bagoaz aztertzera ea zer gertatu ote zaigun euskal gizarte bezala. Segituan doa, Ivan…
– Baina lehenbailehen izan dadila, eta laster arin batean… ANTOLATU, eta…
Bale, bada azter dezagun hori, Ivan Ilich Lenin kamaradaren baimenarekin.
Zer gertatu zaion euskal populuari… Ene ikuspuntua azalduko diat laburño:
Hemengo populuak den-dena irentsi du. Izan ziren antzinatean BAGAUDAK, Durangoko HERETIKOAK, soldaduskari INTSUMISIOA eta DESOBEDIENTZIA ZIBILAK…
Baina oraintxe berton… Horien tantarik ere ez gure gizartean. Den-dena irentsi duen idi mantso-mantsoa da gure populua: garuna ia guztia jan diotena, gehien inokulatu dena sasi-txertoaz, Iruña-Veleia lapurtu diotena inpunitatez begien bistan… Ukrainara armak bere izenean bidaltzea ere irentsi duena itxuraz, hedabide atlantistei sinetsita edo erdi-sinetsita… Eta abar, etc, etc.
Beraz, itxura guztien arabera, garuna ezeze, sexu-izaera ere irendu dioten IDI MANTSOA da (gara) «euskal populu» gaixoa.
Eta galdera da ea idi mantso izaera hori erremedio bagekoa ote den, atzera-bueltarik gabekoa.
Ala ba al da idi mantso irendu bat zezen bihurtzerik?
Zaila, ezta?
Baina baietz suposa dezagun. Zeren herri honek jakin izan baitu zenbait alditan intsumisio zenbat burutzen… Eta abar.
Beha dezagun psikoanasiaren ikuspegitik, herri-psikologia aldetik…
Zer da gure populua gehien amorratu ohi duena? INORK ADARRA JOTZEA, inork ZIRIA SARTZEA edo popatik ematea!
Hori jakinda… Proboka dezagun gure populu mantsotu eta garun-jandako hau…
KAR-KAR, bera inokulatuen jende guztien artean!
KAR-KAR, bera izorratuena Iruña-Veleiaren kasuan! Holakorik ezin gertatu inon ere munduan; ez Katalunian, ez Galizian, ez Espainiako Erresuma ohoretsuan, eta are gutxiago La France dibinoan… BESTE EZEIN HERRITAN… euskal populuan salbu! KAR-KAR-KAR.
Eta EUSKAL JENDE GAZTEA, gure leinuko batzarretara ere hurbiltzen ez dena… Zuek zarete munduko inoranteenak, zuen AKADEMIETAN ADARRA JO DIZUETELAKO, ezertxo ere ez dizuetelako erakutsi, ez gure herriaren historiaz, ez kulturaz, ez antropologiaz… ZIRIA SARTU DIZUETE eta ADARRA JO… KAR-KAR-KAR!!!
Zer??? ADARRA JOTZEN??? Hori bai ez dugula jasaten, gero!!!
Eta,
«Agian, agian / Egünen batean / Jaikiko dira / Egiazko eüskaldünak»,
Matalats, Mauleko euskaldün martiri hori. Ala biz!
2k aiña betikolez Josu!!!
Adarra ardixari jotzen jako, auntzak jan itxen dau.
Aurreruntza auntza ezpadixe, ardi koitxauak ezta? baina arazoa ardi narruz jantzitako otsoak dira eta hauek artaldean datoz kamuflauta, auntzak eta ardiak jaten.
Otso kiratsa txakurrek bakarrik usaintzen dute, artzai txakurrak bueltan bueltan, artaldea estutzen dabiz zatitzeko, beti bezela otsoekin elkarlanean.
Gora Ahari eta Akerrak hauek baitira beti zutik otso eta txakurren aurka tope egiteko jaioak eta ardi eta auntzen bizitzan bihar beharrezkoak!!!
Bada ordea Josu urrats hori eman aurretik ezinbestekoa den beste bat; JABETZEA (adarra jo digutela). Konturatzea, ohartzea adar jotzeaz, eta egia jakitea, esnatzea, hau da jabetzea niri erakutsi zaidanez. Bere buruaren jabe egitea, aske egiten gaituen urrats hori ematea. Ez bai du alferrik euskarak hitz bera erabili ahalduntzea, jakitea eta propietatea adierazteko. Dakiena da burujabe eta ahaldun. Iditik zezenera dagoen urratsa hori besterik ez bai da. Eta hainbeste hedabibe, alderdi, sindikatu, erakunde… lokartzaile, itsutzaile, mantsotzaile, iditzaile edo iraintzaile, izutzaile dugu, guztiak EHko populuaren jabetza eskuratu dutenak, nekez. Jarraituko dugu guk Jabetzeko kanpaiak jotzen…
Idiek ez dute lehenerako itzulerarik.
Inoiz ez dira zezen izatera bueltako.
Zerbaitetan gehiegikeriara iritxiez gero (ezkero) ez dago itzulerarik……Bizi berri egokitu bat asmatu behar. Ala ere!!!!……….
Ardi larruz jantzitako irentzaile (iren-egile) profesional askotxo, artazi handi eta guzti, askotxo gure artalde mantsoa banan-banan kapatzeko prest.
Eta ia eztakit Ahariek eta Akerrek ere “adar oker makur” mukurrik daukaten, ala inausi egin dizkieten Inauterietan.
Baina jarrai dezagun kanpaiak jotzen eta kanpai joka, dagoenaz gozatzen.
Beraz, AHALDUNTZEA eta populuari AHALDUNARAZTEA da egin behar dogun AHALEGINA, AHAL DEN bestean.
Hor diodan PROBOKAZIO BALIABIDEA dateke bideetariko bat, behintzat barre apur bat egiteko eta jolasaz gozatzeko besterik ez bada bé.
Beste bidea neketsuagoa da: KULTURGINTZA.
Jada badakizue zertan datzan, ezta?
Nik ez dakusat beste biderik ez baliabiderik.
Besterik ikusten dauenak, altxa beza bere hatz adierazlea.
Ahalduntzera garamatzan jabetze eskolak behar ditugu, Gune Irekiak. Adarra nola jo diguten ohartzeko, eta nola jotzen diguten. Agenda zuria landuko duen gunea, idatzi gabea, guk barrutik idatziko duguna, jabetzera, ahalduntzera daramana. Agenda beltz (2030) lokartzaile eta irentzailea, makurtzailea, belaunikatzailea eta mandamenduez josia datorrena sutan erreko duena.
Agenda-2030 esklabista erretzeko pospolua behar da, eta hori ez dakusat inon.
Zeren 2030-Agenda abian baitao jada: BBVA, Iberdrola eta Petronor euron txiringitoak muntatzen (haizegailuz eta Solariumez betetzen larraldeak, eta lurron jabe egiten bide batez) inpuneki. Eta horiek ez dabiltza Bilboko Jaietarako txiringitoak egiten, prezeski.
eta non datza ezkerraren metxa eta pospolua?
Nola egin zen histeria kolektibo hori eta nola berreskuratu zuhurtasuna:
https://www.youtube.com/watch?v=5YI9J7pxAoM&t=482s
https://odysee.com/@corbettreport:0/desmet-massformation:f
Eskerrik asko Aitor. Oso interesantea MASA FORMAZIOA, Mattias Desmet. Gauza interesgarriak ekartzen ditu beti James Corbettek eta zuk ere!
Ehhh bai, ezta batete erraxa infoxikazioako diktaturaren kontra idaztea, eta…