Kaixo! Joan den astean Jaurlaritzak “Enigma” izeneko enpresa batek sustatutako zentral eoliko bat “Hernaniko udalerrian” egiteko proiektuaren tramiteak hasi ditu. Proiektu horrek kaltetutako lur-eremua zehazten duen PLANO BAT bidaltzen dizuet. Hona hemen deskargatzeko moduan:
Plano hori egiteko Jaurlaritzak BOPV-n argitaratutako iragarkian proiektu eolikoak kaltetuko lukeen lurraldea barnehartzen duen “poligonala” kokatzeko ematen dituen koordenadak erabili eta 1:25.000 plano batera pasa ditut.
UDALERRI KALTETUAK: PLANOAN IKUS DAITEKEENEZ, poligonalak kalteturiko udalerriak HERNANI, ELDUAIN ETA URNIETA dira. Zentzu honetan, JAURLARITZAREN IRAGARKIA EZ DA ZUZENA. Bestalde, ARANOKO lurrak zuzenean ikutzen ez baditu ere, Garagartza menditik eta San Migel Sorotik hasi eta Epiñabar (Eñazti gaina), Euntzin eta Pagoaga aldeko lerro guztia Aranoko udalerritik metro gutxira dago (4-5-6-7-8 puntuak).
HIPOTESIA: 5 aerosorgailuak goiko parteetan kokatuko lirateke (AZKETA ETZALA eta GARAGARTZA aldea).
Pagoaga eta Ugaldetxora jeisten diren bi lerroak argindarraren ebakuazio-linea egiteko bi trazadura posible lirateke (Bata Garagartza-Euntzin-Pagoagatik, eta bestea Urnietako Amuela edo Amurola eta Altzusta aldetik. Ugaldetxotik gora Aparrain eta Erkaitz edo Erkaratz aldean dagoen 3 “puntua” ere ebakuazio linea honen parte litzateke eta Aiako Harria Parke Naturalaren eremuaren barnean kokatzen da).
Azketa-Etzala gailurreria osoa “Onddi-Mandoegi Estazio megalitikoa”ren babes eremuan sartzen da (zona de protección nº 3 delakoaren barnean). Gailurreria horretan aerosorgailuak jartzea debekatuta dago, Estazio megalitikoen babeserako dekretuak jartzen dituen baldintzen arabera.
Agian horregatik, Leitzarango magaletara zabaltzen da eremua, Ollokiegi gainean (Elduaingo udalerrian), aerosorgailuak nonbait gailurreria baino pixka bat beherago kokatzeko.
Hala ere, Elduaingo udalerrian Leitzaran aldera dauden hiru puntuak (9-10-11) eta eremua kontraesanean daude Jaurlaritzaren energia Berriztagarrien Lurralde Plan Sektorialarekin: izan ere, Plan horren hastapeneko onarpen dokumentuan, Leitzarango bailara osoa eta bere magal guztiak “Zona de Exclusión” gisa sailkatuta daude.
Honaino planoarekin ondorioztatu ahal izandakoa.
Ezta ahaztu behar aipatzen duzun zonalde honen jarraian, Mandoegi gainean, Espainiako gobernua beste parke eoliko izugarri bat tramitatzen ari dela, Gipuzkoa eta Nafarroako lurrak barne hartuko diteuena eta Euskal Herri osoko potentzia haundienetakoa izango duena. Bi parke eolikoak begi bistan bat eginak eta parke eoliko bakarra osatuko balute bezala ikusiko dira. Ezta ahaztu behar zonalde megalitiko itzela dela inguru guzti hori, basa fauna ugari dagoela bertan, hegazti askoren pasabidea Europa iparraldetik hegoaldera bidean, zonalde oso basatia izateagatik, populazio gutxikoa, eta gainera babesgunea den Leitzaran bailara ere bertan dagoela. Bertan dijoazen bi parkeek ez dute ez hanka eta ez buru, eta nire iritzian biak aipatu behar lirateke inguru honetan dijoazen proiektuez hitz egiterakoan.