Txernobylen jakin izan balute 72 orduko kit-ak konpontzen zuela dena

‘Lorik ez egiteko istorio punkiak’ serieko artikulu guztiak esteka honetan

Furra Furra Arnaldo Otegi, Furra Furra!

Gaur goizean jeiki naiz suerte onean, tanke bat topatu dut neure kafesnean, eta zopan ere topatuko dut horrela jarraituz gero.

Dena gero eta antinaturalagoa bazen, orain 2030 Agendarekin, ingeniaritza sozialarekin eta alderantzizko psikologiarekin, azken puntadatxoa eman diete gelditzen zitzaizkigun mugimendu sozial legitimo eta beharrezkoei; zaurituta baina zutik jarraitzen zuten horiek, berriro fenix hegaztiaren antzera birsortuko zirelakoan… Eta, azkenean, jatorrian herrikoiak ziren mugimendu horiek beren buruaren etsai bihurtu dituzte, mugimendu suizida, ematen duten urrats bakoitzean beren burua suntsitzen dutenak.

Bere garaian, batzuek “sexua droga eta rock & rolla” sinistu genuen, gezur hura: azkar bizi eta gazte hil, No Future delakoa. Sarraski hartatik bizirik atera ginenok ikasi eta transmititu beharreko akats historikotzat onartu dugu hura, berriro gerta ez dadin. Alabaina, Mendebaldeko gizarte osoa bere osagai ezkutuengatik eta ondorio ezezagunengatik ezaguna den edabe bat ziztatzera iritsi gara, inolako informazio, zalantza eta hausnarketarik gabe. Ostia puta!

Ez dugu ezer ikasi, goazen atzera, maldan behera eta galgarik gabe. Furra furra fandagua, denak dantzan eta kantuan hiltegirako bidean! Ekologismoak bere burua kutsatzen du behien puzkerrekin, feministek berdintasuna patriarkatuaren rol maskulino tradizionalak hartzearekin berdindu dute, antimilitaristek Arnaldo Otegi onartu dute bozeramaile gisa, eta hark Bruselan eta Euskadi Irratian botoak ehizatzeko bere bertsioa ematen digu.

Gerraren aurkako eta derrigorrezko zerbitzu militarra ez berrezartzeko mozioetan, EhBildu abstenitu egin da edo ezetz bozkatu du

Bitartean, Bizitza Plataformak Hego Euskal Herriko udaletan aurkeztu dituen mozioetan, batetik plandemian gertatutakoa ikertzeko eta covidaren txerto sakrosantua aztertzeko eta, bestalde, armatzearen eta militarizazio berriaren aurka egiteko, Euskal Herriak NATOn sartzeari uko egin zioneko erreferenduma gogoan; gerraren aurkako eta derrigorrezko zerbitzu militarra ez berrezartzeko mozioetan, EhBildu abstenitu egin da edo ezetz bozkatu du, bere jarrera kontraesankor eta arduragabearen azalpen sinesgarririk eman gabe. Furra furra fandangua, hortxe duzu fandangua geure disgustukua.

Baina lasai, dena konponduta dago gerraren aurkako kit-arekin, oso erraza da

Baina lasai, dena konponduta dago gerraren aurkako kit-arekin. Oso erraza da: botilatxo bat ur, tiritak, pilak, linterna bat eta beste lau pitokeria. Arazoak amaitu dira; ur minerala edateak hilezkor bihurtzen zaitu. Txernobylgo “likidatzaile” gizajoek hori jakin izan balute, kakalin eta furra furra lehen opor egunean baino alaiago eta pozarren dantzatuko lituzkete orain.

Neure arma bakarra dut Independentea, nahiz eta Cervantesen hizkuntza inposatzen dutenek horretaz ezer ez jakin, eta euskaraz dakitenek ere ez, antza.

Eta orain banoa berriro ohera, eta ea esnatzen naizenean dena amesgaiztoa izan den. Bihar ikusiko da zer dagoen berri, maskarillarena jakintsuenak ere ezin zuen igerri.