Beren kulturak, beren balore bernakuloak eta beren subsistentzia desegitera heldu ziren burgesen aurrean komuneko jendeak egin eta galdu zuen gerra luzeari deitu izan zaio hola.
Gerra galtzearekin, gehienbat bere kabuz eta bere eskuz bizi izatetik haundien eskupetik bizi izatera igaro zen komuneko jendea; subsistentzia defendatzetik, beren lanpostuak, beren eskubideak, beren ongi-izatea defendatzera igaro.
Emakumeak gizarte-eginkizunetatik baztertuta gelditu izana izan zen gerra hura galdu izanaren kausetarik eta, era berean, gerraren ondoriorik garratzenetakoa.
Emakumeak beren “naturaz” ei ziren “etxekoak”; ideia horrek, hala kanpoaldeko/soldatapeko lanetatik nola, larriagoa zena, itzalpeko lanaren asmakizuna zela medio, familiaren subsistentziatik beretik baztertu zituen.
Inportantea da ulertzea. Emakumeek egiten zituzten subsistentzia-lan haietatik, gehienbat eurek egiten dituzten itzalpeko lanetara (zaintze lanetara, zentzurik zabalenean), itxuraz lan berak izan arren ere, ez dago jarraitasun bat: burujabetasuna galdu da bidean.
Esfera ezberdinetan plazatuak izatea onartu zutelako izan ziren garaituak eta indargabetuak komuneko emakumeak eta gizonak. Lan-klase onest batean bihurtu ziren, subsistentzia-jardueretatik afektiboki alienatuak, ekonomikoki ezberdinduak eta, besteren onuran, elkar esplotatzen zutenak.
Lagun argi batzuk, haize kontra, emakumeak eta gizonak esfera berera arraekartzen saiatzen dira… ez baita aspaldietan run-run dabilen “berdintasunaren” esfera, amaigabeko lehia eta areagoko esplotazioa dakartzalako horrek, ezpada beren diferentzian, ezetabaian eta kooperazioan elkar osatzen duten berdinen esfera.
Estrainekoz Argiako Katazuloa blogean argitaratua, 2022ko abenduaren 15ean
Maitasunari dagokionez, Antzinako Greziako filosofian, kulturan eta hizkuntzan “maitasuna” era zuzenean izendatzeko zazpi nozio bereizi zituzten.
Monoteismoko ezarpena, ‘maitasuna’ = jainkoa…, baino lehen…
dispertsioan.789
“Ezkerra” deritzaionak egin ohi duenez beti (EZ, ordea, “Eskuina” delakoak)
Ezin dogu utzi alde batera borroka orokorraren ezein alor ere: are gutxiago emakumearen ahalduntzea, herri indigenoaren borroka, ez sozialismoa, ez komunismoa, ez anarkismoa, ez ezein beste borrokarik.