Janbelarrak

Udaberri lorea entsaladak alaitzeko erabiltzen dugu

Bai hostoek, bai loreek, bai haziek gure gorputzarentzat oinarrizkoak diren substantziak dituzte. Sustraiak ere erabilgarriak dira, garagardoari zaporea eransteko, adibidez.

3

Asier Bastarrika Gorostiza

Okina eta aita. Basabizizalea. Aia

San Jose edo Udaberri lorea — Prímula Veris / Prímula Vulgaris

Landare honen loreak entsaladak alaitzeko jar daitezke, hosto samurrak ere bai. Hostoak barazki moduan edo errebozatuta ere erabil daitezke.

San Jose loreak ozpin, ardo edo oliotan ondu daitezke. Ura eta azukre edo eztitan hartzituta, ardo gozoa egin daiteke lore hauekin. Landarearen sustraiak, aldiz, garagardoari zaporea eransteko balio du, baita saltsak anis punttuaz lurrintzeko ere.

Landare osoak, batez ere sustraiak, %10erainoko saponina dauka, glukosidoak, olio esentziala eta flabonoideak. Hostoek C bitamina (%4), magnesioa eta potasioa dute. Loreek karotenoide eta flabonoideak dituzte. Haziek azido linoleiko eta azido gamma-linoleikoa dute, biak gure gorputzarentzat oinarrizko direnak.

Hostoek iletxoak dituztenez, norbaitzuek ukitze hutsarekin azaleko erreakzioak izan ditzakete, batez ere betazalak ukitzean. Gordinik kopuru handiak janez gero, haur, zahar eta jende bereziki sentiberari gastritisa eragin liezaioke, saponinak direla eta. Hauek egostean desegiten dira. Haurdun daudenek, aspirinari alergia diotenek eta botika antikoagulatzaileak (adibidez warfarina) hartzen dituztenek ez lukete landare honetaz abusatu behar, batez ere sustraiaz.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

3 erantzun “Udaberri lorea entsaladak alaitzeko erabiltzen dugu” bidalketan

  1. Bai, alaitu; koloreekin, bitamina eta mineral batzuekin eta, batez ere, norberak bilatu, aurkitu eta bildutakoak ematen duen pozarekin.

  2. Landareek emozioak dituzte eta gure barnera sartzean emozio hori guregan sortarazten dute: bizitasuna, alaitasuna,… Frogatzea interesgarria izango da eta esperientzia partekatzea nahi izanez gero, noski.

Utzi iruzkina, izen eta abizenez

Azken artikuluak