Boterearen Gezurrak

Boterea eta besteok

Denbora gehiegitxo daramagu ezer konprenitu gabe eta zerbait ulertu dugulako plantak egiten. Bizitza eta heriotza dauzkagu etengabe jokoan, txantaia handiegia da hori.

3

Gorka Setien Berakoetxea

Zaintza eta etxeko lanak. Poema eta irudiekin jolastu zalea. Hernani

Zenbat milaka urte ote daramatzagu ordena sinboliko bat osatzen, hierarkiak zeintzuk eta nolakoak diren barneratzen. Ordena sinbolikoak gure bizitzaren alor guztiei ematen edo kentzen die balio POLITIKOA. Horretan da nagusi boterea, bere zentzu zabalenean, bere ongizate eta osasunarekiko estrategiak egia bakar eta ezinbestekotzat dauzkagularik.

Botereak gezurra behar du, gezur horretaz baliatzen da mezuak zabaldu eta indarrez ezartzeko

Halaxe, harrituta gaude jende asko, ikusirik ezkerreko erakunde eta talde gehien-gehientsuenak nola lerratu zaizkigun botere hierarkikoaren mezu, agindu eta mehatxuetara.

Ez naiz aditua ezertan, ez daukat ikasketa espezializaturik, urte askotxo bai, ordea, eta jokamolde politikoei arreta handia eskaini diet denbora honetan.

Botereak gezurra behar du, gezur horretaz baliatzen da mezuak zabaldu eta indarrez ezartzeko. Azken garai hauetan ere bai. Edo ez?

Aspaldiko kontua da, ez berria, boterea zaurgarrien garenetik, jaio berritatik, hasten zaigula bere antolamendu politikoa gugan konfiguratzen, ordena sexualetik hasita. Sentimenduak bideratzen dizkigute ondoren, eta sinbologia jakin baten lezioak jasotzen ditugu etengabe handik aurrera, lengoaia bat erabiliz eta barneraraziz, familia bat zer den irmoki azalduz, patrimonioen funtzionamendua martxan jarriz, horiek denek ekonomian edo arkitekturan edo gure moraltasunean, adibidez, eragin izugarria dutelarik.

botereak gezurra behar izan du betidanik, eta gezurraren edo egia-erdien bidezko manipulazioa erabiltzen du betikotzeko asmoz

Baliabide asko dauzka botereak: sistema oso bat, eskola-mundutik hasita, erabat publizitarioa dena, lan/enplegu dikotomiarekin jarraituz, arlo juridiko-penala erabiliz, dialektika baztertzen duen arlo sanitario/zientifikoa irentsaraziz, beti ere ekonomia jakin baten mesedetan. Honen guztiaren aurrean men egiten ez badugu, beti baliatuko da poliziaz eta militarrez.

Argi eta garbi ohartu nintzen, aspalditxo, erabat misoginoa dela, gainera, botere-sistema hau. Hona hemen hiru adibide xume, milaka izan litezkeenen artetik hartuak:

  • Carme Valls osasun-sistemako medikuak elkarrizketa batean esan zuen unibertsitateko karrera osoan ordubete exkax eskaini zitzaiola emakumeen hilerokoaren gaiari, munduko populazioaren %50 baino jende gehiagori eragiten dion horri.
  • Iraia Lekue fisioterapeutak adierazi berri du, euskal aldizkari batean, “sistemak” oso gutxi inbertitu duela emakumeen ongizatean.
  • Sagu arrekin eta gizonezkoekin soilik egiten zituzten proba klinikoak, horrek izan dituen ondorioekin.
  • 2021ean, Euskal Herrian sarri erabiltzen den prestigiodun hiztegi batean, gaztelerazko semen hitzaren adieretako batek hazi izaten jarraitzen du. Faltsua da (ordena sinbolikoa).

Lehen ere esan dut, eta errepikatu egin nahiko nuke, ezkerreko zenbait euskal intelektual eta kultur munduko hainbat pertsonak aintzat hartu nahi ez duten zerbait: botereak gezurra behar izan du betidanik, eta gezurraren edo egia-erdien bidezko manipulazioa erabiltzen du betikotzeko asmoz.

P.S. Anekdota gisa: negu-giroko egun hauetako batean 40 minutuko ilara pairatu behar izan zuten umeek euripean eta haize hotz bortitz samarra jasan beharrez PCR proba bat obretako burdinezko kaxa horietako baten barnean egiteko.

OSASUNA. Neronek ikusia eta sentitua.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

3 erantzun “Boterea eta besteok” bidalketan

  1. Txarrena dok halako egoera distopikoak (PCRrena, kasu) normaltzat irensten dituela egungo jendarte aluzinatu eta domestikatuak

  2. Botereari dagokionez, beti botere politikoa, helburua lortzeko edozein bitarteko erabiliz, argia, zuzena eta zehatza izan behar dugu haren definizioa buruz zertaz ari garen ulertzeko. Behin definitua, ahalik eta zailena da babes-ezkutu gisa martxan jartzea. Ezkutu horren eragile aktiboa modu horizontalean jarduten duen kolektiboa (herria) izan behar da, eta bertikaltasuna da menderatu beharreko etsaia.

    Eta horrekin lotuta, botere politikoa beti biolentziaz sortua eta mantendua, instituzionalizatu egin behar da, bere ezaugarriak diren iraupena eta eraginkortasuna anplifikatzeko helburuarekin.

    Indarkeria hitza nahitaez ordezkatu nahi izatera joko dugu beti, errealitate gordina apur bat mozorratzeko. Haiek bezala, ez dute inoiz hitz egingo armatu bortitzez, indar armatuez baizik. Baina hemen definizio bat eman behar da eta gero bakoitzak bizitza errealeko miseriak ahal duen bezala kamuflatu behar ditu. Gauzak ikusten ditudan bezala esateko irrikaz nago.

    Gutxieneko baldintza batzuk behatzea behar dira -aukera, taktika eta emaitzen aurreikuspenei buruzko edozein konsiderazio alde batera utzita- gure helmuga jokoan dagoen harean egoteko soilik.

  3. Josu, ikusten ari garena bada ere, ohartzen naiz erresistentziako kideok, hemen denbora batez, segurtasun gehiago transmitizen dugula, bizkorrago. perspektiba gehiago gure artean, arnas gehiago, dinamikoago nagien kontraposizioaz, gero eta eroriago ikusten ditudala. Gure determinazioa haiei kutsatzea ongi izango litzateke.
    Nahiz eta jakin haietako batzuek -oso sutsuak- interes-gatazka baten ondorioz eusten diotela covidianismoari. Gutxienak dira.

Utzi iruzkina

Azken artikuluak