Abiatu da Bigarren Itzulia!
Pasa den zapatuan, uztailaren 5ean, hasi zen covid txertoek kaltetutakoen aldeko Bigarren Itzulia. Bigarren urtez jarraian, Mikel Azkorra sopeloztarra mendi bizikletaz bidaia luzea egiten ari da, sistematikoki ezkutatzen ari diren txertoen kalteak ikusarazi eta kalte hauek pairatu dituzten pertsonak laguntzeko. Uztailaren 5ean Sopela bere jaioterrian hasi eta abuztuaren 26an bertan bukatu; 53 egunez bidegorri eta mendi bideetatik 3.808 kilometro egin, bataz beste 78 kilometro egunean, 60.000 metro metatu baino gehiago igo eta beste horrenbeste jaitsi, atseden egunik gabe 53 etapa; odolbilduak, iktusa, minbizia, bat-bateko heriotza… pairatu dituztenak eta euren hurbilekoak bakarrik ez daudela ozen esateko.
Udaletxe plazan goizeko 10etan elkartu ginen, kasualitatez “Hauxe da Bizitza” leloa letra larriz idatzita zeukan eta odola emateko erabiltzen diren autobus horietako baten ondoan. Elkar agurtu, berba batzuk egin eta sopeloztarrei Bigarren Itzuliaren berri eman ondoren, lehenengo pedalkadak ematen hasi ginen. Ehunka metro gutxi batzuk aurrerago, derrigorrezko geldialdia. Mikelek ogi barra bat eraman zion bere amari eta bidaiaren aurretik ama agurtu zuen, mundu honetara ekarri zuen etxe beraren aurrean.
Txirrindulari taldeak aurrera egin zuen Bilboraino. Oteizaren eskulturaren aurrean, harrera polita izan genuen eta bigarren aldiz ospatu genuen Bigarren Itzuliaren hasiera. Ibaizabal eta Nerbioi, ibai arroaren alde batean edo bestean apurka-apurka gora eginez eta paisaiaren edertasunaz gozatuz, arratsaldean lau lagun heldu ginen Amurrioraino.
Hurrengo eguneko etapa bakar-bakarrik egin zuen Mikelek. Ezagutzen ez zituen bideen baldintzek abiadura moteldu zioten eta atzerapenez heldu zen Gasteizera, nekatuta. Bitartean, Silvano Baztanen hitzaldia izan genuen, bere esanak entzun eta errealitateaz jabetu nahi duenarentzat beste aukera bat.
Logroñon, 14 urteko semea galdu zuen Diana eta bere lagunak zituen zain
Eta, biharamunean, harrera beroa izan zuen Mikelek berriro ere. Logroñon, 14 urteko semea galdu zuen Diana eta bere lagunak zituen zain. Egunez egun, bizipenak eta elkartasuna. Hasi berri den Bigarren Itzuli honetan parte hartu nahi baduzu, jarri gurekin harremanetan:
bizitzaposta@protonmail.com
