Osasun burujabetzaren aldeko herri dinamika bat martxan jartzeko baldintzak sortu nahi ditugu. Horretarako, Bizkaian eztabaida prozesu bati ekingo diogu, bertan parte hartu nahi duen orori irekia, borroka mota horri forma emateko balioko duen aldarrikapen taula bat adostea helburu duena.
Prozesu horri ekiteko bi hitzordu ditugu Bilbon (bata apirilaren 12an izan da dagoeneko, eta bestea maiatzaren 3an izango da, Arroka Herri Tailerrean, Bilbo Zaharreko plazan). Hirugarren hitzordu bat izango da maiatzaren 24an Tafallan (BAMek antolatutako Burujabetzaren aldeko Herri Jardunaldien barruan).
Eskerrak eman nahi dizkizuegu deialdi hau (kartelak eta materialak) egokitzat jotzen duzuen orori zabaltzeagatik.
BAM (Burujabetzaren Aldeko Mugimendua)
