Gaur, goizeko 6:10etan, lagun bat bidegorrian lasterka. Zipaio bat:
–Oye tú, ¿la mascarilla?
–¡Qué mascarilla ni qué hostias! ¿No ves que estoy sólo?
–¡Estoy yo!
–¿Y a ti quién te ha llamado?
Eta abar.
Teleberrian: herritarrei deia garraio publikoetan isilik joan daitezen.
ISILIK.
Tabernak itxita, gaueko 10etan denok etxera, herritik atera ezinik, hots, estatu kolpe bat, tiro bakarra bota gabe, osasunaren izenean. Arazoa osasuna balitz ospitaleak ez lirateke egongo dauden egoera dekrepitoan. Ospital “publikoak”, diot.
Eta “publikoak” kakotx artean idazten dut ospital pribatuak ere gure poltsikotik pagatzen ditugulako, baina aberatsentzat. Osakidetzak sei hilabete eduki ditu birusaren aurrean prestatzeko. Ez dute neurri bakarra hartu. 300 milioi inbertitu dituztela diote.
Zainketa Bereziak beteta daude, egia: egunero sartzen dituzte bost bat lagun, eta kopuru bera eramaten dute plantara, osatuta. Hiltzen ari diren gaixoak dira aurretik gaixo zeudenak, diabetikoak, obesoak, bihotzeko gaitzak dituztenak, zaharrak, eta abar.
Osasunari dagokionez, ongi zehaztuta daude arreta eta zaintza bereziak behar dituzten pertsonak. Ez dauka zerikusirik etxeratzeko aginduarekin edo tabernak ixtearekin. Neurri horien eta ospitaleetako errealitatearen arteko lotura Teleberriko propaganda da. Bi mundu paralelo dira.
Jendeak lana galdu eta ez du langabeziarik kobratzen. RGIa kobratzeko baldintzak gero eta gogorragoak dira. Naturalizatu ditugu gauza hauek? Naturalizatu dugu jendeak etxea galtzea, ez edukitzea umeak elikatzeko nahikorik, beldurrez bizitzea?
Hau guztia ikusten ez duenak ez du ikusi nahi. Kapitalismoaren ofentsiba baten erdian gaude, eta aurre egin behar diogu. Guregatik, eta gure ondorengoengatik.
Eta gainera, gazteriaren kriminalizazioa, osasun larrialdiaren errudunak haiek balira bezala. Benetako biktimak direnean. Gehienak gurasoen etxean bizitzen, lanik ez eta inolako espektatibarik gabe “normaltasun” berri honetan, adiskideekin edo bikotearekin harremanak etenik isolamendura kondenatuta, taldeka kirola egitea debekaturik, ikastetxeetan edo unibertsitatean 8 orduz maskara jantsita, …. Gerra guztietan bezala, honetan ere gazteak sakrifikatu ditu gizarte zahartu eta sumiso honek. Aski da!
Lehen “quieto todo el mundo” batekin egiten zena “egon ixilik eta estali ahoa” batekin egin dena. Bikaina, Zigor Garro. Eskerrik asko. Altxa euskaldunak!
Aupa Zigor! Besarkada handi bat!
Erabateko gerla baten aurrean gaude. Eguneko hogeita lau orduetan okupatuta dituela desinformazio masiboko komunikabideak, aparatu armatuak eta errepresaliatuek eta menpekoek ikusten ez dutena ezta susmatzen ere.
Niri ez eman laguntzarik, utzi bakean lan egiten, hori da behar dudan laguntza bakarra!
Tristetzen nau ezker abertzale istituzionala eta beste ezker istutuzional batzuek sanidade politika neoliberalekin irmoki lerratuta ikustea. Tristetzen naute, sumintzen naute.
Ni ere erabat harrituta nago zein otzan onartu dugun guztia. Eta kezkatuta zenbaterainoko sumisiora iritsi gaitezkeen etorkizunean. Bidea egina dute. Osasunaren izenean. Amen.
Boteretsuek berriro ere “osasunaren trikimailua” erabiliko diNatelakoan nagoNK hemendik hamarkada gutxi barru (zein ondo irten zaien ikusita) baina bitartean “osasunaren krisia” deitzen dioten “ekonomiaren gainbehera programatu” honekin jarraituko diNagu, zenbat denboran zehar? 6 hilabete? 12 hilabete? 24 hilabete? 48? 96? … Ea ez diNadan lehenengo zenbakian ere asmatzen!! Ondo izan!!
Ez habil oker,ez,motel!!!koronaipuin txinatar honek zerbait akatu badik hainbat “ezkerreko” erakunde eta sindikaturen sinisgarritasuna izan duk
Gogorra da konfiantza osoa izan duzun jende horretan (ezker abertzalea adibidez) sistema usteldu honen parte aktiboa dala ikustea. Lagun minak edo bikoteak adarrak jarriz traizionatzen zaituen sentimendu antzekoa dala susmatzen dut. Asimilatu arte prozesua gogorra da baina etorkizunean aske bihurtuko zaitu. Errealitatea eta bizitza beste modu baten ikusiko duzu.
Begira Iruña Veleia auzian E.Abertzalea non dagoen? Euskera eta gure kulturan kontra!! Bai, kontra egiten!! Sinezgaitza ezta? Ba pixka bat baino ez da ikertu behar
Nahi duzuna. Ez dizut baietz edo ezetz esango. Gauza batzuetan erabat ados nago; beste batzuetan, aldiz, eztabaidagarria litzateke… Baina ez dut hor sartu nahi. Ez dut ez gogo ez interes berezrik. Kontu bat baino ez: euskarazko informatiboak Gaur Egun du izena. Teleberri erdarazkoa. Izan gaitezen ba euskaldun.
GORA INDEPENDENTEA EGUNKARIA!! ETA GORA EGUNKARI INDEPENDENTEA!!
Zer dela eta isilduko naiz, isilduko gara?
EZ NAIZ ISILDUKO, EUSKALDUNAK EZ GARA ISILDUKO!!
HAU ARGI BA DUGU, DENA ULERTU DUGU!!
AURRERA BATERA!! GORA GU TA GUTARRAK!!
¿zeinda ezker abertzalearen postura Iruña Veleia inguruan?
-Pasadizo adierazgarriaren bat: duela…hilabete bat?, ni inuxentea, Iruñeako eH-Bilduko egoitzera igo nintzen. Ea zein zen bere jarrera iraultzaile eta propioa Covid-a SENDOTZEKO. Zergatik Ixilik zegoen (ordun “segidismoa” egiten). Ea CDS/MMSa ezagutzen zuen,…
-Militante pare batek errezibitu ninduen, handik gutti barru batek ospa…eta idearik ez zeukatela konturatu nintzen; nik datu batzu idatzi nizkien presaka koartila batean…eta kitto. Gaur arte erantzunik ez !!. Hori bitartean Jendea hiltzen (abertzaleok ere, ziur!).
-Dirudienez gaia ez da bere Agendan (badakigu zein den gai Bakarra). Monzonek burua altxatuko ba zuen…Ni ez naiz eH-Bilduko militanterik eta horrela zaila ikusten dut…”Amen” esateko (ala Ezer esateko) ez du merezi. Hori pena, desilusioa, ezintasuna !!.
-Ordun, bistan da, eH-Bildu Eskuin aldean geratu da Coviden aurrean, bere Sendakuntzari buruzko jarrera ez da iraultzailerik, ez du Eztabaidarik bultzatzen, …
-MOTZA geratzen zaigu Ezker Ab. Ofiziala hau.
-Argitaratu al du, GARAk, Hegoamerikan CDSarekin lortutako arrakastak (bizitzak!!), zer den COMUSAVa?, zein den CDSa eta zein Andreas Kalcker zein bere webgunea?, Deia egin die EHko mediku kritikoei elkartzeko-idazteko-adierazteko?, etab….
Kontuz adierazpen batzuekin, Zigor: “Hiltzen ari diren gaixoak dira aurretik gaixo zeudenak, diabetikoak, obesoak, bihotzeko gaitzak dituztenak, zaharrak, eta abar”. Esaldi horretan, gauzak hobeti azaldu ezean bederen, gaixofobia, lodifobia, gerontofobia eta kapazitismo supremazista ikusten dut nik, argi, garbi eta periloski. Argudio hori hobeto landu behar duzue geure ezjakintasun aitortutik Felix Zubia, Ana Galarraga eta gisakoak, oraingoz behintzat, gidaritzat hartuta ditugunok konbentzituko bagaituzue. Adeitasunez,
Oso bestelako irakurpena egiten dut nik esaldi berberaz: zaharrari eta gaixoari eskua zabaltzeko gogoa ematen didana, esanez: utz dezagun atzean fartsa hau, altxa eta atera gaitezen hemendik beldurrik gabe, eta ziurtatu dezagun, behintzat hil aurretik, zerbait bizi dezagun. Askatasunak dakarren osasun horrekin. Behar bada aurten ezagutu ditudan Karmelo Bizkarra edo Juanjo Martinez medikuak bezala, hainbat aziente tratatu dituztenak, ni tartean, eta hainbat erizain bezala, edo Mikel Altzuart bertsolariak edo Jon Ander Etxeberria Euskadiko biologo dekanoa egiten duten irakurketa aske eta logikoarekin bat eginez ere.
Fartsa bat izateko oso kontakizun errealak iritsi zaizkigu denoi, baita oraingoz gaixotasunarekin harreman zuzenik izan ez dugunoi ere. Ez naiz ari neurrien egokitasunaz, ezta datuen erabileraz edo hedabideen jokabideaz ere; hor asko dago eztabaidatzeko eta, seguru asko, salatzeko. Ari naiz kontu hau gripe arruntarekin parekatzeaz. Argumentu hori jada ez da sinesgarria, niretzat behintzat. Ari naiz inolako neurri berezirik ez litzatekeela hartu behar esateaz: utzi gaitzari zabaltzen (zeren zabaltzen da, ezta?), erietxeak betetzen (zeren jendea erietxeratzen du, ezta?) eta jendea hiltzen (zeren jendea hiltzen du, ezta?), harik eta gurekin aspertu eta bakean uzten gaituen arte, eta bitartean bizi aske eta lasai. Planteamendu hori jada ez dira sinesgarria, niretzat behintzat. Tamalez, nik ere nahiko bainuke argumentu horiek sinistu eta planteamendu horiekin bat egin, baina ez naute konbentzitzen. Hortik jotzen duzuen bitartean, edo hori hobeto esplikatzen ez duzuen bitartean, alferrik ari zaretela iruditzen zait.
Hain zuzen, niri gehien harritu nauena izan da deskubritzea hau “zabaltzen dela” ideiaren adostasun FALTSUA, benetan harrituta, ez gaixotasun guztiei dagokionez, baina bai mende t’erdiko historia duen gripean eta bai aurtengo super berezi honetan.
Ordea, elizaren funtzionamendua duen makinaria kapitalista globala, elizaren mende “onenetan”, besterik adierazten duten milaka medikuen ahots difamatzeko eta desagertarazteko gai, berdin biologo libreena, izan nobel sari, izan erizain ezezagun, izan amerikar, euskaldun, eskuindar, ezkerti, anarkista, izan nekazari, izan libre pentsalari, periloski.
Gezurra al da, hortaz, UZIak bete izan direla eta neurriak estutu direnean kutsatze maila gutxitu egin dela? Heriotza tasa handitu dela bolada batzuetan? Kontrolatu al daiteke gezur hori erietxeetan, zaharretxeetan eta tanatorioetan lan egiten duten langileak engainatu gabe? Gezurra esan al zuten Elena Iruretak eta Aizpea Goenagak beren kasua kontatu zutenean? Ordaindu egin al zieten antzezpen hori egiteko ere? Nahikari Gabilondoren aitari ere bai? Beren esperientzia gogorrak kontatu eta arduratsuak izateko dei egiten diguten herritar xume horiek guztiak protagonismo bila dabiltzan gezurtiak al dira? Covid Iraunkorraz mintzo direnak Gizarte Segurantza zukutu nahi duten aprobetxategi doilorrak al dira? Gezur ofizialik ez dagoenik ez dut ukatzen, izango da, engainatuta egongo naiz ni ere neurri batean, baina hau farsa bat balitz antzezle gehiegi beharko litzateke farsa horri eusteko. Horrelako galderei erantzun sendo bat ematerik badaukazue?
Oraintxe adierazi dit tanatorio bateko langileak beraiek nabarmen antzematen ari direla hildakoen gorakada, eta hazkunde eragiten dutenak COVID-19ak hildakoak direla, edo, nahiago baduzue, COVID-19aari aurre egiteko indarrik izan ez duten diabetiko, lodi, zahar, ezindu, ahulak… Eta honekin ez dut esan nahi neurri guztiak ondo hartuak direnik, ezta bakardaeak eta tristurak ere eraginik ez duenik hikortasun-tasan (hori ere izan daiteke, neurri batean), baina inolako tranparik egiten ez duen jendearen lekukotasunak ezin dira ukatu eztabaida zintzo batean.
Norberaren desobedientzia da bide bakarra.
Juan Luis Zabala: badago erantzunik, bai, baina ez dituzte ez Felix Zubiak, ez Ana Galarragak, ez Ugo Mayorrek, ez Miren Basarasek azaltzen. Ez dakit euskal prentsan kasik “guru” mailan jarri diren horiek zergatik eta nolatan apuntatzen duten horren gaizki. Ez dakit baldarkeria den edo fede txarra den, edo ezkutuko interesak dituzten (beren lantokirako baliabide gehiago lortzea, adibidez).
Ospitaleak nola ez dira kolapsatuko, egon diren -eta etorriko diren- murrizketa guztiekin? Eta gainera plantilla erdia etxera bidaltzen badute ZER NEURTZEN DUEN EZ DAKIGUN (eta hori medikuek jakin BADAKITE) PCR “test positibo” batengatik, eta plantillaren beste zati on batek baja hartzen badu “beldurragatik”, “asunto propioengatik” edo dena delakoagatik??? Horrela, ospitalean geratzen direnak , piko epidemiko batean (martxo-apirilean egon zena, hori ez dut ukatzen), traumatizatuta geratzea espero izatekoa da!!!
Izenik ez duena, horren ardura jendearen bizkar gainean jartzea da. Neurri politikoak, neurri polizialak, neurri errepresiboak , finean, OSASUNAREN KONTRAKO NEURRIAK hartzea ONARTEZINA DA. Arazo sanitario bati osasun-arloko neurriekin erantzun beharko zaio, ezta??? Arrisku taldeetakoak babestuz, osasun-sistema haiek egoki artatzeko prest edukiz. Eta sinistarazi nahi digute (aipatutako guruek ere bai; hori da mingarriena) hartzen diren neurri onartezin horiek direla har daitezkeen bakarrak… Lotsagarria da benetan, Juan Luis.
Nik ez dut gerontofobiarik ikusten ez artikulu honetan eta ez Pablo Sastrerenean ere, Juan Luis!
Alderantziz: heriotza horiek (hildakoen %70 inguru ZAHAR-EGOITZETAN!!! Zahar-egoitzen BARRUAN!!!) argitzeko motiboa indartzen du. Izan ere, jakingo duzunez, zahar horien bizitza EZ DA SALBATU, ezta salbatuko ere, neurri faxista hauekin.
Egiten ari diren bakarra heriotza horien errua zuri, niri, guri eta gure haurrei botatzea da. Inolako lotsarik gabe. Ezin duzu joko zikin hori onartu, ezta Felix Zubiak edo Ana Galarragak eskatzen badizu ere. Ez da zilegi.
Juan Luis, nik ezagutzen dut covid delakoa (edo pneumonia, kasu honetan) larri pasatu duenik, eta, hala ere, neurri faxisten kontra daude. Ez dute hau onartzen beren bilobentzat. Ezta euren buruentzat ere.
Baina, a zer kasualitatea, hauek ez dituzte Berria egunkarian elkarrizketatzen.
Neurrien kontra egotea ondo iruditzen zait, zilegia, bidezkoa eta kasu batzuetan beharrezkoa. COVID-19aren kutsakortasuna eta larritasuna ukatzea da gaizki iruditzen zaidana, esatea gripearen parekoa dela, batere neurririk ez dela hartu behar…
Ados, baina orduan, neurri horien ALDE egiten duten Felix Zubia, Ana Galarraga eta enparauei esan beharko diezu zerbait, ez duzu uste?
Bestalde, nik ez dut birus honen larritasuna ukatuko, nahiz eta larri jende gutxiri eragin dion, eta arin -edo baterez- gehiengo zabal bati, dirudienez.
Zuk gripearen larritasuna ukatzen duzu, ala? Ez, ezta? Hala espero dut. Ba nik ere ez dut ukatzen “aurtengo” (hori ere zalantzazkoa gutxienez, Bartzelonako hondakin urei errepatatuta) birus honena.
Gripearen parekoa dela esatea gaizki iruditzen bazaizu, FROGATU egin behar duzu ez dela hala. Ezin da hain modu hutsalean esan “ez dela gripe bat”, edota “ez dela pneumonia bat”. Hori frogatu egin behar da, ez baita oso ebidentea estatistikak begiratuta, eta are gutxiago autopsiak debekatuta, eta are gutxiago test desegoki eta inespezifikoekin, era abar eta abar eta abar..
Holokaustoa izan zela ere FROGATU egin behar al dut? Gernika Francoren aginduz bonbardatu zutela FROGATU egin behar al dut? Ez, noski. Sinistu egiten dut hainbatek esandakoa, idatzitakoa eta irudiz erakutsitakoa, ezta? Bestela, nola? Ba hemen ere gauza bera. Norbaiti sinistu beharra daukat, eta nik Aizpea Goenagari, Elena Iruretari, Nahikari Gabilondoren aitari, ETBko Eztabaidan saioan agertu zen medikuari (ez dut gogoan izana), erietxe batean, zaharretxe batean eta tanatorio batean lan egiten duten nire ahaide eta lagunei, COVID-aren ondorioz osaba galdu duen eta bste ahaide batzuk gaixo izan dituen lagunari, COVID iraunkorraz hitz egiten dutenei… sinistu egiten diet. Eta, dena esateko, Zubiari eta Galarragari ere bai, oso gertuko egiten zaizkit, eta fidagarri. Neurri batzuk ez direla bidezkoak? Baliteke, ez dakit, baina zaila egiten zait hori epaitzea, ez naiz ausartzen, ez naiz behar bezain jakitun sentitzen. Akaso denbora gehiago eskainiko banio datuak aztertzeari, gauzak irakurri eta aztertzeari, iritzi sendoagoa izango nuke, baina nire eguna 24 ordu eta zeregin asko ditu, eta iristen naizen lekuraino iristen naiz, eta ez naiz kapaza hartutako neurrien kritika koherente samar bat egiteko. Hori da nire esperientzia, nire iritzia eta nire jarrera, buruz eta bihotzez neureganatua, ez inoren aginduz, ez inolako abantailarik eskuratzeko asmoz.
“Gezur ofizialik ez dagoenik ez dut ukatzen, izango da, engainatuta egongo naiz ni ere neurri batean, baina hau farsa bat balitz antzezle gehiegi beharko litzateke farsa horri eusteko. Horrelako galderei erantzun sendo bat ematerik badaukazue?”
Juan Luis Zabala…zuk uste antzesle gutxi daudela fartsa honi eusten????
Gaur egun, herri txikienekokoetik hasita hedabide guztiak fartsa honekin lerrokatu dira….Googleren 5.000 euroren gutxienekoentzat eta hortik gora gainontzekoentzako, EFE agentziaren iturrira bideratzearen trukean.
Baina ezanak dion bezela…”Beti iturri berera hanbeste joan eta joan…azkenian ontzia apurtu”…gutxienez ezan honekin bai etorriko zerala bat nerekin.
Edozein moduz eta denbora pasatzearekin garbi geratzen ari zait beste ezan jakintsu bat oso apropos datorrena fartsa honetarako: “Txermenondo batean, udare guztiak ez dira eltzen egun berian”
Naiz eta gehienei gaizki pasa hazi… onerako lorpen nagusiak ematen ari dira eta gehienez datozten 6 urteetan gehitzen argitzen eta jende aldetik ESNATZEN joango direla garbi daukat… sistema narratz eta kriminalak guztiak desagertu arte.
“Horrelako galderei erantzun sendo bat ematerik badaukazue?”…horrela diozu iruskinan bukaeran. Bai Zabala jauna, bai ditugu eta nahi dezunean elkartzen gera GARA edo eta BERRIAko kazetari edo zuzendariarekin, eta aurrez aurre astertzen ditugu, bere irakurleei luzatzeko asmoekin….¿zer diozu honi?
Ondo izan lagun. Iruskinetan eta artikuloan parte hartu dezuten guztioiri animoak.
Arrazoia oso duzu, nire ustez, inork ez du inori ezer frogatu behar, adierazi nahi duena adierazteko, nahiz eta besteek ezin ulertu, ezin onartu. Baliteke, ordea, ulertu ezean, zentzua harrapatu ezean, iraindu sentitzea. Ez da inondik inora asmoa. Elkarrizketa zintzoa eskertzen da, eta oso bestelakoa da asmoa: ezjakintasunetik kuriositatea esnatzea.
Neuri ere Galarraga eta Goenaga gertukoak egiten zaizkit, pertsonalki ezagutu ditut eta sinistuta nago, zu bezala, haiek diotena goitik behera sinisten dutela. Baina bai esan behar dut haiek egiten duten gertakizunen oso irakurketa ezberdina egiteko arrazoi sendoak ditudala nik. Periloski. Ikusitakoak eta ezagutakoak konpartitzeko ordu eta bizitza guztia ematen ari naiz, ezin bestekoa iruditzen zaidalako, gogorra izan arren zeren hauek adieraztea agian orain gaizki irudituko zaizu –sartu diguten kutsagarritasuna auzitan jartzen duten ideiak, esate baterako.
Nire kasuan, erabat errotuak nituen sinesmenak, aurretik auzitan jarri gabekoak, buelta osoa eman dute aurten, paradigma osoa ankaz gora utziz. Akademia nagusia buruz behera geratu da noski, eta ezkutuko lan asko atera da argira: Alfredo Embid, Kary Mullis, Peter Duesberg, Eneko Landaburu, Antonio Mendizabal… Milaka dira isilduak izan direnak urteetan, orain haien lanak astintzen gaituztenak. Honetaz ere hitz egiten du Pablo Sastre Forest-ek «Kiberen» izeneko artikuluan. Ezta modu poetikoan ere ez zaio utzi. Adierazten galerazi diotenak sinsituta egingo zuten seguraski, hori zela egokiena eta arduratsuena pentsatuz, eta sinistuz, horrela imaginatzen dut nik.
Ados, Juan Luis, ez duzu zuk zeuk frogatu behar agian… Baina sinisten diezun horiei (Galarraga, Zubia, Basaras…) frogak eskatzea edo/eta egitateen gaineko beren interpretazioa seriotasunez arrazoitzeko eskatzea, gutxienekoa dela uste dut.
Dena dela, zuk zeuk zeure zalantzei erantzun diezulakoan nago: siniste kontuak daudela tartean, alegia, pertsona -eta diskurtso- batzuengan fedea, eta guztiok erasaten gaituen denbora falta.
Asko eskertzen dut erakutsitako zintzotasuna.
Orduan, virus batek España Eraso zuela entzutean, militarrak euren kasernetatik atera ziren tanke eta guzti…
Bakoitzak beren ikuspegia du Pandemiaz Edo Plandemiaz, ezkerraz Edo Dana dalakoaz, jakina.
Baina gauza ebidente bategaz ezin ahaztu,
Hemen KRIMEN BAT gertatu dela, hots,
Eliteak 2020ean erabaki zuela GIZA gaixotasun bategaz BALIATZEA Bere intereseterako.
Orain badakigu zein interesatarako iza zan,
Euren MAKRO.NEGOZIOA muntatzeko eta mundua Bere era maneiatzeko.
Etsaia hor daukagu eta erasoa benetakoa duk, espainar militar haiek arrazoia…
Zeinek zenbatuko ditu sasi.txertoen.ondorioz hiltzen Ari diren biktimak, adibidez?
Zeren horiek ere HIL egiten baitira….
Baina zeinek zenbatuko ditu, diñot.