Estatu Batuetako Kapitolioa hartu zutenen artean Alaves futbol taldearen kamiseta ikusi dut… berriro ere banalizazioaren arriskuarekin topo egiten dugu, bada. Hantxe gerra zibila bultzatu nahi dutenen antzekoak direla Vox, Independentea eta abar idatzi da hemen modu iraingarri bezain hutsalean.
Errazagoa da Trump faxista deitzea pentsatzea baino. Munduan dauden istilu guztiak, Estatu Batuetan egon den azken istilua bezala, Mendebaldean desberdintasunak hutsaltzen direlako datoz. Datozen urteetan, erakunde demokratikoek gero eta gehiago gogoratuko dituzte Ipar koreakoak direnak, baina Mendebaldea ez da Korea, Euskal Herria Espainia ez den bezala.
Gizakiak dena lapurtzen uzteko joera du itxaropen pixka baten truke
“Dena gaizki doa, baina konponduko da” fasean sartu gara. Orain hasiko dira disidenteak urkatzen. Egia da. Izan ere, politika-erakundeetatik urrun bizi diren euskaldunek uste dute erakundeek beraiek arazoak konpon ditzaketela. Jendeak oraindik ere uste du bozkatzen duten alderdiaren arabera gauzak modu batera edo bestera joango direla. Gizakiak dena lapurtzen uzteko joera du itxaropen pixka baten truke.
Alderdi politiko guztietan dago SESBen sartzeko unean Hitlerren armadetan pentsarazten zidan giro hura. Hotza egiten zuen, bideak soldadu hilez beteta zeuden, baina etxean geratzeko adorea izan zuten gizakiek bakarrik imajinatu ahal izan zuten hurbiltzen ari zen amesgaiztoa.
Batzuek diote, politikariek jada ez dute ezer egiteko aukerarik, ekonomiak agintzen duela.
Orain, politikariek ezer pintatzen ez dutela esaten zutenek, diruaz hitz egiten zutenek, diru hura huts-hutsean sortuko balitz bezala, erakunde politikoen beharrezko esku-hartzeaz hitz egiten dute.
Urte askoan ibili ondoren, kolore guztietako egunkariek eta partidek diote ezin dugula denbora gehiago galdu.
erakundeen bizitza fartsa handi bihurtu da
Espainiako Kongresua hil zen Erregeak 155. artikulua aplikatzea legitimatu behar izan zuen egunean, aspalditik esaten zutelako indarkeriarik gabe denaz hitz egin zitekeela…bai zera!
Espainian, bi estatu-kolpek irabazi zuten oso denbora gutxian, eta erakundeen bizitza fartsa handi bihurtu da. Orain ezin da alde handirik egon erakunde haietako diputatu eta senatarien artean. Nola edo hala, Espainia ari dira eraikitzen.
Txillardegik zioen bezala: politika bidea, bada, naziogintza dugu
Ezin da beti atzera begira egon, eta, jakina, ezin da galdutako denbora berreskuratu, baina ez dago betiko irauten duen gaizkirik. Espainian dagoen istilu guztia, Estatu Batuetan dauden istiluak bezala, hutsaltzen jarraitzeko dirurik Mendebalde osoan ez dago. Honezkero krisialdi latzean bizi gara eta, ziurrago izango dugu euskaldun gisa bizi, berdin Wikipediaz edo Independenteaz, erakundeetako bide hutsalak jorratzea baino. Txillardegik zioen bezala: politika bidea, bada, naziogintza dugu. Hortxe bai desberdintasuna markatu beharra dagoela.
Konfiantza ezak nahasten nau, ego kaltetuek ongizate komunaren izenean sanidade eta osasun paradigma aldaketa bati erreparatu beharrean nola babesten eta bultzatzen duten indarrean dagoen ikuspegi patriarkal, kapitalista, misogino egia bakarrekoa, eta, ai! hain espainiarra! Eta arrazoi duzu, Fito, orain disidenteak urkatzeko tenorean sartuko gara, ez naziogintza eraldatzaile batean, eta ezker pentsamendu balizko baten justifikazioz jantzia. Beldurra ere ematen du.