Euskal Herrian Guardia Zibilaren txostenei edo Auzitegi Gorenak dioenari (“Koldo” kasuaz ari zarela) lehen minututik kasu egiteak harritu egiten zaituela diozu, “Hemen prebentzio batzuk ditugula”. Prebentzioa? Zuk ere ez duzu sinesten hori.
Plandemian zuk zeuk, Sortu eta EHBilduko zure kide guztiek, alderdi politiko guztiek salbuespenik gabe, baita sindikatuek ere, komunikabide guztiek, Gara eta Berria barne, eta esparru eta mota guztietako gainerako gizarte eragileek ez zenuten ezertxo ere zalantzan jarri eta guztia irentsi zenuten.
Gutxi batzuek baino ez genion aurka egin bertsio ofizialari, eta irainduak, difamatuak, barregarritzat hartuak eta zentsuratuak izan ginen, eta hala izaten jarraitzen dugu. Poliziari sorgin-ehizan nahieran ibiltzea onartu zenioten, 50eko hamarkadako AEBn McCarthysmoan bezala, inolako eraginkortasun sanitariorik ez duten musukoak ez erabiltzeagatik isun mordoa jartzen zuten bitartean. Ostalaritza, dendak eta beste lantoki batzuk ixten lagundu zenuten, jende askoren bizimodua hondatuz zuen isiltasun konplizearekin.
Eskubide zibil eta sanitarioak urratzen zituzten neurriak babestu zenituzten
Eskubide zibil eta sanitarioak urratzen zituzten neurriak babestu zenituzten; guri arrazoi emanez gerora auzitegiek legez kanpokotzat jo dituztenak. Disidenteok bagenekien, zuek ere jakin behar zenuten, baina berdin izan zitzaizuen.
Txertatu, txertatu eta txertatu esanez sustatu zenuen esperimentu geniko masibo bat. Esperimentu horren albokalteak ez ziren ezagutzen, ez epe labur, ez ertain, ezta luzean ere. Eta Gara eta Berriarekin eta gainerako komunikabide eta alderdi politikoekin batera, ez zenuten nazi-paseen aurka ere egin; are okerrago, Bizitza Plataformak deitutako manifestazio jendetsuak gaitzetsi zenituzten.
Plataforma hori Euskal Herri osoko hainbat esparru eta sentsibilitate kultural eta politikotako taldeen arteko batasunaren ondorioz sortu zen. Manifestazio jendetsuak izan ziren, logikoki zientzialariekin eztabaida zientifikoa eskatzen zutenak, datu kezkagarri serio eta kontrastatuak zituztenak. Nazi-pasearen zentzugabekeriaren aurkako beste manifestazio batzuk ere gaitzetsi zenituzten.
Aditu talde bat zenutela esan zenuten eta inork ez daki non dagoen
Jon Ander Etxebarriari, ordura arte zuekin askotan kolaboratu zuen biologo ospetsu eta garai hartan Euskadiko Biologoen Elkargoko OHOREZKO (soldatarik gabeko) Dekanoari, danbatekoa eman zenioten muturrean, berak, PCR testen erabileran eta funtzionamenduan aditua izanik, gaixotasun bat diagnostikatzeko balio ez zutela ohartarazi zizuen arren. Biologo edo mediku ez zaretenok, ezta haren antzeko ezer ere, berak baino gehiago jakingo bazenute bezala, umiliatu eta otu zitzaizuen modu guztietan laidoztatu zenuten.
Aholkulari aditu talde bat zenutela esan zenuten; inork ez daki non dagoen. Eta OME bezalako mundu mailako erakunde bati bakarrik eman zenioten sinesgarritasuna, gauza jakina denean erakunde ustela dela. Lobby farmazeutikoen interesei men egiten dien eta bere etika eta moral zalantzagarriarengatik mundu mailan ezagunak diren pertsonek diruz laguntzen eta kontrolatzen duten erakundeari eman zenioten sinesgarritasuna, hain zuzen ere.
Nola izan dezakezu hain aurpegi gogorra?
Eta orain, zer ipuinekin zatoz? Non ikusten duzu gaur egun bertsio ofizialak zalantzan jartzen dituen gizarte bat? Guardia Zibilak edo komunikabideek diotena zalantzan jartzen duena? Nola izan dezakezu hain aurpegi gogorra?
Baldintzarik gabe babestu zenuen PSOE Espainian fronte ezkertiar (?) bat defendatzeko aitzakian. Espetxetik irten zinenean, Anoetako belodromoan esan zenuen Espainia ezin zela demokratizatu, eta Espainiako ezker berria (Podemos) Estatuko herrien eratze prozesuen alde elkarrekin borrokatzera gonbidatzen zenuela. Pablo Iglesiasek esan zizun harro zegoela espainola izateaz, eta Podemos Espainiako eta Euskal Herriko alderdi politikoa zela, eta ez zukeela inola ere hori babestuko, eta Espainian geratzera gonbidatu zintuen.
Espainia demokratizatzera joan zinen Iglesiasekin, zerorrek esan zenuenean ezinezkoa zela hori
Espainia demokratizatzera joan zinen Iglesiasekin, zerorrek esan zenuenean ezinezkoa zela hori. Ezinezkoa dela erakutsi nahi zenion Podemosi? Hori erosi ahal izango nizukeen, baldin eta itzulezineko galbidetik eraman izan ez bagintuzu. Osasuna, lana eta herriaren bizitza ukiezinak dira ordea, eta ez joko bateko fitxak.
Baina, gainera, ez da hor amaitu zentzugabekeria. Bizitza Plataformak mozioak aurkeztu ditu hainbat udaletan, erakundeei Covidaren inguruko txostenak eskatuz, plandemian egin zen kudeaketa aztertzeko; baita NATOren, gerraren eta derrigorrezko soldadutza berrezartzeko Europatik datozen ahotsen aurka egiteko. Eta mozio horien aurrean EH Bildu abstenitu egin da isiltasun eskandalagarrienean. EAJk eta PSE-EEk, berriz, difamatu egin dituzte Bizitzarekin elkarlanean ari diren mediku eta biologoak eta Bizitza Plataforma bera, estatu totalitario baten gordintasunarekin.
Zergatik ez duzue babestu nahi eskatzen dizkizueten txostenak ematea, Covidaren azken 5 urteetako kudeaketaren balantzea egiteko?
Zergatik ez duzue babestu nahi Iparra kolektibo zientifiko-medikoak eta Bizitza Plataformak eskatzen dizkizueten txostenak ematea, Covidaren azken 5 urteetako kudeaketaren balantzea egiteko? Sentsazioa ematen du — beno, ziur nago — zerbait ezkutatzen duzuela, erruren bat. Alabaina, disidentziaren teoria konspiratiboak zapuzteko, logikoena horiek publiko egitea eta ikerketa erraztea litzateke. Hala ere, ezkutatu eta eskatzaileak iraindu edo isilarazi egiten dituzue, eskularru zuriko benetako gaizkile gisa.
Azkenik, ulergaitza da NATOrekiko eta gerrarekiko isiltasuna eta abstentzio jarrera.
Denborak bakoitza bere lekuan jartzen du, Arnaldo.
Zorionak, Patrik, eta eskerrik asko!
Arlotaldoren kontu merke OSO GARESTIAK
Zeinen argi azaldu duzun dena Patrik. Pena irakurri behar dutenek, ziur asko, ez dutela egingo.
Zelako birpasa, Patrik! Ezin da hobeto esan. Arnaldok irakurri beharko luke. Bejondeiala!
Bikain Patrik, argi ta zuzen.
Bai oixe Patrik!!!
Ondo esana..
Ezinezkoa hobeto azaltzea,Mila Esker.
Otegiri entzun nion egunean, soluzioa txertatzea, txertatzea eta txertatzea zela, egun horretan jabetu nintzen nolako gizajoa zen.
Cote Cabezudo auziarekin berdintsu, PSOE=PNV=Bildur, etc…
Muinekoa den guztiarekin berdintsu, benetan. Bakoitzak bere eginkuzunean, jakiña. Antzezlan ederra.
Nor da gidoigile eta zuzendari?
Noiztik?
Eskerrik asko azken urteotan topera lan egin duzuen guztioi. Dakiguna baino ez dut kontatu, ihes-balbula gisa. Arrazoi absolutua ez dauka inork, beren jokabide eta iraganeko eta oraingo egitate kontrastatuekin baino, arrazoia ematen digute. Ondo legoke nik idazten dudan hau, hau da, zuek, Josebak eta Angelek, Idependentean duela gutxi hemen argitaratu zen bideoan esaten duzuena errepikatzen dut soilik. Nik EHbildurengana eta bere koordinatzaile nagusiarengana, eta aldi berean, Sortuko idazkari nagusiari eta Herri Batasuneko mahai nazionaleko kide ohiarengana eta, ondoren, Batasunarena baino ez dut bideratu. Eta hori egin dut ni beraiei sinpatia eta botoa ematetik natorrelako, eta onerako edo txarrerako, ETAk errenditu ondoren, eta errendizioa diot ez zelako egon gutxienezko negoziaziorik, ezta beheranzkoa ere, presoak mailaka ateratzeko itunik ere egin ez zuena. Ez dut esan nahi borroka armatua bertan behera utzi behar ez zenik, zeren eta, aitzitik, aspalditik behar-beharrezkoa zela uste dut, eta itxaropenerako arrazoia izan zen beste borroka mota batzuetarako urratsa ematea. Imajinatzen ez nuena zen borrokak errendizio sozial bihurtuko zirela, mugimendu sozial ustelduak eta telezuzenduak onartzea, ongizate-estatua onartzea eta euskaldunak izatea eta ez espainiarrak etiketa gisa, baina espainolak, edo frantsesak asken finean. Eta politika instituzional bat funtsean egitea, eta azkenik, Madrilen alderdi espainol eta trantsizioan traidorearekin itunak egitea, zeinaren bidez NATOn jarraitzen dugun, nahiz eta Hegoaldean ezetz bozkatu ustezko erreferendum demokratiko batean. GAL sortu zuen eta erantzukizun guztiak argitu ez dituen alderdia, sistematikoki torturatu zuen alderdia. Presoen legez kanpoko dispertsioa asmatu zuena, narko eta trafikatzaileei nahi bezala uzten utzi ziena, heroinarekin erailez edo bizi osorako ondorioak utziz, belaunaldi oso bat kalkulatzen dena. Lapurtu esku zabaletan, eta gero eta gehiago… Eta orain, ezkerreko fronte faltsu baten barkamenarekin, baldintzarik gabeko eta inolako akordiorik gabeko babesa ematen dute, PPri eta bere zatiketari, VOX, aurre egiteko. Eta txiste hau ez du graziarik egiten. Ea norbaitek entzuten dizuedan, ea hau irakurtzen duten, ea hasten diren zalantzan jartzen, kontrastatzen, ikertzen esaten duzuena egia den ala ez. Hori bakarrik gustatuko litzaidake, egia den ala ez kontrasta dezatela, ea EHbilduko edo beste alderdi batzuetako boto-emaile horiek, herritar, ama, aita, anai-arreba, lehengusu, lagun, ezagun horiek, zuek esaten duzuena eta nik esaten dudana egia den ala ez ikertzen duten. Izan ere, hemeroteka irakurtzeko, udal bakoitzean alderdi politiko bakoitzak zer bozkatu duen jakiteko, edo Eusko Legebiltzarreko batzorde batean zer bozkatu duen jakiteko, ez da beharrezkoa ezertan aditua izatea, gutxieneko bat jakin nahi eta mugitu nahi izatea baino ez da behar. Eta ohar daitezela HBren oinordekoek ere iruzur handia egiten dutela.
Bai, alderdikrazia, votokrazia, eta $$abar luze bat: benetako DEMO-KRAZIA-ren kontra!
Herriena.
Adibide jator bat:
.
https://ekaitzaldia.blogspot.com/2017/01/ocalan-en-konfederalismo-demokratikoa.html?m=1