SarsCoV2 – Covid19ari buruzko eztabaida

Herritarrak, etengabe, COVID protokoloei buruz ondo oinarritutako informaziorik ez direnez jasotzen ari, artikulu hau behean sinatu duten taldeen kide batzuek eskura dugun ezagutza partekatzeko asmoa dugu, gure gizarteak COVID-19aren presentziari eta datozen hilabeteetan izaten jarraituko ditugun aldaketei buruzko informazioa, prestakuntza eta eztabaida izan ditzan.

Helburu horrekin abiatu ginen abenduan, eta gaur balantzea egingo dugu. Abenduaren 18an eta 19an, ostirala eta larunbata, Eibarko Unibertsitate Laboraleko areto nagusian, SARS CoV 2-Covid 19ren pandemiaren inguruko eztabaida egin genuen.

Abenduaren 18an, PCR proben inguruko eztabaida entzun genuen. Hizlariak Jon Ander Etxebarria, Euskadiko Biologoen Elkargoko dekanoa, eta Ugo Mayor, Cambridgeko Unibertsitateko Biologian doktorea, Euskal Herriko Unibertsitateko irakaslea eta unibertsitate horretako taldeko kidea izan ziren. Talde horrek PCR test bat garatu zuen SARS CoV2rako, egungo pandemiaren hasieran.

Eztabaidak bi zati izan zituen: lehenengoan PCR testei buruz hitz egin zen. Jon Ander Etxebarriak proba hauen izaera azaldu zuen, baita bere balioaz eta eraginkortasunaz dituen zalantzak ere. Hori argudiatzeko, PCRei buruzko galdera teknikoen sorta bat planteatu zuen, eztabaidagai, eta bere irizpidearen arabera, printzipio edo urrats horiek ez direnez SARS CoV 2-ren PCRetan betetzen, bere desadostasun osoa adierazi zuen. Ondoriozta daitekeenez, froga horiek, bere ustez, ez dute administrazioak ematen dizkien espezifikotasuna eta sentsibilitatea, eta ez dute balio diagnostikorik birus horren aurrean.

Ugo Mayor irakasleak PCR proba bat zer den eta nola egiten den azaldu zuen. Baina, bere hitzaldian, ez zien erantzun Etxebarria jaunak zalantza horiei buruz planteatu zituen galderei. Are gehiago, Mayor jaunak aitortu zuen UPV-EHUn diseinatutako PCR probaren garapenean ez zutela bere test positiboen zelula-kultiborik egin paziente horietan birusa zegoela baieztatzeko. Mayor jaunak ere ez zion erantzun Etxabarriaren beste galdera garrantzitsu bati: PCR testean egindako zikloen kopurua edo Osakidetzak erabiltzen dituen ziklo kopurua zein zen.

Eztabaidaren bigarren zatian, PCRean oinarritutako pandemiaren datuei buruzkoa izan zen eta iritziak ere desberdinak izan ziren baina Mayor jaunak gutxi gehitu zion azaldutakoari. Hala ere, zalantzan jarri zuen Etxebarria jaunak Euskadin pneumonia erresistenteen ondorioz hildakoen kopuruari buruz eman zuen informazioa. Baina Euskadiko Biologoen Elkargoko dekanoak argi erantzun zion horri.

Larunbatean, hilaren 19an, hainbat gai aukeratu ziren, lehenengoa, txertoena, Maria Jose Martinez Albarracin doktorearen eskutik. Medikuntza eta kirurgian lizentziaduna da Murtziako Unibertsitatean, eta prozesu kliniko diagnostikoen katedraduna. Beste hizlarietako Marisa Garcia Alonso andrea izan zen Farmazian lizentziatua eta Analisi Klinikoetan espezialista, maskararen erabileraz hitz egin zuena.

Covid 19ren datuen tratamenduaz Alfonso Longo jauna arduratu zen, industria-ingeniaria eta enpresa-zuzendaritzako MBA doktorea.

Zoritxarrez, txertoei buruzko hitzaldia bertan behera utzi behar izan zen arazo teknikoengatik. Baina astelehenean, hilaren 21ean, Scabelum TVtik eman ahal izan zen eta horri esker prestatu zuen hitzaldia zabaldu ahal izan da.

Marisa Garciaren maskarei buruzko azalpena zabala eta argia izan zen. Une oro, argitaratutako ikerketa zientifikoetan eta horiekin egindako lanetan oinarrituta, maskarak ordu luzez eta behar den bezala ez erabiltzeak dakartzan albo ondorioak azaldu zituen. Batez ere, maskaretan germenak pilatzearen ondoriozko era guztietako infekzioak nabarmendu zituen, eta horiek daramatzaten pertsonak infekzio gehiago izaten dituztela gogorarazi zuen. Bere ustez, maskarak gaizki erabiltzea protokoloari buruzko informazio faltaren eta kostu ekonomikoaren ondorioa da. Baldintza horiek areagotu egiten dute Covid 19 gaixotasuna eta beste infekzio batzuk izateko arriskua. Haren ondorioa izan zen maskarak osasun-arazo gehiago ematen dizkigula onurak baino. Analista zenez, PCRari buruz publikoak egindako galderei erantzun ahal izan zien, PCR probak bere laborategietan egiten dituztelako. Hizlariak argi eta garbi azaldu zuen 30 zikloraino bakarrik egiten duela proba, eta beti lotzen duela testa egin dion pertsonaren sintomatologiarekin. Izan ere, jakina da ziklo kopuru hori gaindituz gero positibo faltsuak esponentzialki handitzen direla. Azalpen hori bat dator Euskadiko Biologoen Elkargoko dekano Jon Ander Etxebarriak aurreko egunean emandako argudioekin.

Eta larunbateko azken hitzaldia Alfonso Longok egin zuen on line. Covid 19ren datuen tratamenduari buruz ez ezik, gaur egun bizi dugun pandemiaren krisiarekin lotutako alderdi askori eta eztabaidara bertaratu zirenek egindako galdera askori erantzun zien.

Eskerrak eman nahi dizkiegu ponenteei eta bertaratu zirenei zein etxetatik online plataformen bidez eztabaida jarraitu zutenei. Eskerrik asko eztabaida hau positibotzat emandako iritziengatik eta eskerrik asko eztabaida honen beharra azaleratu duzuenei. Baina lehenengo eztabaida honetan Osakidetza eta Osasun Sailak ere egon behar zuten eta ez dira egon, eta ordezkaririk eta  informaziorik ez bidaltzean haien betebeharrari muzin egin diete. Espero dezagun hurrengo batean ikuspegi gehiago ikusi ahal izango direla.

Testu hau Eztabaida Zientifikoaren talde antolatzaileek sinatu dute:
Osasuna eta Eskubideak,
Bilboko Osasuna eta Askatasuna taldea,
Euskadiko Osasun-langile Taldea
eta Koroa Biluzik taldea.