“COVID txertoa” geldiarazi
Osasun Ministerioak, 2022ko abendutik aurrera, ez du ezer argitaratu “COVID txertoaren” ondorio kaltegarriei buruz.
Osasun Ministerioaren COVID Txertoei buruzko Farmakozaintza txostenak, 2022ko abendura arte, gertaera kaltegarriei buruzko 84.650 jakinarazpen jasotzen ditu, 14.003 larritzat jotzen dira eta 500 ondorio hilgarriekin: tronboak, entzefalomielitis mialgikoa, hantura sistemikoa, nahasmendu neurologikoak, min kronikoa, kataplejiak eta mugikortasun galera dira albo-ondorioetako batzuk. Lehen, AEBetan, 50 pertsona hiltzen zirenean, bertan behera uzten zuten txertaketa.
“Estatu Batuetako Txertoen Albo-kalteak Jakinarazteko Sistemak (VAERS), hau da, Gaixotasunak Kontrolatzeko eta Prebenitzeko Zentroek (CDC) txertoek izan ditzaketen ondorio kaltegarriak erregistratzeko duten erakundeak, COVID-19aren aurkako txertoa hartu duten pertsonen artean 2021eko abuztuaren 2ra arte izandako 6.490 heriotzen berri ematen dute”. (Newtralek argitaratua 2021eko abuztuaren 12an, Espainiako gobernuak diruz lagunduta).
18 urtez azpikoen artean, iktus kasuak % 53 ugaritu ziren 2022an
Minbiziak, bihotzekoak eta beste patologia batzuk ugaritu egin dira, “COVID txertoa” ez genuen beste urte batzuekin alderatuta. Zergatik ez du ikertzen Osasun Sailak urte hauetan gertatutakoa? Adibidez: Nafarroako biztanleen % 89k 2022an “COVID txertoa” jasotzearekin bat, urte horretan iktus kasuen igoera esanguratsua erregistratu zen aurreko urteekiko; % 20 ugaritu ziren iktusak, eta, 18 urtez azpikoen artean, % 53.
Foruzainen heriotzen eta infartuen indizea kezkagarria da 2021etik. Ikus ditzagun datuak: foruzainak txerto esperimental batekin txertatzen hasi ziren 2021eko martxoan. “COVID txertoa” jarri eta astebetera, foruzain batek garuneko isuria izan zuen, eta, ZIUn egun batzuk eman ondoren, hil egin zen. Ordutik eta 2025eko urriaren 17ra arte, lau urte horietan garuneko odol-hodietako 18 ezbehar gertatu ziren, eta, ondorioz, zazpi pertsona hil ziren. Beste pertsona bat hil zen gibelarekin lotutako gaixotasun batez, “txertoa” jaso eta gutxira. 2000tik 2021era bitartean, aldiz, hiru hil ziren bihotzekoak jota. Gutxienez, eta polizia-talde bat izanik, horrek guztiak susmoak sortu beharko lituzke edo galderak eragin bederen. Izan ere, orain arte 18 infartu izan dira lau urtetan, batez beste 4 edo 5 infartu urtean. Beraz, XXI. mendeko 25 urteetan 112 infartu gertatu beharko ziratekeen. Eta, lau urtetan 8 hildako egon badira, 50 foruzain hil beharko ziratekeen 2000tik 2025era. Orduan, zer gertatu da? Zergatik igo da indize hori?
Estatu Batuetako Kongresuaren 2024ko abenduko txosten kontrastatuak hau dio:
Covid-19aren txertoak ez zuen birusaren hedapena ez transmisioa eten, eta hura onartzeak epe arbitrario bati erantzun zion. Erabaki politikoa izan zen, ez sanitarioa, eta, beraz, haren derrigortasunak (eta osasun pasaporteak) ez zuen zientziaren babesik, eta kalte handiagoa eragiten zuen onurak ekarri baino. Ez zen behar bezalako informaziorik eman sortutako lesioei buruz.
Komunikabideetan zabaldu da “COVID txertoak” larriki gaixotzetik babesten duela. Non daude datuak?
Komunikabideetan eta Osasun Ministerioan zabaldu da “COVID txertoak” larriki gaixotzetik babesten duela. Non daude datuak? AEBko txostenak argi eta garbi dio: ez du inola ere babesten.
COVIDaren “txertoa” gelditu behar da, eraginkortasunik ez duelako eta oso ondorio kaltegarriak dituelako. Duela bi urte baino gehiago bertan behera utzi zuten hainbat herrialdetan. Zergatik jarraitzen dute Nafarroan adinekoak inokulatzen, besteak beste egoitzetan? “COVID txertoa” ez da derrigorrezkoa, baina senideei eta adinekoari berari ez zaizkie haren ondorioak azaltzen.
Arduragabekeria da. “COVID txertoari” dagokionez, eskuak garbitzen dituzte enpresa farmazeutikoek, Osasun Ministerioak eta gobernuak, urte hauetan zer gertatu den ezkutatuz edo behintzat ikertu gabe utziz.
Eguzkilorek (Nafarroako alderdi politikoa) eta Euskadiko (EAE) Izan Auzokrazia alderdiak sinadurak bildu dituzte “COVID txertoa” geldiarazteko. Enpresa farmazeutikoen negozioarekin amaitu behar da eta adinekoak babestu bera dira.
