Mendebaldeko telebistak eta hedabide handiak errealitatea ezkutatzeko ahaleginetan dabiltza azken bi hamarkadetan. Txinaren nagusitasunaz mintzo izatean, India edo Japonia aipatzen dituzte batzuek eredu bezala; Errusiak nazismo eta yihadismoaren kontra egiten duen borrokaz mintzatzeko garaian, Estatu Batuak aipatzen dituzte, kontutan hartu gabe anglosionismoak sustatzen duela terrorismoa nazioartean. Berehala igarri ahal dugu bakoitza non dagoen kokatuta geopolitikaren kontuan, horrelako erantzunak jasotzen ditugunean. Ezin daiteke ukatu hedabideetatik txinofobia eta errusofobia zabaldu ez direnik.
Globalismoa, multikulturalismoa, migrazioak eta gizarteen desorekak bultzatu dituzte gure alderdi politikoek azken urteotan. Horrekin batera, Estatu Batuetako informazioa etengabe goraipatzen dute eta denbora tarte luzeak eskaintzen dizkiote Ipar Ameriketako nazioari. Kontua zera da: Txina gutxiestea eta BRICS elkarteari buruz informazio urria ematea. Oraindik OTANen babesean bizi garelako mezua ematea da kontua, Europar Batasuna erakunde gerrazale eta inperialista horren beso politikoa izanik ere.
Badut senide azkarra eta zaharra, New Yorkeko aberats batentzat luzaro lan egin zuena morroi nagusia izanik. Berak orain hiru hamarkada beraren nagusi juduari maiz esaten zion Txina nagusituko zela ekonomian eta geopolitikan, Bistan denez, garai hartan tontotzat hartzen zuten SESB edo Errusiar Federazioa baitzen arerio geopolitiko bakarra gehienen ustez. Alabaina, denboraren poderioz, oso zaharturik dagoen senideak ikusi ahal izan du nola Txinak apurka-apurka Hegoaldeko herrien bihotza nola bereganatu duen. Senideak, gainera, ederto iragarri du AEBen zorra izugarriro handituko zela eta seguraski ere asmatuko du ateetan dugun finantza-krisiaz. Mendebaldeko gizarte neoliberal kapitalistari nazioarteko nagusitasun ekonomikoa galtzea suertatu zaio. Autogintza sektorean ezezik, patente eta aurrerakuntza teknologikoan, hala nola, robotikan zein eraikuntzan Txinak hartu du lidertza munduan. Gure herrian, ordea, itsu segitzen dute batzuek, telebista autonomikoek zein alderdi politikoek, azken finean, guztiak neoliberalak direlako. Txinofobia zabaldu dute azken urteotan, errusofobia hedatu duten bezalatsu, modu apalagoan izan den arren.
Ondoko taulan agertzen den bezala, 2025eko barne produktu gordinaren araberako herrialde zerrenda (erosmen-ahalmena kontutan hartuz) begiratuta, argiro ikusi ahal dugu Txina, India, Errusia eta Brasilgo indizeek goraka segitzen dutela aurreko hamarkadetako indizeekin konparatuz. Datuak Nazioarteko Moneta-Fondoak emanikoak dira. Eta, aldiz, AEB, Japonia, Alemania eta Frantziakoak beherakako joeran daude. Ez da kasualitatea lehenbizi aipatutako lau herri horiek BRICS elkartekoak izatea. Gainera, gogora dezagun Errusiak Japonia eta Alemania atzean utzi dituela rankingeko laugarren postua eskuratuta. Hori dela-eta, Europar Batasuna eta AEB gerra ekonomikoan eta geopolitikoan daude inperialismoaren abantailak ez galtzearren.
2025eko proiekziokoak dira datuok, bilioi dolarretan.
/ Gorka J Palaziok egindako irudia.
Datuak antzekoak dira, Elon Muskek emandakoekin konparatuz. Musk-ek bere Adimen Artifiziala baliatuz 2025erako Txinari 35,29 bilioi ematen zizkion lehen postuan, eta Estatu Batuei 28,78 bilioi dolarreko kopurua. Musken arabera, Europar Batasuneko estatuek 21,99 bilioitara heldu behar ziren BPG indizean.
Amerikako Estatu Batuak eta Europar Batasuna maldan behera joango dira datozen urteotan. Alderdi politikoetako eliteak ustelkerietan murgilduta daude; ez dute gobernatzen herritarrentzat, korporazio handientzat baizik, baita kapital finantzieroko buruzagientzat ere. Panorama horrelakoa izanik, egun inoiz baino beharrezkoagoa da alderdi politiko berria sortzea, herritarren interesak defendituko dituena eta ustelkeria albo batera utziko duena. Gainera, joera politiko berri hori argiki lerrokaturik egon behar da BRICS elkartearekin eta Europar Batasunetik irteteko nahiarekin, EB azken buruan, OTANen beso politikoa baita.
Ursula Von der Leyen oligarkak txertoekin eta armekin egindako negozioak bistakoak izan arren, interes talkak egon arren, badirudi Europar Batasuneko buruzagiak ados jarri direla ustelkeria kasuak estaltzeko, beren hedabide handiak isilaraziz edota zentsura ezarriz. Europar Batasunean oso zaila da ustelak boteretik kentzea.
Bestalde, garaiak ez dira egokiak ahotsak altxatzeko, salaketak egiteko, eta hori begi bistan dago. Zentsura joera horretan, bertoko telebistak eta gure unibertsitate bakarra sartu dira. Horrela, EITB eta EHU erakundeak Telegram eta Twitter-X sare sozialetatik irten dira sare anglosionistetan finkatuz, zeren METAk dituen Whatsapp, Instagram eta Facebook CIAren diruarekin sortu baitziren. Horiez gain, Euskal Herrikoak omen diren bi erakunde horiek Bluesky sarea hobetsi dute, zentsura gogoko duen mikroblogging sarea hain zuzen ere. Guztiok ikusi dugu EHUk nola sustatu zuen orain zenbait urte Ukrainako erregimen naziaren aldeko apostua webguneko orrialde guztietan banderak erakutsiz, Palestinarekin egin ez dutena. Garai hartan sor eta lor geratu ginen irakasle asko, eta oraindik segitzen dugu harriturik genozidio egoera bat dela-eta, zer-nolako erantzuna eman duten.
Globalismo hori txikitu arte eta inperialismotik at dagoen mundura batu arte, urte gogorrak izanen ditugu Hegoaldean zein Iparraldean, Nafarroa Osoan. Salbazio bakarra indar politiko berria sortzetik etorriko da. Diego Fusaro filosofo italiarrak dioen bezala, gizarteko beheko klaseei kontzientzia esnatzen zaienean ulertuko dugu nondik joan behar dugun. Anartean, mendebaldeko alderdi bakarrak agintzen segiko du Adrian Zelaia ekonomilariak dioen lez.
Gorka J Palazio
https://www.youtube.com/watch?v=DZchCbLQexE
…bakoitzarentzat bazan hiruna lerro….haiek lerroak ETA guk bost puntoak…..
Itxaropena pizten baldin badu ere munstroa jango duen beste munstro baten sorrerak, guk kilimak ere ez dizkiegu eragiten batzuk zein besteei eta haientzat Donostiar pintxo bat baino ezerezagoak gara.
Besteen gerratan beti galtzaile. Horrek ez du esan nahi denen aurka borrokatu behar dugunik geure indar exkaxekin baina inoren alde gutxiago.
hau nire hutsnarketa.
Nik ere uste dut, alderdi bat edo talde politiko bat sortu nahi balitz, berdin Estatu bat edo herri-konfederazio bat osatu nahi balitz ere, on litzatekeela, orain, Brics-en aldera, edo, inoiz ere, inperialista garbiak ez diren Estatuen aldera egitea – apal-apalik eta komeniko litzatekeen zuhurtziarekin.
Nazio arteko ordenari begira, mundu multipolarra zuzenagoa da. Luzeagora begira, esperantza humanorik ez da. Deskapitalizatzea, herri-kultura bat arrasortzea, euskaraz eta sinpleago bizitzea… ez dira sartzen inoren ekuazioetan. Apokalipsiarekin, agian… Orain-hemen, pixka bat, geure eskuetan besterik ez dira.
https://ezkernazionala.eus/
Ba hauxe aurkitu dut.
Agian lotura daka, ea ba animo
mientras sigan existiendo los partidos políticos no habrá solución
los partidos políticos han sido un cancer desde que aparecieron en Europa.
hay que ir a otro sistema de gestión de lo público.
Hau euskarazko egunkaria da, ala ez? 😠
Ezinbestekoa da BSW (Alemania) edo Smer (Eslovakia) bezalako alderdi bat sortzea. Subiranotasuna lortu behar da, hemengo bi komunitate autonomoak, Espainiar erresuma eta Frantziako Errepublika oligarkien gatibu dira, independentziarik gabe. Ekai Center horretan egotea laguntzen oso ongarria da, Adrian Zelaia ekonomilariak eskola sortu duelako gu-guztiok esna gaitezen.