Kartzelatik atera eta fakturak pagatzeko lanean hasi zara, baita zure burua esplotatuz. Urtebeten ogasunak hiru isun jarri dizkizu, paperak gaizki edo berant aurkezteagatik.
Deitu eta esan dizute isunak automatikoki igortzen dituztela, berdin zu zarela edo Google.
AUTOMATIKOKI.
Isunaren zenbatekoa ere berdina da, 0 euro fakturatu edo 100 milioi.
Ez galdetu noren mesedetan dagoen pentsatuta sistema.
Kapitalismoaren irabazi tasek behera egin ahala langileoi kenduz konpentsatzen dituzte “galerak”, murrizketekin nahiz langileok autoesplotaziora bultzatuz.
Pasada bat da, odolustutzen gaituzten bitartean “interface” mekanizatu bat jartzen digute parean, programak eta buklean txandakatzen diren ahots automatikoak.
Bueno, eta polizia.
Autoesplotazio horren baitan zergak daude, lan egiteagatik ordaindu behar duzun prezioa: zure lana erosi behar duzu.
Gero BUROKRAZIA dago.
Hura toreatzea bigarren lanbide bat da, orduak eta orduak kentzen dizkizun amesgaizto labirintikoa, finean txiroari odola xurgatzeko dagoena.
